+374 41 711 117

ԻՆՉՊԻՍԻ ՆԵՐՔՆԱԿ ԸՆՏՐԵԼ, ԵԹԵ ՈՒՆԵՔ ՄԵՋՔԻ ՑԱՎԵՐ

Առողջ և հանգիստ քունն անգին է։ Այն ազդում է ձեր առողջության, ինքնազգացողության, առօրյա կյանքի վրա։ Անհարմար ներքնակը կարող է խանգարել թվարկվածին, ավելին՝ առաջացնել ցավեր մեջքի և գոտկատեղի հատվածում։ Իսկ եթե դուք արդեն մեջքի ցավեր ունեք, մեջքի հետ կապված հիվանդություններ կամ հետվիրահատական շրջանում եք, ապա ճիշտ ներքնակը ձեզ համար առաջնային է։ Առաջարկում ենք ծանոթանալ մի քանի խորհրդի ներքնակների ընտրության հարցում ճիշտ կողմնորոշվելու համար։

Այցելեք բժշկի

Երբեք ու երբեք որևէ հոդվածի, հարևանի կամ բերեկամի խորհրդով ինքներդ ձեզ ախտորոշում մի սահմանեք։ Մեջքի կամ գոտկատեղի հետ կապված ցավերին գրագետ արձագանքելու համար պետք է այցելել բժշկի, անցնել հետազոտություն ու իմանալ, թե ինչ խնդիր է ձեզ մոտ։ Միայն դրանից հետո օգտվեք այն խորհուրդներից, որոնք աջակցում են ներքնակների ճիշտ ընտրությանը։

Օստրեոխոնդրոզ

Եթե դուք ունեք օստրեոխոնդրոզ, ապա քնի համար լավագույն տարբերակը միջին կոշտության ներքնակն է։ Որպես լցանյութ կարող եք ընտրել արհեստական կամ էլ բնական լատեքսը, ինչպես նաև կոկոսի և memorix-ի խառնուրդը կամ կոկոսի և լատեքսի համադրությունը։ Այսպիսի ներքնակները հանգստացնում են ցավը, ողնաշարը պահում բնական դիրքում։

Սկոլիոզ կամ ողնաշարի ծռումներ

Ողնաշարի ծռության պարագայում նախապատվությունը տվեք առանց զսպանակների ներքնակներին։ Կոշտությունը կարող է լինել միջին կամ բարձր, իսկ լցանյութը՝ կոկոս կամ բնական/արհեստական լատեքս։

Ռադիկուլիտ

Այս խնդրի դեպքում ընտրեք անկախ զսպանակներով ներքնակ։ Այսինքն՝ այնպիսի ներքնակ, որտեղ զսպանակները կապակցված չեն միմյանց և ծանրությունն ընդունում են տեղային։

Իշիաս

Այսպիսի հիվանդության ժամանակ մարդը զգում է ցավ ոչ միայն մեջքի հատվածում, այլ նաև՝ վերջույթներում։ Այս պարագայում նախընտրելի է չափավոր փափուկ կամ միջին կոշտության տարբերակը։ Լավագույն լցանյութն այս հիվանդության դեպքում լատեքսն է կամ memorix-ը։

Արթրիտ կամ հոդաբորբ

Հոդերի վնասվածքի դեպքում ներքնակը պետք է ունենա միջին կոշտություն և ուժեղացված զսպանակային բլոկ։

Հետվիրահատական շրջան

Կոտրվածքի կամ ողնաշարի հետ կապված վիրահատությունից հետո պետք է քնել կոշտ մակերևույթի վրա։ Նախապատվությունը տվեք կոկոսի մազերից պատրաստված ներքնակներին։ Այսպիսի ներքնակներն արագացնում են վերականգնողական շրջանը։

Իսկ եթե դուք պարբերաբար ունենում եք ցավեր մեջքի, պարանոցի կամ էլ ողնաշարի հատվածներում, ապա ընտրեք անկախ զսպանակներով երկկողմանի ներքնակներ։ Լցանյութը պետք է լինի կոկոս, օրթոպեդիկ փրփուր, բնական լատեքս կամ memorix։ 

Մի՛ մոռացեք հետևել Haybed-ին նաև Facebook-ում և Instagram-ում, որպեսզի բաց չթողնեք մեր հոդվածներն ու հրապարակումները։

ԻՆՉՊԵՍ ԸՆՏՐԵԼ ՆԵՐՔՆԱԿ ԵՐԿՏԵՂԱՆԻ ՄԱՀՃԱԿԱԼԻ ՀԱՄԱՐ

Առողջ ու հարմար քուն, սա նոր օրվա, հանգիստ նյարդերի ամենակարևոր գրավականն է։

16 09 2019

ԻՆՉՊԵՍ ՉՍԽԱԼՎԵԼ ԲԱՐՁ ԸՆՏՐԵԼԻՍ

Լավ բարձը հնարավորություն է տալիս լավ քնել, քանի որ գլուխն ու պարանոցը պահում է ճիշտ դիրքում։ Մկանները թուլանում և հանգստանում են։

25 09 2019

ԻՆՉ Է ՕՐԹՈՊԵԴԻԿ ՆԵՐՔՆԱԿԸ

Օրթոպեդիկ է համարվում այն կոնստրուկցիան, որը կարողանում է ճիշտ պահել ողնաշարի սյունն ու օրգանիզմին թույլ է տալիս առավելագույնս հանգստանալ։

25 08 2019