+374 41 711 117

ԿՈԿՈՍԻ ՄԱՆՐԱԹԵԼԻ ՕԳՏԱԳՈՐԾՈՒՄԸ ՆԵՐՔՆԱԿՆԵՐՈՒՄ

Երբևէ կոկոս ուտելիս պատկերացրե՞լ եք, որ կեղևի վրայի այդ մազմզուկները կարող են առողջարար լինել ու կարևոր նշանակություն ունենալ քնի որակի համար։ Իրականում, հենց ձեր ձեռքի մազմզուկներն այդ վիճակում դեռ չեն կարող ծառայել որպես հումք։ Կոկոսի մազմզուկները հատուկ մշակում են անցնում և որպես մանրաթել օգտագործվում ներքնակների արտադրությունում։ Այս լցանյութը հիգիենիկ է, դիմացկուն խոնավության նկատմամբ, շնչող, հակաբակտերիալ։ Կոկոսի մանրաթելը չի առաջացնում ալերգիա և վտանգավոր չէ առողջության համար։ Այն ներքնակին հաղորդում է կոշտություն, ձգվածություն և երկարակեցություն։

Haybed-ի մեծ տեսականիում նույնպես կգտնեք բարձրորակ ներքնակներ, որոնք պարունակում են կոկոսի մանրաթելերի շերտեր։

Կոկոսի մանրաթելից ներքնակների տեսակները

Կան ներքնակներ, որտեղ կոկոսի մանրաթելն ուղղակի կարված է լինում կտորին։ Այդպիսի ներքնակները հիմնականում ավելի մատչելի և ոչ այդքան երկար են ծառայում։ Շուկայում իրենց տեղն ունեն նաև լատեքսով պատված կոկոսի մանրաթելի այսպես կոչված սալիկները։ Որպեսզի մազմզուկներն իրարից չառանձնանան դրանք պատում են լատեքսի բարակ շերտով, այդպիսով ամրություն ու առաձգականություն հաղորդում։ Կան նաև լատեքսի և կոկոսի մանրաթելի համադրությամբ ներքնակներ։ Դրանց երբեմն անվանում են «սենդվիչ», քանի որ շերտերով հաջորդում են իրար։ Կոկոսի մանրաթել- լատեքս համադրությունը շատ տարածված է, քանի որ այն կոշտության օպտիմալ բալանս և հարմարավետություն է ապահովում։

Շատ մարդիկ քնի համար նախընտրում են կոշտ ներքնակներ։ Բայց հիշեք, որ միայն կոկոսի մանրաթելից պատրաստված ներքնակն ամենակոշտն է բոլոր ներքնակներից։ Զգացողությունն այսպիսի ներքնակի վրա համարժեք կլինի տախտակի վրա քնելուն։ Այսպիսի ներքնակ իմաստ ունի ընտրել, եթե կա բժշկի խորհուրդ, քանի որ նման ներքնակներում կոկոսի շերտը կարող է հասնել մինչև 20 սմ։

Կոկոսի մանրաթելը մանկական ներքնակներում

Մանկաբույժերն ու օրթոպեդները խորհուրդ են տալիս երեխաների համար օգտագործել կոշտ ներքնակներ, քանի որ դրանք երաշխավորում են ողնաշարի և մկանային զանգվածի ճիշտ զարգացումը։ Այսպիսի ներքնակները համարվում են լավագույն ընտրությունը նորածնային և առաջին մի քանի տարիների համար։ Կոկոսի մանրաթելի շերտն ապահովում է անհրաժեշտ առաձգականությունը, նպաստում է ճիշտ կեցվածքի ձևավորմանը։ Անվտանգ բնական այս նյութը շատ հեշտ օդափոխվում է, թունավոր չէ։ Իսկ ներքնակի համար պատյանը կարվում է 100 տոկոսանոց բամբակից։

Մի՛ մոռացեք հետևել Haybed-ին նաև Facebook-ում և Instagram-ում, որպեսզի բաց չթողնեք մեր հոդվածներն ու հրապարակումները։

ԱՌՈՂՋ ՔՈՒՆ․ ՄԱՀՃԱԿԱԼԻ, ՆԵՐՔՆԱԿԻ ԵՎ ԲԱՐՁԻ ԸՆՏՐՈՒԹՅՈՒՆԸ

Այս հրապարակմամբ խոսելու ենք այն 3 բաղադրիչների մասին առանց որոնց իդեալական քուն հնարավոր չէ պատկերացնել․ դրանք են՝ ճիշտ ընտրված մահճակալը, ներքնակը և բարձը:

24 02 2020

ԵՐԿՏԵՂԱՆԻ ՆԵՐՔՆԱԿ ԸՆՏՐԵԼՈՒ ՉԱՓՈՐՈՇԻՉՆԵՐԸ

Այս հոդվածը կօգնի ձեզ էլ ավելի լավ պատկերացում կազմել և ճիշտ չափանիշներով ներքնակ ձեռք բերել։

14 02 2020

ԸՆՏՐՈՒՄ ԵՆՔ ՄԱՆԿԱԿԱՆ ՆԵՐՔՆԱԿ՝ ԸՍՏ ՏԱՐԻՔԻ

Ամուր ու առողջ քնի համար միայն գեղեցիկ մահճակալը բավարար չէ, այս հարցում ամենակարևոր բաղադրիչը ներքնակն է։

22 01 2020