+374 41 711 117

ԻՆՉՊԵՍ ԿԱՐԳԱՎՈՐԵԼ ՔՈՒՆԸ

Լիարժեք գիշերային քունը կենսական նշանակություն ունի մարդկանց համար։ Եթե ցանկանում եք օրվա ընթացքում լավ տեսք ունենալ և, իհարկե, լավ զգալ, ապա երբեք մի զրկեք ձեզ հանգիստ քնից։ Իսկ եթե խախտվել է քնի ռեժիմը, ապա փորձեք կարգավորել այն՝ հետևելով մեր խորհուրդներին։ 

1. Կազմեք քնի ձեր իսկ կարգացուցակն ու հետևեք դրան։ Պառկեք և վեր կացեք միևնույն ժամին, նույնիսկ հանգստյան օրերին։
2. Վարժություններն, իհարկե, լավ են, բայց պետք է լինեն ճիշտ ժամանակին։ Սպորտով զբաղվելը շատ կարևոր է, բայց փորձեք ֆիզիկական վարժություններ չանել քնից գոնե 2-3 ժամ առաջ։
3. Փորձեք խուսափել կոֆեինի և նիկոտինի օգտագործումից։ Թեյի, սուրճի, կոլայի կամ շոկոլադի խթանող ազդեցությունը կարող է շարունակվել մինչև 8 ժամ։
4. Քնելուց առաջ մի օգտագործեք ալկոհոլ։ Նույնիսկ մեկ բաժակ ալկոհոլը կօգնի ձեզ արագ քնել, բայց կպահի ձեզ քնի առաջին ոչ խոր փուլում։ Գիշերվա ինչ-որ հատվածի դուք կարթնանաք, երբ ալկոհոլի ազդեցությունն անցնի։
5. Քնելուց առաջ շատ մի կերեք և խմեք։ Շատ հագեցնող ընթրիքը կխանգարի հանգիստ և լավ քնին։
6. Փորձեք խուսափել այն դեղերից, որոնք կարող են խախտել ձեր քունը կամ չթողնեն ընդհանրապես քնել։
7. Մի քնեք կեսօրին ժամը 3-ից հետո։ Կարճ օրվա ընթացքում քունն օգնում է վերականգնել ուժերը, բայց հետո գիշերը դժվար կլինի քնել։ Հիշեք ևս մեկ կարևոր բան՝ օրվա ընթացքում առավելագույն 1 ժամ քունը հանգստացնող է, դրանից ավելին կխախտի գիշերվա ձեր հանգիստը։
8. Թուլացեք, մինչև կքնեք։ Կարդացեք կամ ինչ-որ հաճելի երաժշտություն լսեք։ Բայց այս գործողությունը պետք է դառնա ձեր ամենօրյա երեկոյան «ծեսը»։
9. Տաք լոգանք ընդունեք քնից առաջ։ Լոգանքը քնկոտություն է առաջացնում, իսկ տաք լոգարանն օգնում է թուլանալ։
10. Առողջ քնի համար օգտագործեք օրթոպեդիկ ներքնակ և բարձ։ Հարմարավետ միջավայրը կօգնի ձեր մարմնին թուլանալ ու վերականգնվել հաջորդ օրվա համար։
11. Ձեր շուրջը ստեղծեք հաճելի մթնոլորտ։ Ազատվեք այն ամենից, ինչը կխանգարի ձեզ քուն մտնել, օրինակ՝ վառ լույս, հեռուստացույց, համակարգիչ։
12. Ննջարանում օդի ջերմաստիճանը պետք է բարձր չլինի։ Օդափոխեք սենյակը, թարմ ու սառն օդն օգնում են ամուր քնել։
13. Պարբերաբար քայլեք մաքուր օդին։ Լիակատար քնի համար անհրաժեշտ է օրական 30 րոպե զբոսանք։
14. Եթե մոտ 20 րոպե պառկել եք ու չի ստացվում քնել, մի շարունակեք այս ու այն կողմ պտտվել։ Վեր կացեք, լոգանք ընդունեք կամ մի քիչ կարդացեք։ Սրանք կօգնեն, որ ավելի շուտ քնեք։

Եթե այս հեշտ, բայց չափազանց կարևոր քայերին հետևելուց հետո քունը չկարգավորվի, մի տանջեք ինքներդ ձեզ կամ ինչ-որ հանգստացնող, քնաբեր հաբեր մի խմեք, խորհրդակցե՛ք բժշկի հետ։

Հաճելի քուն և անուշ երազներ։ 

Մի՛ մոռացեք հետևել Haybed-ին նաև Facebook-ում և Instagram-ում, որպեսզի բաց չթողնեք մեր հոդվածներն ու հրապարակումները։

ԻՆՉՊԵՍ ԸՆՏՐԵԼ ՆԵՐՔՆԱԿ ԵՐԿՏԵՂԱՆԻ ՄԱՀՃԱԿԱԼԻ ՀԱՄԱՐ

Առողջ ու հարմար քուն, սա նոր օրվա, հանգիստ նյարդերի ամենակարևոր գրավականն է։

16 09 2019

ԸՆՏՐՈՒՄ ԵՆՔ ՄԱՆԿԱԿԱՆ ՆԵՐՔՆԱԿ՝ ԸՍՏ ՏԱՐԻՔԻ

Ամուր ու առողջ քնի համար միայն գեղեցիկ մահճակալը բավարար չէ, այս հարցում ամենակարևոր բաղադրիչը ներքնակն է։

22 01 2020

8 ԽՈՐՀՈՒՐԴ ԱՌՈՂՋ ՔՆԻ ՀԱՄԱՐ

Մի քանի կարևոր խորհուրդներ, որոնք կօգնեն ձեզ բարելավել ձեր քնի որակը։

02 10 2019