+374 41 711 117

9 ԽՈՐՀՈՒՐԴ ՔՈՒՆԸ ԿԱՐԳԱՎՈՐԵԼՈՒ ՀԱՄԱՐ

Առողջ մարմինը, հանգիստ մաշկը վկայում են, որ ձեր քունը լիարժեք է ու դուք իսկապես հանգստացել եք։ Ցավոք սրտի, մեզնից ոչ ոք ապահովագրված չէ, որ սթրեսի, ծանր աշխատանքի կամ այլ հանգամանքների բերումով չի խախտվի քնի ռեժիմը։ Կարևոր է հիշել, որ այն հնարավոր է վերականգնել առողջ ապրելակերպով, առողջ սնվելով և հոգեպես հանգիստ վիճակով։ Փորձեք փոքր, բայց հաստատուն քայլերով հետ բերել խաղաղ քնի ռեժիմը։ Առաջարկում ենք ամենակարևոր խորհուրդները, որոնց հետևելով դուք հստակ տարբերություն կզգաք առաջին օրերին։

1․ Փորձեք շատ ուշ չքնել։ Գիշերվա ընթացքում մեր օրգանիզմում արտադրվում է մելատոնին, որը շատ կարևոր է։ Եթե արդեն տևական ժամանակ քնում եք կեսգիշերն անց օրինակ՝ 03։00-ի սահմաններում, աստիճանաբար փոխեք ռեժիմը։ Հաջորդող օրերին պառկեք 01։30-ից ու անկախ նրանից, թե քանիսին կարողացաք քնել առավոտյան արթնացեք վաղ՝ ոչ ուշ քան 09։00։ Այդպես հաջորդ օրը քնելն ավելի հեշտ կլինի և այլևս երկար չեք գալարվի անկողնում։ Եթե արթնացել եք վաղ ու կեսօրին արդեն քունը տանում է, ոչ մի պարագայում մի քնեք։ Զբաղեցրեք ձեզ, լվացվեք սառը ջրով, բայց մի պառկեք ոչ բազմոցին, ոչ էլ առավել ևս մահճակալին։ Հիշեք, որ ռեժիմը պետք է փոխել աստիճանաբար։

2․ Զբոսնեք քնելուց առաջ։ Մաքուր օդին երեկոյան ուշ զբոսանքը կօգնի, որ օրգանիզմը հանգստանա և պատրաստվի քնելուն։ Նկատած կլինեք, որ երեկոյան զբոսանքի ժամանակ սկսում եք հորանջել։ Քայլեք նվազագույնը 30 րոպե, վերադարձեք տուն ու փորձեք քնել։

3․ Ննջարանում պետք է օդի ջերմաստիճանը բարձր չլինի։ Ամռան ընթացքում ննջարանի պատուհանը փակ պահեք կեսօրին, մայրամուտից հետո բացեք պատուհանը և օդափոխեք այն մինչև քնելը։ Եթե չեք մրսի, կարող եք կիսով չափ բաց թողնել այն գիշերվա ընթացքում մաքուր օդ ստանալու համար։

4․ Լոգանք ընդունեք մինչև քնելը։ Ոչ մի պարագայում սառը ջրով մի լողացեք, այդպես օրգանիզմն ազդակ կստանա, որ ձեր շրջակա միջավայրը սառն է ու կսկսի հավելյալ տաքացնել ձեզ։ Գոլ ջրով թեթև լոգանքը կհանգստացնի ձեր մկանները։

5․ Առողջ ու հարմարավետ քնի համար օգտագործեք օրթոպեդիկ ներքնակ և բարձ։ Հնարավոր է ձեր քնի ռեժիմը խախտվել է անհարմարության պատճառով։ Փոխեք ներքնակն ու բարձը և միանգամից կզգաք տարբերությունը։

6․ Ննջարանում մի պահեք հեռուստացույց, համակարգիչ և այլ պարագաներ։ Հաճախ կարող եք լսել, որ միացրած հեռուստացույցով քնելն ավելի հեշտ է։ Դա պատրանք է, քանի որ մեր օրգանիզմին լիակատար հանգստանալու համար անհրաժեշտ է հանգիստ, խաղաղ միջավայր։

7․ Նույնիսկ հանգստյան օրերին փորձեք չխախտել ձեր քնի ռեժիմը։ Եթե աշխատանքային օրերին արթնանում էիք առավոտյան 07։00-ին, ապա հանգստյան օրերին փորձեք արթնանալ նույն ժամին։ Եթե ուզում եք մի քիչ ավել քնել, ապա առավելագույնը 1 ժամ շեղվեք ձեր գրաֆիկից։

8․ Լիքը ստամոքսը գիշերվա քնի համար այդքան էլ հաճելի չէ։ Օրգանիզմը ստիպված պետք է աշխատի, որ կարողանա մարսել կերած սնունդը։ Այդ իսկ պատճառով, քնելուց գոնե 2 ժամ առաջ կերեք այդ օրվա վերջին սնունդը։ Ցանկալի է, որ այն լինի թեթև։ Մի չարաշահեք նաև ալկոհոլը, այն օգնում է արագ քնել, բայց  ձեզ պահում է քնի առաջին ոչ խոր փուլում։ Գիշերվա ինչ-որ հատվածի դուք կարթնանաք, երբ ալկոհոլի ազդեցությունն անցնի։

9․ Ոչ մի պարագայում առանց բժշկի հետ խորհրդակցելու մի ընդունեք քնաբեր դեղեր և թուրմեր։ Դրանք կարճաժամկետ կօգնեն մոռանալ խնդիրը, բայց չեն լուծի այն։ Խոսեք բժշկի, քնի մասնագետի կամ հոգեբանի հետ, եթե վերոնշյալ քայլերը գոնե 10 օր անելուց հետո ձեր քունը չի կարգավորվում։ 


Մի՛ մոռացեք հետևել Haybed-ին նաև Facebook-ում և Instagram-ում, որպեսզի բաց չթողնեք մեր հոդվածներն ու հրապարակումները։

ԿՈԿՈՍԻ ՄԱՆՐԱԹԵԼԻ ՕԳՏԱԳՈՐԾՈՒՄԸ ՆԵՐՔՆԱԿՆԵՐՈՒՄ

Այս լցանյութը հիգիենիկ է, դիմացկուն խոնավության նկատմամբ, շնչող, հակաբակտերիալ։

09 03 2020

ԲՆԱԿԱՆ ԼԱՏԵՔՍԻ ԿԻՐԱՌՈՒԹՅՈՒՆԸ ՆԵՐՔՆԱԿՆԵՐՈՒՄ

Այս նյութը ստանում են հատուկ տրոպիկական ծառի՝ հիմնականում բրազիլական հևեա կոչվող ծառի կաթնահյութից:

16 03 2020

6 ԿԱՆՈՆ ԵՐԿՏԵՂԱՆԻ ՆԵՐՔՆԱԿ ԸՆՏՐԵԼՈՒ ՀԱՄԱՐ

Ոչ մի դեպքում երկտեղանի մահճակալի ներքնակի ընտրության հարցը մի լուծեք 2 առանձին մեկտեղանի ներքնակի գնմամբ։

02 02 2020