+374 41 711 117

ԱՌՈՂՋ ՔՈՒՆ․ ԼԱՎԱԳՈՒՅՆ ԴԻՐՔԸ ՔՆԻ ՀԱՄԱՐ

Առողջ ապրելակերպ, առողջ սնունդ... այս ձևակերպումները մեր առօրյայում շատ կարևոր են դարձել: Սակայն մի մոռացեք, որ առողջ ապրելակերպի անբաժան մասն առողջ քունն է: Մեր օրգանիզմին անխափան աշխատելու համար հանգիստ, գրագետ ու վերականգնող քուն է պետք: Նախորդ հոդվածում մենք անդրադարձել էինք քնի համար նախընտրելի ժամերին: Այս հրապարակմամբ խոսելու ենք քնի ճիշտ դիրքերի մասին: Այո՛, ճիշտ և ոչ թե սիրելի: Երբեմն մեր սիրելի դիրքերն այնքան էլ ճիշտ չեն առողջ քնի տեսանկյունից:

Ճիշտ դիրքեր քնի համար

Քնի ժամանակ ինքնազգացողության վրա ազդում է, թե դուք ինչպես և ինչ դիրքով եք քնած: Ըստ բժիշկների՝ համեմատաբար ավելի ճիշտ դիրք է մեջքի վրա քնելը: Այս դիրքով նվազում է սրտի վրա ճնշումը, ուղիղ դիրք է ընդունում ողնաշարը:  Այդ իսկ պատճառով, սրտի խնդիրներ ունեցող մարդկանց խորհուրդ է տրվում քնել մեջքի վրա: Պետք չէ մեջքի վրա քնել հղիներին և այն մարդկանց, ովքեր շնչառական օրգանների և խռռոցի հետ խնդիրներ ունեն:

Կողքի վրա քնելը համապատասխանում է մարդկանց մեծամասնությանը: Այս դիրքում մեջքի մկանները հանգստանում են: Այնուհանդերձ, ովքեր սրտի հետ խնդիրներ ունեն պիտի փորձեն չքնել ձախ կողմի վրա:  Աջ կողի վրա պառկած վիճակն ավելի նախընտրելի է:

Իսկ ահա փորի վրա քնելն ամենավատ դիրքն է: Մարդկանց մեծ մասն այս դիրքն, իհարկե, շատ է սիրում: Այս դիրքով կրծքավանդակի վրա մեծանում է ծանրաբեռնվածությունը և դժվարանում է շնչառությունը: Այս դիրքով ճնշում է գործադրվում նաև անոթների, մկանների վրա:

Քնի դիրքը անգամ կարևոր է ներքնակ ընտրելիս։ Ներքնակի ճիշտ ընտրությունը կօգնի էապես բարելավել ձեր քնի որակը։

Քնի վրա կարող են ազել ոչ միայն այն գործոնները, որոնց մասին նշեցինք արդեն, այլ նաև ննջասենյակի օդը, օրվա ընթացքում և երեկոյան սնվելը և այլն:

Թարմ օդ

Ննջարանում թարմ օդն առողջ քնի երաշխիքն է: Քնի ժամանակ մեր ուղեղը շարունակում է աշխատել, ստացված տեղեկությունները մշակել, իսկ ուղեղի լավ աշխատանքի համար մեզ թթվածին է պետք: Օդափոխեք սենյակը, իսկ ննջարանում օդի ջերմաստիճանը 22 աստիճանից մի թողեք բարձրանա: Եթե հնարավորություն ունեք քնելուց առաջ մի փոքր զբոսնեք դրսում:

Առողջ սնունդ

Քնելուց առաջ խորհուրդ չի տրվում յուղոտ սնունդ օգտագործել, խմել կոֆեին և ալկոհոլ պարունակող խմիչք: Ստամոքսն ամբողջ գիշեր ստիպված է լինելու մարսել ձեր կերածն ու չի թողնելու հանգիստ քնեք:

Ալկոհոլն, իհարկե, օգնում է, որ շուտ քնեք, բայց այն բացասաբար է ազդում արագ քնի շրջափուլի վրա: Այդ իսկ պատճառով, հաջորդ օրը դուք քնի պակաս եք զգում, երբեմն գլխացավ ունենում:

Իդեալական ընթրիք կարող են լինել յոգուրտը, կաթնաշոռը, բանանը, հավի կամ հնդկահավի միսը, տարբեր շիլաները: Ամեն դեպքում, կերեք անկողին մտնելուց առնվազն 1 - 1.5 ժամ առաջ: 

Մեր հաջորդ հոդվածում կարող եք կարդալ մահճակալի, ներքնակի և բարձերի ճիշտ ընտրության մասին։

Մի՛ մոռացեք հետևել Haybed-ին նաև Facebook-ում և Instagram-ում, որպեսզի բաց չթողնեք մեր հոդվածներն ու հրապարակումները։

ԱՌՈՂՋ ՔՈՒՆ․ ԼԱՎԱԳՈՒՅՆ ԺԱՄԸ ՔՆԻ ՀԱՄԱՐ

Մեզնից շատերը բախվում են քնի այնպիսի խնդիրների, ինչպիսիք են անքնությունը, ոչ բավարար քունը: Պատճառները բազմաթիվ են, կարող եք դժվար քնել աշխատանքի վայրում սթրեսային վիճակից, ննջարանում ամենաթույլ լույսի առկայության, ուշ ընթրիքի կամ էլ անհարմար անկողնու պատճառով:

17 02 2020

ԱՌՈՂՋ ՔՈՒՆ․ ՄԱՀՃԱԿԱԼԻ, ՆԵՐՔՆԱԿԻ ԵՎ ԲԱՐՁԻ ԸՆՏՐՈՒԹՅՈՒՆԸ

Այս հրապարակմամբ խոսելու ենք այն 3 բաղադրիչների մասին առանց որոնց իդեալական քուն հնարավոր չէ պատկերացնել․ դրանք են՝ ճիշտ ընտրված մահճակալը, ներքնակը և բարձը:

24 02 2020

6 ԿԱՆՈՆ ԵՐԿՏԵՂԱՆԻ ՆԵՐՔՆԱԿ ԸՆՏՐԵԼՈՒ ՀԱՄԱՐ

Ոչ մի դեպքում երկտեղանի մահճակալի ներքնակի ընտրության հարցը մի լուծեք 2 առանձին մեկտեղանի ներքնակի գնմամբ։

02 02 2020