+374 41 711 117

ԱՌՈՂՋ ՔՈՒՆ․ ԼԱՎԱԳՈՒՅՆ ԺԱՄԸ ՔՆԻ ՀԱՄԱՐ

Մեզնից շատերը բախվում են քնի այնպիսի խնդիրների, ինչպիսիք են անքնությունը, ոչ բավարար քունը: Պատճառները բազմաթիվ են, կարող եք դժվար քնել աշխատանքի վայրում սթրեսային վիճակից, ննջարանում ամենաթույլ լույսի առկայության, ուշ ընթրիքի կամ էլ անհարմար անկողնու պատճառով:

Երբևէ ինքներդ ձեզ հարցրե՞լ եք, թե ինչի համար է քունը: Երկար տարիներ այն գործընթացները, որոնք կատարվել են մեզ հետ քնի ընթացքում անհասկանալի են եղել գիտության համար: Բայց գիտության զարգացման հետ հնարավոր է դարձել ուսումնասիրել մարդու ուղեղը քնի ընթացքում:

Քնի ժամանակ գլխուղեղի նյարդային բջիջները մաքրվում են վնասակար նյութերից: Բջիջներին «մաքրում է» ուղեղային հեղուկը: Քնի անբավարարությունից թուլանում է մարդու իմունիտետը և մարդն ավելի հակված է դառնում տարատեսակ հիվանդություններին: Հիշեք, անբավարար քունը նվազեցնում է ուղեղի աշխատունակությունը: 1 օր չքնելու դեպքում ուշադրության և արձագանքման արագությունը կտրուկ կընկնի: 2 օր անքուն մնալու պարագայում խնդիրներ են առաջանում հիշողության հետ:

Ինչ է պետք իմանալ առողջ քնի մասին: Իրականում մի քանի պարզ կանոն, որոնք ձեզ մշտապես կօգնեն լինել թարմ և հանգիստ:

Մի քանի պարզ կանոն՝

- Քնի համար լավագույն ժամը

- Ամուր քնի ճիշտ դիրքերը

- Մահճակալի, ներքնակի և բարձի ընտրությունը

Քնի համար լավագույն ժամը

Համարվում է, որ լիակատար հանգստի և օրգանիզմի վերականգնման համար հասուն մարդուն անհրաժեշտ է 8 ժամից ոչ պակաս քուն: Քունը ցիկլային գործընթաց է, որտեղ յուրաքանչյուր ցիկլ կազմված է իրար հաջորդող արագ և դանդաղ քնի փուլերից: Մի ցիկլի տևողությունն ընդհանուր առմամբ 1,5 ժամ է: Եթե արթնանաք ցիկլի ավարտին, ապա զարթնելու գործընթացը հեշտ կլինի: Իսկ եթե արթնանաք ցիկլի կեսին, ապա քնի պակասի և հոգնածության զգացողություն կունենաք, եթե նույնիսկ արդեն 6 ժամ քնել եք:

Քնելու լավագույն ժամը երեկոյան 22:00-02:00-ն է: Երբ մութն ընկնում է մարդու օրգանիզմում ստեղծվում է մելատոնին՝ քնի հորմոն: Այդ իսկ պատճառով քնելու ժամը պետք է համընկնի օրվա մութ ժամանակահատվածին: Երբ մարդու աչքին լույս է ընկնում, գլխուղեղում մելատոնինի արտադրությունը նվազում է և սկսում է արտադրվել առույգության հորմոն:

Կարդացեք նաև մեր նախորդ հոդվածը ՝  8 ԽՈՐՀՈՒՐԴ ԱՌՈՂՋ ՔՆԻ ՀԱՄԱՐ, իսկ այս հոդվածի հաջորդ մասում մենք  ձեզ կպատմեք, թե որոնք են ամենաճիշտ դիրքերը քնելիս,  առողջ քնի աքսեսուրաների՝ բարձի, ներքնակի և մահճակալի ընտրության և մի քանի այլ գործոնների մասին: Առողջ եղե՛ք:

Մի՛ մոռացեք հետևել Haybed-ին նաև Facebook-ում և Instagram-ում, որպեսզի բաց չթողնեք մեր հոդվածներն ու հրապարակումները։

8 ԽՈՐՀՈՒՐԴ ԱՌՈՂՋ ՔՆԻ ՀԱՄԱՐ

Մի քանի կարևոր խորհուրդներ, որոնք կօգնեն ձեզ բարելավել ձեր քնի որակը։

02 10 2019

ԱՌՈՂՋ ՔՈՒՆ․ ԼԱՎԱԳՈՒՅՆ ԴԻՐՔԸ ՔՆԻ ՀԱՄԱՐ

Այս հրապարակմամբ խոսելու ենք քնի ճիշտ դիրքերի մասին: Այո՛, ճիշտ և ոչ թե սիրելի: Երբեմն մեր սիրելի դիրքերն այնքան էլ ճիշտ չեն առողջ քնի տեսանկյունից:

19 02 2020

ԱՌՈՂՋ ՔՈՒՆ․ ՄԱՀՃԱԿԱԼԻ, ՆԵՐՔՆԱԿԻ ԵՎ ԲԱՐՁԻ ԸՆՏՐՈՒԹՅՈՒՆԸ

Այս հրապարակմամբ խոսելու ենք այն 3 բաղադրիչների մասին առանց որոնց իդեալական քուն հնարավոր չէ պատկերացնել․ դրանք են՝ ճիշտ ընտրված մահճակալը, ներքնակը և բարձը:

24 02 2020