+374 41 711 117

ԻՆՉՈՒ Է ԱՆՀՐԱԺԵՇՏ ՆԵՐՔՆԱՎԵՐՄԱԿ ՈՒՆԵՆԱԼ

Ժամանակակից ներքնակներն իրենց կազմության մեջ ունեն ամուր անհատական կամ առանձին զսպանակներ, բուժիչ նշանակություն ունեցող մթելներ, բարձրորակ սպունգ, որոնք ավելի հարմարավետ են դարձնում մեր հանգիստը և ավելի առողջ՝ մեր քունը։ 

Սակայն որքան էլ որակյալ լինի ներքնակը, նրա մակերեսի վրա լաքաների կամ փոշու հայտնվելը կարող է իսկական գլխացավանք առաջացնել, իսկ թանկարժեք քիմմաքրման տանելը միշտ չէ, որ մատչելի տարբերակ է, դեռ ավելին՝ կարող է վնասել մեր ներքնակը։

Հետևաբար ինչպե՞ս խնամել ներքնակը։

Շուրջ 15 տարի առաջ անկողնային պարագաների շուկայում սկսեցին լայնորեն տարածվել ներքնավերմակները կամ ներքնակերեսները (ռուս․ наматрасник): Դրանք տարբեր հումքերից պատրաստված և տարբեր հաստության ծածկոցներ են, որոնք անց են կացվում ներքնակների վրա, պաշտպանում ներքնակը խոնավությունից և կեղտոտվելուց, հեշտ են լվացվում և կարող են երկար ծառայել։


Գոյություն ունի ներքավերմակների մի քանի տեսակ՝ պայմանավորված դրանց նշանակությամբ։

Շտկող ներքնավերմակներ

Այս տեսակի ներքնավերմակները ոչ միայն կարող են շտկել ներքնակի մակերեսին առաջացած խորդուբորդությունները, այլ նաև ծառայել որպես օրթոպեդիկ տոպպեր, հավելյալ ամրություն հաղորդել մեր ներքնակին՝ օգնելով մեր ողնաշարին ուղղվել։

Պաշտպանիչ ներքնավերմակներ

Այս տեսակը, շնորհիվ իր կազմության, պաշտպանում է մեր ներքնակը փոշուց ու կեղտից, իսկ մեզ՝ բակտերիաներից։ Պաշտպանիչ ներքնավերմակներին խմբին են պատկանում նաև անջրանցիկ ներքնավերմակները, որոնց գործածությունը շատ կարևոր է փոքրիկների և որոշ հիվանդություններ կրող մեծահասակների դեպքերում։


Ինչի՞ն ուշադրություն դարձնել ներքնավերմակ ընտրելիս․

Կազմությանը

Ներքնավերմակի կազմությունը շատ կարևոր է, քանզի դրանից է կախված նրա ֆունկցիոնալությունը և երկարակեցությունը։ Օրինակ՝ բարակ բրդե միջուկով ներքնավերմակները ավելի երկար են ծառայում,  կլանում են մարմնի խոնավությունը և անմիջապես չորացնում այն։ Համենայն դեպս, ընտրություն կատարելիս պետք է հաշվի առնել բամբակի, բրդի կամ սինտեպոնի նկատմամբ ալերգիկ հակումները և կլիմայական պայմանները։

Չափսերին

Ներքնավերմակը պետք է համապատասխանի մեր ներքնակի չափսերին, որպեսզի քնի ընթացքում չտեղաշարժվի և չանհանգստացնի մեզ։

Ամրացման ձևին 

Որպեսզի ներքնավերմակը ծառայի իր նպատակին, պետք է ամուր կպչի ներքնակին, ուստի կարևոր է նաև ստուգել ամրակների՝ ռետինե ժապավենների որակը և ամրությունը։

Մի՛ մոռացեք հետևել Haybed-ին նաև Facebook-ում և Instagram-ում, որպեսզի բաց չթողնեք մեր հոդվածներն ու հրապարակումները։

ԱՌՈՂՋ ՔՈՒՆ․ ՄԱՀՃԱԿԱԼԻ, ՆԵՐՔՆԱԿԻ ԵՎ ԲԱՐՁԻ ԸՆՏՐՈՒԹՅՈՒՆԸ

Այս հրապարակմամբ խոսելու ենք այն 3 բաղադրիչների մասին առանց որոնց իդեալական քուն հնարավոր չէ պատկերացնել․ դրանք են՝ ճիշտ ընտրված մահճակալը, ներքնակը և բարձը:

24 02 2020

5 ԽՈՐՀՈՒՐԴ ՄԵՋՔԻ ՑԱՎԻ ԴԵՊՔՈՒՄ ՆԵՐՔՆԱԿ ԸՆՏՐԵԼՈՒ ՀԱՄԱՐ

Մեջքի կամ գոտկատեղի հետ կապված ցավերին գրագետ արձագանքելու համար պետք է այցելել բժշկի, անցնել հետազոտություն ու իմանալ, թե ինչ խնդիր է ձեզ մոտ։ Սրանից հետո կարող եք կարդալ առաջարկվող այն խորհուրդները, որոնք կօգնեն ներքնակի հարցում կողմնորոշվել։

05 08 2020

ԻՆՉ Է ՕՐԹՈՊԵԴԻԿ ՆԵՐՔՆԱԿԸ

Օրթոպեդիկ է համարվում այն կոնստրուկցիան, որը կարողանում է ճիշտ պահել ողնաշարի սյունն ու օրգանիզմին թույլ է տալիս առավելագույնս հանգստանալ։

25 08 2019