+374 41 711 117

ԻՆՉՊԵՍ ՉՓՉԱՑՆԵԼ ՆԵՐՔՆԱԿԸ․ 8 ԱՄԵՆԱՏԱՐԱԾՎԱԾ ՍԽԱԼՆԵՐԸ

Մեր նախորդ հոդվածը պատմում էր, թե ինչպես պետք է խնամել ներքնակը։ Այս թեմային դեռ կանդրադառնանք ավելի մանրամասն, իսկ այժմ ցանկանում ենք ներկայացնել այն մի քանի կանոնները, որոնք խստիվ պետք է պահել ներքնակների խնամքի ժամանակ։ 

Կան որոշ գործողություններ, որոնց կատարման պարագայում կարող եք ջուրը գցել ձեր ծախսած գումարը ու, իհարկե, հենց ներքնակը։ Ինչպես ցանկացած իր, հագուստ կամ այլ պարագա, ներքնակները նույնպես հստակ խնամքի կանոններ ունեն։ Եթե ուզում եք, որ ձեր ներքնակն առանց որևէ խնդրի, հոտի կամ անհարմարության ձեզ կամ ձեր ընտանիքի անդամներին ըստ իր կյանքի տևողության ծառայի, ապա հիշեք, թե ինչն է արգելվում։

1․ Չի կարելի ոչ մի պարագայում ծալել կամ ճկել զսպանակավոր ներքնակը, հակառակ դեպքում այն կարող է դեֆորմացվել։ Տարվա մեջ մի քանի անգամ ներքնակը շրջելու ժամանակ անհրաժեշտ է այն անել հորիզոնական դիրքով, ոչ մի դեպքում այն չգլորեք կամ ծալելով շրջեք։

2․ Ներքնակը չի կարելի թողնել արևի ուղիղ ճառագայթների ներքո։ Այն կարող է վնասել ներքնակը։ Օդափոխելիս թողեք բաց պատուհաններով սենյակում, բայց ոչ մի պարագայում արևի տակ։

3․ Չի կարելի ներքնակից փոշին հեռացնել հարվածելու միջոցով։ Մի կրկնօրինակեք հին ժամանակներում տարածված այս ձևը։ Օգտագործեք փոշեկուլ կամ խոզանակ։

4․ Մաքրման համար ուժեղ քիմիական նյութեր մի կիրառեք։ Ներքնակը կարող է սկսել տհաճ հոտ արձակել։

5․ Ներքնակի վրա հեղուկներ մի լցրեք։ Եթե արդեն լցրել եք չոր շորով խոնավությունը փորձեք քաշել ու մի քանի օր օդափոխվող սենյակում բաց թողեք։

6․ Մի՛ թռչկոտացեք ներքնակի վրա ինչպես հին զսպանակավոր մահճակալների վրա էին թռչկոտում։ Դուք կարող եք այդպես վնասել ներքնակը։

7․ Ոչ մի բան մի դրեք ներքնակի տակ։ Այն առաջին հերթին անհարմարություն կստեղծի քնելիս, իսկ հետո վնասակար է նաև ներքնակի համար։

8․ Անընդհատ մի՛ նստեք ներքնակի ամենածայրի մասում նույն տեղը։

Մի՛ մոռացեք հետևել Haybed-ին նաև Facebook-ում և Instagram-ում, որպեսզի բաց չթողնեք մեր հոդվածներն ու հրապարակումները։

ՆԵՐՔՆԱԿԸ ՃԻՇՏ ԽՆԱՄԵԼՈՒ 6 ԽՈՐՀՈՒՐԴ

Անհրաժեշտ է ճիշտ խնամել նույնիսկ ամենաորակյալ և թանկարժեք ներքնակը, հակառակ դեպքում այն կկորցնի իր հատկությունները և ենթակա չի լինի օգտագործման։

05 07 2020

ԿՈԿՈՍԻ ՄԱՆՐԱԹԵԼԻ ՕԳՏԱԳՈՐԾՈՒՄԸ ՆԵՐՔՆԱԿՆԵՐՈՒՄ

Այս լցանյութը հիգիենիկ է, դիմացկուն խոնավության նկատմամբ, շնչող, հակաբակտերիալ։

09 03 2020

ԱՌՈՂՋ ՔՈՒՆ․ ՄԱՀՃԱԿԱԼԻ, ՆԵՐՔՆԱԿԻ ԵՎ ԲԱՐՁԻ ԸՆՏՐՈՒԹՅՈՒՆԸ

Այս հրապարակմամբ խոսելու ենք այն 3 բաղադրիչների մասին առանց որոնց իդեալական քուն հնարավոր չէ պատկերացնել․ դրանք են՝ ճիշտ ընտրված մահճակալը, ներքնակը և բարձը:

24 02 2020