+374 41 711 117

ՆԵՐՔՆԱԿԻ ԼՑԱՆՅՈՒԹԵՐԻ ՏԵՍԱԿՆԵՐԸ

Լցանյութով են պայմանավորված ոչ միայն ներքնակի հուսալիությունը, ամրությունը և փափկությունը կամ կոշտությունը, այլ նաև մեր առողջ քունը, քանզի լցանյութի բաղադրությունը կարող է որոշիչ ազդեցություն ունենալ մեր առողջության և ինքնազգացողության վրա։ Ուստի մեզ անհրաժեշտ է ունենալ որոշակի գիտելիքներ լցանյութերի և դրանց առանձնահատկությունների վերաբերյալ, որպեսզի ներքնակ գնելիս ավելի հեշտ կատարենք մեր ընտրությունը։ 

Ինչի՞ն առաջինը ուշադրություն դարձնել լցանյութի ընտրության հարցում․

- Կոշտության աստիճանին
- Երկարակեցությանը
- Բնական և հակաալերգիկ բնույթին
- Օրթոպեդիկ և անատոմիական էֆեկտին
- Հաստությանը

Վերը նշված կետերի առաջանահերթությունն ունի անհատական բնույթ և պայմանավորված է քնողի քաշով, տարիքով, ալեգիկ հակումներով, հենաշարժողական խնդիրների առկայությամբ և այլն։ 

Դիտարկենք ներքնակների լցանյութերի հիմնական տեսակները․

Կոկոսի մանրաթելեր

Լցանյութի այս օրգանական հումքը թույլ է տալիս քնած ժամանակ զգալ բնության օգտակար ազդեցությունը և վայելել հանգիստ քունը։ Կոկոսի մանրաթելերը հավելյալ կոշտություն են հաղորդում ներքնակին և ունեն օրթոպեդիկ նշանակություն։ Եվ քանի որ նաև հակաալերգիկ են, լավագույն տարբերակն են մանկական ներքնակների լցանյութի համար։ Ներքնակի կազմության մեջ կոկոսի մանրաթելերին ավելի մանրամասն անդրադարձել ենք մեր նախորդ հրապարակումներից մեկում։

Պենոպոլիուրետան

Պենոպոլիուրետանով լցված ներքնակը սեղմվում է ծանրության տակ՝ նույնությամբ կրկնելով մարմնի կորագծերը։ Այն ունի օրթոպեդիկ նշանակություն, ալերգիկ ռեակցիաներ չի առաջացնում և որպես կանոն երկար է ծառայում։

Արհեստական և բնական լատեքս 

Պենոպոլիուրետանի հատկություններին նմանվող արհեստական և բնական լատեքսները բացի այն, որ առաձգական են ու ձիգ, նաև ուշ են մաշվում։ Իդեալական են ծանր քաշ կրելու համար։ Լատեքսի արհեստական և բնական տեսակների առանձնահատկություններին անդրադարձել ենք առանձին հրապարակմամբ։

Memory Foam կամ հիշողության սպունգ

Հիշողության սպունգը համարվում է վերջին շրջանում ներքնակների և բարձերի լցանյութերի լավագույն լուծումներից մեկը։ Այն կարծես «գրկում է» մեր մարմինը, ընդունում նրա ձևը և հավասարաչափ բաշխում մեր մարմնի ծանրությունը ներքնակի մակերեսի վրա՝ միևնույն ժամանակ չառաջացնելով ալերգիկ ռեակցիաներ։ Այս ամենը թույլ է տալիս, որպես մարմինը թուլանա և լիցքաթափվի։ Հիշողության սպունգով ներքնակը իր մաքսիմալ օգտակարությանը հասնում է 4-7սմ հաստությամբ լցանյութի դեպքում։

Թաղիք

Ջերմամեկուսիչ բնույթ ունեցող թաղիքե լցանյութն աչքի է ընկնում բարձր դիմացկությունամբ, չի դեֆորմացվում և նպաստում է ներքնակի օրթոպեդիկ հատկություններին։ Սովորաբար այն կիրառում են զսպանակների երկու կողմերում, որպեսզի չվնասվեն զսպանակները և մյուս լցանյութերը։ 

Մի՛ մոռացեք հետևել Haybed-ին նաև Facebook-ում և Instagram-ում, որպեսզի բաց չթողնեք մեր հոդվածներն ու հրապարակումները։

ՄԻԱԿՈՂՄԱՆԻ ԹԵ ԵՐԿԿՈՂՄԱՆԻ ՆԵՐՔՆԱԿ

Ի՞նչ տարբերություն կա միակողմանի և երկկողմանի ներքնակների միջև, և ո՞ւմ են խորհուրդ տրվում ներքնակների տվյալ տեսակները։

22 11 2020

BONNELL ԶՍՊԱՆԱԿՆԵՐԻ ԱՌԱՆՁՆԱՀԱՏԿՈՒԹՅՈՒՆՆԵՐԸ

Bonnell զսպանակները համարվում են աշխարհում ամենատարածված զսպանակները, որոնց պատմությունը սկսվել է դեռևս 150 տարի առաջ։

30 11 2020

ԻՆՉՊԻՍԻ ՆԵՐՔՆԱԿ ԸՆՏՐԵԼ ՏԱՐԵՑՆԵՐԻ ՀԱՄԱՐ

50-ից հետո մկանները սկսում են կորցնել իրենց առաձգականությունը, դժվարանում է արյան շրջանառությունը։ Հոդերը դառնում են առավել զգայուն և հաճախակիանում են հոդացավերը, զարգանում է արթրիտը կամ օստեոխոնդրոզը։

21 09 2020