+374 41 711 117

ԸՆՏՐՈՒՄ ԵՆՔ ՄԱՆԿԱԿԱՆ ՆԵՐՔՆԱԿ՝ ԸՍՏ ՏԱՐԻՔԻ

Շարունակում ենք մանկական ներքնակների ընտրության կարևոր նրբությունները բացահայտելուն ուղղված մեր շարքը։ Այս անգամ հոդվածում պատմելու ենք ներքնակների տեսակների տարբերության և ըստ տարիքի դրանք փոխելու անհրաժեշտության մասին։

Երեխայի քնելու տեղը պետք է լինի հաճելի, իսկ այդ հաճելի վիճակն ապահովում են ինչպես գեղեցիկ մահճակալն ու ննջարանի դիզայնը, այլ նաև՝ ներքնակը։ Ամուր ու առողջ քնի համար միայն գեղեցիկ մահճակալը բավարար չէ, այս հարցում ամենակարևոր բաղադրիչը ներքնակն է։

Երիտասարդ ծնողները, նույնիսկ արդեն փորձառու մայրիկներն ու հայրիկները կարիք են ունենում վերանայել իրենց պատկերացումները, թարմացնել գիտելիքները ժամանակին համընթաց։ Այդ իսկ պատճառով հաճախ կարող եք ինքներդ ձեզ հարցնել, իսկ ո՞րն է ավելի ճիշտ՝ փափուկ թե կոշտ ներքնակը, իսկ միգուցե զսպանակավոր կամ առանց զսպանակների տարբերակը։ Հարցերը շատ են, բայց դրանք բոլորն էլ ունեն պատասխան։

Տարիքային պահանջներ

Համարվում է, որ մեծահասակներին անհրաժեշտ է 8-9 ժամ քուն։ Երեխաների համար այս ցուցիչը մեծ է։ Հաշվի առնելով, թե որքան է երեխան անցկացնում քնած, պետք է ընտրել այնպիսի ներքնակ, որը լավագույնս կապահովի նրա ողնաշարի ճիշտ զարգացումը։

Նորածիններին և մինչև 3 տարեկան երեխաներին խորհուրդ է տրվում քնեցնել առանց զսպանակի և կոշտ ներքնակների վրա, որոնք լցված են բնական լցանյութով, օրինակ՝ կոկոսի թելերով։ Հիշեք, ինչպիսի ներքնակ էլ ընտրելիս լինեք, այն պետք է լինի առանց զսպանակի։

3-7 տարեկան երեխաների համար ցանկալի է ընտրել միջին կոշտության ներքնակներ։ Կարող են հարմար լինել ինչպես զսպանակավոր, այնպես էլ առանց զսպանակի տարբերակները։

Դպրոցահասակ երեխայի համար պետք է ընտրել օրթոպեդիկ երկկողմանի ներքնակ, որն արագ կընդունի արագ մեծացող երեխայի մարմնի ձևը։

Ուշադրություն դարձրեք, որ ներքնակներն ունենան լվացվող պատյաններ։ Փոքր երեխաների հետ միշտ չէ, որ հնարավոր է խուսափել «անսպասելի անակնկալներից»։

Ո՞րն է մանկական ներքնակների լցանյութերի տարբերությունը։

Ներքնակ արտադրող ընկերությունները հաճախորդներին առաջարկում են լայն տեսականի, որտեղ հնարավոր է գտնել ինչպես բնական, այնպես էլ՝ արհեստական լցանյութով տարբերակներ։

Մեր հաջորդ հոդվածներում կանդրադառնանք մանկական ներքնակների լցանյութերի տարբերությանը, առավելություններին ու թերություններին, ինչպես նաև կպատմենք զսպանակավոր և առանց զսպանակի ներքնակների ընտրության մասին։ 

Մի՛ մոռացեք հետևել Haybed-ին նաև Facebook-ում և Instagram-ում, որպեսզի բաց չթողնեք մեր հոդվածներն ու հրապարակումները։

ԻՆՉՊԵՍ ԸՆՏՐԵԼ ՆԵՐՔՆԱԿ ՆՈՐԱԾԻՆՆԵՐԻ ՀԱՄԱՐ

Տան ամենափոքրերը պահանջում են յուրահատուկ խնամք և ուշադրություն։

12 01 2020

ԻՆՉՊԵՍ ԸՆՏՐԵԼ ՆԵՐՔՆԱԿ՝ ԿԱԽՎԱԾ ՔԱՇԻՑ

Ծանր քաշի դեպքում հատկապես կարևոր է ողնաշարն ու հոդերը քնի ժամանակ լիակատար հանգստացնելը։

07 11 2019

ԻՆՉՊԵՍ ԸՆՏՐԵԼ ՆԵՐՔՆԱԿ ԵՐԿՏԵՂԱՆԻ ՄԱՀՃԱԿԱԼԻ ՀԱՄԱՐ

Առողջ ու հարմար քուն, սա նոր օրվա, հանգիստ նյարդերի ամենակարևոր գրավականն է։

16 09 2019