+374 41 711 117

ԻՆՉՊԵՍ ԸՆՏՐԵԼ ՆԵՐՔՆԱԿ ԵՐԿՏԵՂԱՆԻ ՄԱՀՃԱԿԱԼԻ ՀԱՄԱՐ

Առողջ ու հարմար քուն, սա նոր օրվա, հանգիստ նյարդերի ամենակարևոր գրավականն է։ Եթե զգում եք, որ սկսել եք վատ քնել, աչքի անցկացրեք այս կետերը, եթե ձեր մասին են, ապա ժամանակն է մտածել ներքնակը փոխելու մասին։

1. Անհարմար եք քնում։ Քնի ընթացքում անհարմարություն եք զգում ներքնակի կոշտությունից կամ փափկությունից։ Ցավո՞ւմ է մեջքը։
2. Ներքնակն անհարթ է դարձել։ Զսպանակները դուրս են եկել կամ ինչ-որ տեղերում փոսեր առաջացել։
3. Ներքնակը ճռռում է։ Գիշերը շրջվելիս ներքնակն այնպիսի ձայն է հանում, որից արթնանում է կողքի քնածը։
4. Ներքնակը կեղտոտ է։ Այս դեպքում կարող են վտանգավոր մանրէներ առաջանալ ու հիվանդությունների պատճառ դառնալ։
5. Ներքնակը 15 տարի ծառայել է ձեզ։

Եթե այս նշաններից որևէ մեկն էլ ձեզ համապատասխանեց, ապա ժամանակն է մտածել նոր ներքնակի մասին։

Մահճակալի վրա ներքնակի դերը

Ճիշտ ներքնակը քնի համար հարմարավետ միջավայր է ստեղծում։ Այն աջակցում է մարմնին, թույլ տալիս, որ մկանները թուլանան, իսկ օրգանիզմը՝ վերականգնվի։ Ներքնակների տեսակներ կան, որոնք ուղղակի պրոֆիլակտիկ ազդեցություն ունեն, որոշները բուժիչ են, իսկ տարբերակ կա, որ հարմարվում է ձեր մարմնի կառուցվածքին և թողնում ավելի լավ քնել։

Մարդկանց քնելու ժամանակահատվածը տարբերվում է, դրա մասին մեր նախորդ հոդվածներից մեկում արդեն նշել ենք։ Սակայն մեկ բան պետք է նշել նորից, որ մենք կյանքի մի հատված քնում ենք վերականգնվելու համար։ Իսկ վերականգնվել կարելի է միայն հարմարավետ ու հանգիստ միջավայրում։ Առանց ներքնակի քնելը հավասարազոր կլնի քնել բազմոցին, իսկ բազմոցների առաքելությունը հարմարավետ քուն ապահովելը չէ։

Երկտեղանի ներքնակ ընտրելու առանձնահատկությունը

Երկտեղանի ներքնակի վրա սովորաբար քնում է երկու մարդ, այդ իսկ պատճառով կարևոր է, որ հաշվի առնել երկուսի անհատական առանձնահատկությունները։ Եթե սրան ուշադրություն չդարձնեք, խնդիրներ կառաջանան։ Հնարավոր է՝ մեկին կոշտ, իսկ մյուսին՝ փափուկ ներքնակ է պետք։ Այս դեպքում կարելի է գնել միջին կոշտության ներքնակ։ Ցանկալի է ներքնակը գնելուց առաջ գոնե նախնական 15 րոպե պառկեք դրա վրա։ Եթե այսպիսի տարբերակը չի գոհացնում, ապա պետք է գնել 2 առանձին ներքնակ։

Երկտեղանի ներքնակների տեսակները

1. Օրթոպեդիկ (պրոֆիլակտիկ կամ բուժիչ ազդեցությամբ)
2. Զսպանակավոր (պահում են ավելի շատ ծանրություն)
3. Առանց զսպանակի (կարող են մինչև 12 շերտ լցանյութ ունենալ)
4. Կոմբինացված (զսպանակային բլոկ ունեն և մի քանի շերտ այլ լցանյութ)
5. Երկկողմ (կախված կողմից կարող են լինել կոշտ կամ փափուկ)
6. Ոչ ստանդարտ ձև (օրինակ՝ կլոր մահճակալների համար)

Երկտեղանի ներքնակի ստանդարտ չափը 180X200սմ է։ Եթե ձեր մահճակալը հատուկ չափերով է, ապա անհրաժեշտ է պատվիրել դրան համապատասխան ներքնակ։ 

Մի՛ մոռացեք հետևել Haybed-ին նաև Facebook-ում և Instagram-ում, որպեսզի բաց չթողնեք մեր հոդվածներն ու հրապարակումները։

5 ԿԱՐԵՎՈՐ ԿԱՆՈՆ ԱՄՈՒՐ ՔՆԻ ՀԱՄԱՐ

Քունը կարևոր է ներքին օրգանների ճիշտ աշխատանքի, նյարդային համակարգի հանգստացման, ինչպես նաև թարմացած արտաքին ունենալու համար։

13 09 2019

ԻՆՉ ՆՅՈՒԹԵՐ ԵՆ ՕԳՏԱԳՈՐԾՎՈՒՄ ՕՐԹՈՊԵԴԻԿ ՆԵՐՔՆԱԿՆԵՐՈՒՄ

Ներկայացնում ենք մի շարք նյութեր, որոնք օգտագործվում են  օրթոպեդիկ ներքնակների արտադրության մեջ և նպաստում են դրանց բարձր որակին և հարմարավետությանը։

04 09 2019

ՕՐԹՈՊԵԴԻԿ ՆԵՐՔՆԱԿՆԵՐԻ ՏԵՍԱԿՆԵՐԸ

Օրթոպեդիկ ներքնակները քնի ընթացքում ապահովում են ողնաշարի ճիշտ դիրքը։ Դրանց առավելությունների մասին կարդացեք մեր նախկին հոդվածում։ Առաջարկում ենք ծանոթանալ, թե ինչպիսի տեսակներ է ունենում օրթոպեդիկ ներքնակը։

02 09 2019