+374 41 711 117

ԵՐԿՏԵՂԱՆԻ ՆԵՐՔՆԱԿ ԸՆՏՐԵԼՈՒ ՉԱՓՈՐՈՇԻՉՆԵՐԸ

Երկտեղանի ներքնակ ընտրելու մասին մենք մի քանի հրապարակում արդեն ունենք։ Այս հոդվածը կօգնի ձեզ էլ ավելի լավ պատկերացում կազմել և ճիշտ չափանիշներով ներքնակ ձեռք բերել։

Չափսը

Չափի հարցն ամենահեշտն է։ Պետք է չափել մահճակալի երկարությունը և լայնությունը։ Հաստությունը կախված կլինի ընտրված ներքնակի տեսակից, քանի որ զսպանակավոր մոդելների դեպքում այն 12-24սմ է, իսկ առանց շրջանակի մոդելինը՝ 15-18 սմ։

Կոշտություն

Կոշտությունը ներքնակի ամենակարևոր չափանիշներից մեկն է։ Մի կողմից այն պետք է ընտրվի քնողի քաշին համապատասխան, մյուս կողմից՝ կարող է սուբյեկտիվորեն դուր գալ կամ չգալ մարդուն։

Ներքնակի կոշտության 3 տեսակ կա՝

1. փափուկ, որը հարմար է 55 կգ-ից ցածր քաշ ունեցողներին
2. միջին կոշտության, որը նախատեսված է 55-90 կգ-ի համար
3. կոշտ՝ 90 կգ և ավել քաշ ունեցողների համար

Անկախ զսպանակով ներքնակներ՝ հարմարավետություն երկուսի համար

Անկախ զսպանակներով ներքնակները կազմված են մի քանի հազար զսպանակներից, որոնք տեղակայված են առանձին-առանձին։ Նման ներքնակների գլխավոր առավելությունը ծանրության ճիշտ բաշխումն է։ Սա նշանակում է, որ եթե որևէ մեկը մի կողմից մյուս կողմ է շրջվում, ապա մյուս քնածը այդ շարժը ներքնակի վրա չի զգա։ Կարող եք ինչ-որ հեղուկով բաժակ դնել ներքնակի մի հատվածում, մյուս հատվածում ձեռքով հրել ներքնակը և տեսնել, որ հեղուկը չի թափվում։ Եթե զսպանակները փոխկապակցված լինեն, ինչպես Բոննել ներքնակների դեպքում, բաժակը կշարժվեր և հեղուկը կթափվեր։ Կապակցված զսպանակների դեպքում մեկը մյուսի շարժն անընդհատ զգալու է, ինչն անհարմարության և վատ քնի պատճառ է դառնալու։

Համակցված ներքնակներ

Այսպիսի ներքնակները բաղկացած են տարբեր նյութերի, այդ թվում՝ զսպանակների, մի քանի շերտից։ Եթե կողքից նայեք, ապա նման է բազմաշերտ թխվածքի։ Օրինակ կան ներքնակներ, որ բաղկացած են 5 շերտից՝ հիպոալերգիկ կտոր, հիշողության էֆֆեկտով շերտ, անկախ զսպանակների շերտ, բարձր խտության շերտ և պատյան։

Առանց զսպանակ ներքնակներ

Կան նաև այնպիսի տարբերակներ, երբ ներքնակը պատրաստված է բնական լցանյութերի համակցությունից։ Այսպիսի ներքնակները կարող են ընդունել ամեն կողմում 130-140 կգ ծանրություն։ Տարածված են բնական լատքեսից տարբերակները, սակայն շուկայում առկա են նաև ավելի մատչելի և արհեստական լցանյութով մոդելներ։ 

Մի՛ մոռացեք հետևել Haybed-ին նաև Facebook-ում և Instagram-ում, որպեսզի բաց չթողնեք մեր հոդվածներն ու հրապարակումները։

6 ԿԱՆՈՆ ԵՐԿՏԵՂԱՆԻ ՆԵՐՔՆԱԿ ԸՆՏՐԵԼՈՒ ՀԱՄԱՐ

Ոչ մի դեպքում երկտեղանի մահճակալի ներքնակի ընտրության հարցը մի լուծեք 2 առանձին մեկտեղանի ներքնակի գնմամբ։

02 02 2020

ԻՆՉՊԵՍ ԸՆՏՐԵԼ ՆԵՐՔՆԱԿ՝ ԿԱԽՎԱԾ ՔԱՇԻՑ

Ծանր քաշի դեպքում հատկապես կարևոր է ողնաշարն ու հոդերը քնի ժամանակ լիակատար հանգստացնելը։

07 11 2019

8 ԽՈՐՀՈՒՐԴ ԱՌՈՂՋ ՔՆԻ ՀԱՄԱՐ

Մի քանի կարևոր խորհուրդներ, որոնք կօգնեն ձեզ բարելավել ձեր քնի որակը։

02 10 2019