+374 41 711 117

ԻՆՉՊԻՍԻ ՆԵՐՔՆԱԿ ԸՆՏՐԵԼ ՀՂԻՆԵՐԻ ՀԱՄԱՐ

Հղի կինը հարմարավետության և շրջապատի հատուկ խնամքի կարիքն է զգում: Այդ ընթացքում տան մյուս անդամները փորձում են ապահովել իդեալական պայմաններ կնոջ առողջության, հանգստի համար: Ու թեև շրջապատը չի կարող լիովին թեթևացնել կնոջ զգացած անհարմարությունները, բայց կարող է փոքրիկ քայլերով բարելավել հղիի վիճակը: Իսկ քանի որ լավ հանգիստն ու լիարժեք քունը չափազանց կարևոր են ապագա մայրիկի համար, այս հոդվածում ձեզ կպատմենք հղիների համար հարմար ներքնակների մասին: Դրանք կօգնեն հղիության շրջանն ավելի հարմարավետ դարձնել կնոջ համար:

Հիշեք, որ հղիության շրջանը շատ պատասխանատո փուլ է կնոջ համար: Այդ իսկ պատճառով ներքնակի պատճառով անհարմարություն զգալու պարագայում խորհրդակցեք ձեր բժշկի հետ և հետո միայն ընտրեք ձեր և ձեր հղիությանը հարմար ներքնակ:

Ինչու է ներքնակի հատկութունն այդքան կարևոր հղի կնոջ համար

Հաճախ նույնիսկ ամենասովորական և ծանոթ ներքնակի վրա քնելը հղիի համար դառնում է բավական դժվար: Հիմնական պատճառը կնոջ մարմնի անատոմիական փոփոխություններն են: Պտղի մեծացմանը զուգընթաց մոր ողնաշարն իր վրա մեծ ծանրաբեռնվածություն է վերցնում: Այդ  իսկ պատճառով շատ հղիներ հիմնականում բողոքում են ողնաշարի և գոտկատեղի ցավերից: Իսկ հղիության վերջին շրջանում ավելի բարդ է դառնում և՛ քայլելը, և՛ հարմար դիրքով պառկելը: Հետևաբար, գիշերային հանգիստը հնարավորինս ճիշտ կազմակերպելու համար պետք է ընտրել օրթոպեդիկ ներքնակներ:

Զսպանակային հիմքով ներքնակներ

Հղիների համար իդեալական կլինի անկախ զսպանակներով ներքնակը: Այսպիսի ներքնակներում յուրաքանչյուր զսպանակ լավագույնս պահելու է ողնաշարը ճիշտ դիրքում և հավասարաչափ բաշխելու է մարմնի ծանրությունը: Այս պարագայում ներքնակը հղիության ընթացքում «հարմարվելու է» կնոջ մարմնի անատոմիական փոփոխություններին:


Բացի այդ, անկախ զսպանակներով ներքնակը հետագայում նույնպես կապահովի մոր և փոքրիկի հաճելի քունը, քանի որ հասուն մարդու քաշի պատճառով չի ճկվի և երեխային ավելի բարձրացնի: Իդեալական հարմարավետության համար կարող եք ընտրել երկկողմանի ներքնակ: Մի կողմը կարող է լինել փափուկ և տաք, իսկ մյուս կողմը միջին կոշտության: Հիշեք, հղիներին արգելվում է քնել կոշտ ներքնակի վրա: Եթե որոշել եք երկկողմանի ներքնակ ընտրել, ապա մի կողմը առավելագույնը կարող է լինել միջին կոշտության:

Առանց զսպանակի ներքնակներ

Զսպանակների փոխարեն կարող են օգտագործվել բնական լատեքսը, կոկոսի մազը: Այս նյութերը նույնպես լավն են, հակաալերգիկ են և հարմար են հղիության ընթացքում:

Կարևոր է հիշել, որ հղիության ընթացքում ներքնակները պետք է ապահովեն փափկության և կոշտության բալանսը, հակաալերգիկ և շնչող լինեն: 
 

Մի՛ մոռացեք հետևել Haybed-ին նաև Facebook-ում և Instagram-ում, որպեսզի բաց չթողնեք մեր հոդվածներն ու հրապարակումները։

5 ԽՈՐՀՈՒՐԴ ՄԵՋՔԻ ՑԱՎԻ ԴԵՊՔՈՒՄ ՆԵՐՔՆԱԿ ԸՆՏՐԵԼՈՒ ՀԱՄԱՐ

Մեջքի կամ գոտկատեղի հետ կապված ցավերին գրագետ արձագանքելու համար պետք է այցելել բժշկի, անցնել հետազոտություն ու իմանալ, թե ինչ խնդիր է ձեզ մոտ։ Սրանից հետո կարող եք կարդալ առաջարկվող այն խորհուրդները, որոնք կօգնեն ներքնակի հարցում կողմնորոշվել։

05 08 2020

ԲՆԱԿԱՆ ԼԱՏԵՔՍԻ ԿԻՐԱՌՈՒԹՅՈՒՆԸ ՆԵՐՔՆԱԿՆԵՐՈՒՄ

Այս նյութը ստանում են հատուկ տրոպիկական ծառի՝ հիմնականում բրազիլական հևեա կոչվող ծառի կաթնահյութից:

16 03 2020

6 ԿԱՆՈՆ ԵՐԿՏԵՂԱՆԻ ՆԵՐՔՆԱԿ ԸՆՏՐԵԼՈՒ ՀԱՄԱՐ

Ոչ մի դեպքում երկտեղանի մահճակալի ներքնակի ընտրության հարցը մի լուծեք 2 առանձին մեկտեղանի ներքնակի գնմամբ։

02 02 2020