+374 41 711 117

ԲՆԱԿԱՆ ԹԵ ԱՐՀԵՍՏԱԿԱՆ ԼԱՏԵՔՍ․ ԻՆՉՊԵՍ ԿՈՂՄՆՈՐՈՇՎԵԼ

Մեր նախորդ հրապարակումը պատմում էր բնական լատեքսի և ներքնակների արտադրությունում դրա կիրառման մասին: Նշենք, որ Haybed ներքնակների պատրաստման համար օգտագործվում է բացառապես բնական լատեքս։

Այնուամենայնիվ, վստահ ենք, բնական լատեքսին զուգահեռ բազմիցս լսել եք նաև արհեստական լատեքսի մասին: Հնարավոր է հանդիպեք նաև այնպիսի արտադրողների, ովքեր պնդում են, թե արհեստականը բնականին ոչնչով չի զիջում։

Իհարկե դա այդպես չէ։ Բայց որպեսզի ներքնակ ընտրելիս կարողանաք ճիշտ կողմնորոշվել, առաջարկում ենք ծանոթանալ նաև արհեստական (սինթետիկ) լատեքսի առավելություններին և թերություններին։

Արհեստական լատեքսի երկրորդ անվաումը պենոպոլիուրետանն է, հենց այս անունն էլ հաճախ կարող եք տեսնել ներքնակների լցանյութերի կազմում: Իրականում արհեստական լատեքսն օգտագործվում է ոչ միայն ներքնակների արտադրությունում, այլ նաև փափուկ կահույքի: 

Արհեստական լատեքսի առավելություններից խոսելիս՝ առաջին և ամենակարևոր փաստը, որ պետք է արձանագրել՝ էժան գինն է։ Այս նյութը ստեղծվել է որպես բնականի ավելի մատչելի տարբերակ: Սինթետիկ լատեքսի լցանյութով ներքնակները գնային առումով ավելի մատչելի են:

Առաձգականությունը

Ի տարբերություն բնական լատեքսի, արհեստականն ավելի կոշտ է։ Սա դժվար է համարել առավելություն կամ թերություն, քանի որ կոշտության վերաբերյալ մարդկանց նախասիրությունները տարբեր են:

Ալերգիկ ազդեցության բացակայություն

Ինչպես բնական լատեքսը, արհեստականը նույնպես համարվում է ոչ ալերգիկ։ Այստեղ նույնպես չեն զարգանում բակտերիաներ։ Այնուամենայնիվ, պետք է հաշվի առնել, որ սինթետիկ լատեքսը ունի քիմիական բաղադրություն։

Օդափոխություն

Օդափոխության հարցում արդեն զգացվում է բնական լատեքսի առավելությունը։ Արհեստական լատեքսն այնքան էլ լավ չի օդափոխվում։ Այն համապատասխանում է մասնագետների պահանջներին, սակայն համեմատության մեջ էականորեն զիջում է բնականին։

Դիմացկունություն

Այս հարցում նույնպես արհեստական լատեքսը զիջում է բնականին։ Արհեստական լատեքսով ներքնակների կյանքի տևողությունը գնահատվում է 5-10 տարի, իսկ բնական լատեքսինը՝ 10-15 տարի։ Տարբերությունն ակնհայտ է։

Արհեստական լատեքսի թերությունների մասին խոսելիս անհրաժեշտ է շեշտել ևս մեկ, ոչ պակաս կարևոր կետ․ այն ունի քիմիական, ոչ այնքան հաճելի հոտ։

Ամփոփելով համեմատությունը՝ փաստենք. բնական լատեքսն, իհարկե, էապես գերազանցում է արհեստականին գրեթե բոլոր ցուցանիշներով։ Սակայն արհեստական լատեքսը նույնպես ունի իր կայուն տեղը ներքնակների արտադրության մեջ՝ իր էժան գնի շնորհիվ։

Հիշե՛ք, առողջ քունը բարելավում է մարդու կյանքի որակը։ Իսկ առողջ քնի համար կարևոր է օգտագործել բարձր որակի ներքնակներ։
 

Մի՛ մոռացեք հետևել Haybed-ին նաև Facebook-ում և Instagram-ում, որպեսզի բաց չթողնեք մեր հոդվածներն ու հրապարակումները։

ԲՆԱԿԱՆ ԼԱՏԵՔՍԻ ԿԻՐԱՌՈՒԹՅՈՒՆԸ ՆԵՐՔՆԱԿՆԵՐՈՒՄ

Այս նյութը ստանում են հատուկ տրոպիկական ծառի՝ հիմնականում բրազիլական հևեա կոչվող ծառի կաթնահյութից:

16 03 2020

ԱՌՈՂՋ ՔՈՒՆ․ ՄԱՀՃԱԿԱԼԻ, ՆԵՐՔՆԱԿԻ ԵՎ ԲԱՐՁԻ ԸՆՏՐՈՒԹՅՈՒՆԸ

Այս հրապարակմամբ խոսելու ենք այն 3 բաղադրիչների մասին առանց որոնց իդեալական քուն հնարավոր չէ պատկերացնել․ դրանք են՝ ճիշտ ընտրված մահճակալը, ներքնակը և բարձը:

24 02 2020

ԵՐԿՏԵՂԱՆԻ ՆԵՐՔՆԱԿ ԸՆՏՐԵԼՈՒ ՉԱՓՈՐՈՇԻՉՆԵՐԸ

Այս հոդվածը կօգնի ձեզ էլ ավելի լավ պատկերացում կազմել և ճիշտ չափանիշներով ներքնակ ձեռք բերել։

14 02 2020