+374 41 711 117

ԻՆՉ Է ՕՐԹՈՊԵԴԻԿ ՆԵՐՔՆԱԿԸ

Օրթոպեդիա հունարենից բառացի նշանակում է «օրթոս» ուղիղ և «պեդիա» դաստիարակություն։ Օրթոպեդիան բժշկության այն ճյուղն է, որը մասնագիտանում է մարդու հենաշարժողական ապարատի վնասվածքների, խանգարումների ախտորոշման, բուժման և որ ամենակարևորն է` կանխարգելման վրա։

Աշխարհում առաջատար մի շարք մասնագետներ հաշվել են, թե օրվա ընթացքում մարդն ինչքան է ծախսում քնի վրա։ Պարզվում է՝ մարդն իր կյանքի մոտ 1/3-ը քնած է։ Առողջ քունը մարդու հոգեբանության, առողջության ու տրամադրության ամենակարևոր երաշխավորն է։ Այդ իսկ պատճառով անհրաժեշտ է մեծ ուշադրություն դարձնել ներքնակին, քանի որ դրա վատ լինելու պատճառով կարող է խանգարվել ձեր քունը, կամ էլ մեջքի հատվածում ցավեր զգաք։

Օրթոպեդիկ ներքնակ

Օրթոպեդիկ ներքնակը ժամանակակից մասնագետների մշակումն է։ Այն էապես փոխել է մարդկանց մտածելակերպը՝ կարևորելով առողջ քունը։ Օրթոպեդիկ է համարվում այն կոնստրուկցիան, որը կարողանում է ճիշտ պահել ողնաշարի սյունն ու օրգանիզմին թույլ է տալիս առավելագույնս հանգստանալ։ Չափազանց փափուկ ներքնակները նպաստում են ողնաշարի ծռմանը, իսկ ընդհակառակն ամուր ու չոր ներքնակները ողնաշարի վրա ավելորդ ճնշում են գործադրում։ Ներքնակի իդեալական ձևն այն է, երբ այն ընդունում է մարմինի ձևը։

Քնի ընթացքում օրթոպեդիկ ազդեցություն ունենալու հարցը բժիշկների ուշադրության կենտրոնում է եղել տարիներ շարունակ, մինչև ստեղծվել են էրգոնոմիկ ներքնակները, ինչին սովոր են ժամանակակից մարդիկ։ Սկզբնական շրջանում քաշի հավասարաչափ բաշխման հարցը լուծում էին ջրային կամ էլ օդի ներքնակներով, բայց այսպիսի տեխնոլոգիան երկար կյանք չունեցավ։ Օդով լցված ներքնակները չափազանց աղմկոտ էին, իսկ ջրով տարբերակները՝ ծանր։

Ժամանակակից ներքնակների կառուցվածքում անկախ զսպանակներ են՝ շնչող երեսով։ Զսպանակները փոխկապակցված չեն, ինչը հնարավորություն է տալիս ներքնակի տարբեր հատվածներին՝ ճկվել մարմնի առանձին հատվածների ծանրությանը համապատասխան։ Օրթոպեդիկ ներքնակներում նախատեսված են կոշտության տարբեր մասեր, որոնք գիշերային հանգստի ժամանակ ապահովում են ողնաշարի ճիշտ դիրքը։ 

Թե ինչ սկզբունքով են աշխատում օրթոպեդիկ ներքնակները և ինչ առավելություններ ունեն, կներկայացնենք մեր հետագա հոդվածներում։ Իսկ մինչ այդ առաջարկում ենք ծանոթանալ Haybed ներքնակների տեսականուն, որոնք արտադրվում են Հայաստանում և համապատասխանում են միջազգային ամենաբարձր ստանդարտներին։

Մի՛ մոռացեք հետևել Haybed-ին նաև Facebook-ում և Instagram-ում, որպեսզի բաց չթողնեք մեր հոդվածներն ու հրապարակումները։

ԻՆՉ Է ՕՐԹՈՊԵԴԻԿ ՆԵՐՔՆԱԿԸ

Օրթոպեդիկ է համարվում այն կոնստրուկցիան, որը կարողանում է ճիշտ պահել ողնաշարի սյունն ու օրգանիզմին թույլ է տալիս առավելագույնս հանգստանալ։

25 08 2019

ՕՐԹՈՊԵԴԻԿ ՆԵՐՔՆԱԿՆԵՐԻ ԱՌԱՎԵԼՈՒԹՅՈՒՆՆԵՐԸ

Օրթոպեդիկ և սովորական ներքնակների տարբերությունը նրանում է, որ օրթոպեդիկը կարող է էականորեն բարելավել կյանքի որակը՝ ազատելով հազար ու մի տեսակ ռիսկերից։

27 08 2019

ԲԱՐԻ ԳԱԼՈՒՍՏ HAYBED BLOG

Haybed-ը մեկնարկում է բլոգ առողջ քնի մասին։ Այստեղ մենք ձեզ հետ կկիսվենք բազմաթիվ հետաքրքիր հոդվածներով, թե ինչպես բարելավել քնի որակը, ինչպես ճիշտ ընտրել անկողնային պարագաներ։

12 08 2019