+374 41 711 117

ՈՐՆ Է ՀԱՄԱՐՎՈՒՄ ՔՆԻ ԽԱՆԳԱՐՈՒՄ

Լավ քունը շատ կարևոր է մեր ամենօրյա բարորության, աշխատունակության, տրամադրության և ինքնազգացողության համար։ Մարդկանց մեծ մասը կյանքի ինչ-որ շրջանում քնի խանգարում է ունենում սթրեսի կամ կորստի հաղթահարման ժամանակ։ Քնի կարճաժամկետ խանգարումն ամենատարածված խնդիրներից մեկն է ու հանդիպում է գրեթե բոլոր տարիքներում։ Սակայն լինում են դեպքեր, երբ քնի խանգարումը շարունակվում է բավական երկար ժամանակ՝ խանգարելով առօրյա գործերին, ինչպես նաև առողջական վիճակին։  Եթե նկատում եք, որ ձեզ մոտ արդեն տևական ժամանակ քունը խանգարված է, ապա առաջին հերթին դիմեք ձեր ընտանեկան բժշկին։ Միայն մասնագիտական մոտեցման շնորհիվ հնարավոր կլինի լուծել խնդիրը։

Որոնք են այն ախտանշանները, որոնք վկայում են քնի խանգարման մասին

-Չնայած հոգնածությանը քնելու դժվարություն
-Հաճախակի արթնանալ գիշերները
-Արթնանալուց հետո նորից քնելու դժվարություն
-Քնկոտություն, հոգնածություն և դյուրագրգռվածության օրվա ընթացքում
-Ուշադրության կենտրոնացման խնդիրներ

Սրանք ամենատարածված նշաններն են, որոնք մարդկանց հուշում են, որ քունն առողջ չէ ու այն կարգավորելու կարիք կա։

Անքնության առաջացման պատճառները

Առաջացման պատճառները շատ տարբեր են։ Կարող է անքնություն կամ քնի խանգարում առաջանալ սթրեսից, ժամային գոտին փոխելուց, ոչ հարմարավետ միջավայրում քնելուց, ինչ-որ հոտերից, լույսից և այլ գործոններից։ Եթե քնի ժամանակավոր խանգարման պատճառը սթրեսն է, վախը, տագնապը, ապա այն որոշ ժամանակ անց սթրեսային իրավիճակի անցմանը զուգահեռ կկարգավորվի, իսկ եթե այն շարունակում է անհանգստություն պատճառել հարկ կլինի մի քանի հանդիպում ունենալ հոգեբանի հետ։ Քնի խանգարումն անտեսել չի կարելի։

Նշենք նաև, որ եթե քունը խանգարվել է այլ գործոնների պատճառով, ինչպիսիք նշված են վերևում, ապա այն կարգավորելն ավելի հեշտ է։

1. Ներքնակի կամ բարձի խնդիր

Քունը կարող է լիարժեք չլինել անկողնային պարագաների պատճառով։ Քնելիս մեր անկողինն առավելագույնս հարմար պետք է լինի։ Առողջ ու հարմարավետ քնի համար օգտագործեք օրթոպեդիկ ներքնակ և բարձ։ Հնարավոր է ձեր քնի ռեժիմը խախտվել է անհարմարության պատճառով։ Փոխեք ներքնակն ու բարձը և միանգամից կզգաք տարբերությունը։

2․ Լույսի կամ հոտերի գործոնով պայմանավորված անքնություն

Ննջարանում մի պահեք հեռուստացույց, համակարգիչ և այլ պարագաներ։ Հաճախ կարող եք լսել, որ միացրած հեռուստացույցով քնելն ավելի հեշտ է։ Դա պատրանք է, քանի որ մեր օրգանիզմին լիակատար հանգստանալու համար անհրաժեշտ է հանգիստ, խաղաղ միջավայր։ Փորձեք պատուհանները փակել հաստ ու լույս չթափանցող վարագույրներով։ Այդպես դրսից խանգարող լույս չի ներթափանցի։ Երբեմն անքնության պատճառ է դառնում նաև սենյակում սուր կամ նոր հոտերը։ Եթե հոտերի նկատմամբ զգայուն եք ու այն ազդում է ձեր քնի վրա, ապա սենյակում մի պահեք հոտավետ իրեր, մոմեր, յուղեր։ Քնելուց առաջ անպայման օդափոխեք ննջարանը։ Մի քիչ սառը և մաքուր օդն օգնում են հանգիստ քնել։ 

Մի՛ մոռացեք հետևել Haybed-ին նաև Facebook-ում և Instagram-ում, որպեսզի բաց չթողնեք մեր հոդվածներն ու հրապարակումները։

9 ԽՈՐՀՈՒՐԴ ՔՈՒՆԸ ԿԱՐԳԱՎՈՐԵԼՈՒ ՀԱՄԱՐ

Առողջ մարմինը, հանգիստ մաշկը վկայում են, որ ձեր քունը լիարժեք է ու դուք իսկապես հանգստացել եք։ Ցավոք սրտի, մեզնից ոչ ոք ապահովագրված չէ, որ սթրեսի, ծանր աշխատանքի կամ այլ հանգամանքների բերումով չի խախտվի քնի ռեժիմը։

29 07 2020

5 ԽՈՐՀՈՒՐԴ ՄԵՋՔԻ ՑԱՎԻ ԴԵՊՔՈՒՄ ՆԵՐՔՆԱԿ ԸՆՏՐԵԼՈՒ ՀԱՄԱՐ

Մեջքի կամ գոտկատեղի հետ կապված ցավերին գրագետ արձագանքելու համար պետք է այցելել բժշկի, անցնել հետազոտություն ու իմանալ, թե ինչ խնդիր է ձեզ մոտ։ Սրանից հետո կարող եք կարդալ առաջարկվող այն խորհուրդները, որոնք կօգնեն ներքնակի հարցում կողմնորոշվել։

05 08 2020

ՆԵՐՔՆԱԿԸ ՃԻՇՏ ԽՆԱՄԵԼՈՒ 6 ԽՈՐՀՈՒՐԴ

Անհրաժեշտ է ճիշտ խնամել նույնիսկ ամենաորակյալ և թանկարժեք ներքնակը, հակառակ դեպքում այն կկորցնի իր հատկությունները և ենթակա չի լինի օգտագործման։

05 07 2020