+374 41 711 117

ԻՆՉՊԵՍ ԱՄՐԱՑՆԵԼ ՈՂՆԱՇԱՐԸ

Ասում են՝ ողնաշարը բոլոր հիվանդությունների «կախիչն» է։ Ժամանակի ընթացքում անտեսելով տարբեր հիվանդությունները կամ դրանց առաջացման ռիսկերը, մենք մեծ բեռ ենք հավաքում ոչ միայն մեր ողնաշարի, այլ նաև նյարդային և հենաշարժողական համակարգի համար։

Ժամանակակից նստակյաց կյանքը, ժամերով համակարգչի դիմաց անշարժ նստելը, սմարթֆոններից և պլանշետներից կախվածությունը մեծ չարիք են մեր ողնաշարի համար։ Ֆիզիկապես պասիվ կենսակերպը խանգարում է արյան շրջանառությանը, որն էլ կարող է իր հերթին շարքից հանել մեր մյուս օրգանները։

Հետզհետե բարդացող պրոբլեմներից խուսափելու համար, իհարկե, կարևոր է վարել հնարավորինս ակտիվ կենսակերպ․ զբաղվել սպորտով, լողով, պարով, հաճախել մարզասրահ։ Ակտիվ կենսակերպը մեզ օգնում է ոչ միայն ֆիզիկապես լիցքաթափվել, այլ նաև զերծ մնալ սթրեսից։

Եթե այնուամենայնիվ, աշխատանքային գրաֆիկը թույլ չի տալիս անցնել ակտիվ կենսակերպի, ցանկալի է գոնե աշխատանքային միջավայրը դարձնել առավել հարմարավետ։ Ընտրե՛ք հարմար բարձրության աշխատանքային սեղան, մասաժի հնարավորությամբ հարմար աթոռ, լավ լուսավորություն։

Ողնաշարն ուղիղ պահելու հարցում մեծ դեր ունեն նաև կոշիկները։ Հատկապես բարձր կրունկների սիրահար կանայք մեծ վտանգի են ենթարկում ողնաշարը, քանի որ մարմնի ծանրությունն ընկնում է ոտնաթաթերի վրա՝ ծանրության կենտրոնը տեղափոխելով առաջ՝ այդ կերպ խախտելով նյարդային և հենաշարժողական համակարգի հավասարակշռությունը։ Իհարկե բարձրակրունկները գեղեցիկ են նայվում, սակայն դրանց չարաշահումը կարող է անդառնալի հետևանքներ ունենալ մեր ողնաշարի համար։ Ուստի անհրաժեշտ է ժամանակ առ ժամանակ անցնել հարմար ցածրակրունկների և հանգիստ տալ մեր ողնաշարին։

Եվ վերջապես, օրվա վերջում մեր հանգիստը ևս պետք է լինի ճիշտ և հարմարավետ։ Խաղաղ և լիարժեք քունը հնարավոր է միայն ճիշտ ընտրված ներքնակի առկայության դեպքում։ Կարծիք կա, որ օրթոպեդիկ ներքնակները խորհուրդ են տրվում միայն ողնաշարի խնդիրներ ունեցող մարդկանց։ Այս թեմային մենք բազմիցս անդրադարձել ենք մեր նախորդ հրապարակումներում՝ հատկանշելով օրթոպեդիկ ներքնակների առանձնահատկությունները և ցուցումները հատուկ դեպքերի համար։

Սակայն օրթոպեդիկ ներքնակներն ինչպես շտկում, այնպես էլ կանխում են ողնաշարարային հիվանդությունները, քանի որ իրենց կազմության շնորհիվ քնի ընթացքում ճիշտ աջակցություն են ապահովում ողնաշարի տարբեր կետերի համար։ 

Ժամանակակից օրթոպեդիկ ներքնակների կազմության մեջ կարևոր են ոչ միայն զսպանակների առկայությունը կամ դրանց տեսակները, այլ նաև լցանյութը՝ լատեքս կամ հիշողության սպունգ, որը ֆիքսում են մարմնի դիրքը, օգնում թուլանալ, լիցքաթափվել։ Մեծ նշանակություն ունեն նաև ներքնակի կազմության մեջ առկա բնական մանրաթելերը, որոնք ունի բուժիչ նշանակություն և նպաստում են առողջ քնին։

Մի՛ մոռացեք հետևել Haybed-ին նաև Facebook-ում և Instagram-ում, որպեսզի բաց չթողնեք մեր հոդվածներն ու հրապարակումները։

ԻՆՉՊԻՍԻ ՆԵՐՔՆԱԿ ԸՆՏՐԵԼ ՏԱՐԵՑՆԵՐԻ ՀԱՄԱՐ

50-ից հետո մկանները սկսում են կորցնել իրենց առաձգականությունը, դժվարանում է արյան շրջանառությունը։ Հոդերը դառնում են առավել զգայուն և հաճախակիանում են հոդացավերը, զարգանում է արթրիտը կամ օստեոխոնդրոզը։

21 09 2020

ԱՌՈՂՋ ՔՈՒՆ․ ՄԱՀՃԱԿԱԼԻ, ՆԵՐՔՆԱԿԻ ԵՎ ԲԱՐՁԻ ԸՆՏՐՈՒԹՅՈՒՆԸ

Այս հրապարակմամբ խոսելու ենք այն 3 բաղադրիչների մասին առանց որոնց իդեալական քուն հնարավոր չէ պատկերացնել․ դրանք են՝ ճիշտ ընտրված մահճակալը, ներքնակը և բարձը:

24 02 2020

5 ԽՈՐՀՈՒՐԴ ՄԵՋՔԻ ՑԱՎԻ ԴԵՊՔՈՒՄ ՆԵՐՔՆԱԿ ԸՆՏՐԵԼՈՒ ՀԱՄԱՐ

Մեջքի կամ գոտկատեղի հետ կապված ցավերին գրագետ արձագանքելու համար պետք է այցելել բժշկի, անցնել հետազոտություն ու իմանալ, թե ինչ խնդիր է ձեզ մոտ։ Սրանից հետո կարող եք կարդալ առաջարկվող այն խորհուրդները, որոնք կօգնեն ներքնակի հարցում կողմնորոշվել։

05 08 2020