+374 41 711 117

ԻՆՉՊԵՍ ԸՆՏՐԵԼ ՆԵՐՔՆԱԿ՝ ԿԱԽՎԱԾ ՔԱՇԻՑ

Ճիշտ ներքնակ ընտրելն այնքան էլ բարդ չէ, եթե դուք լավ տեղեկացված եք ձեր մարմնի առանձնահատկություններից և որոշակի գիտելիքներ ունեք ներքնակների մասին։ 

Նաորդ հոդվածում ներկայացրինք, թե ինչպիսի ներքնակ է պետք ընտրել, եթե ունեք մեջքի ցավեր։

Այս անգամ ձեզ պատմելու ենք, թե ինչպիսի ներքնակ է պետք ընտրել՝ կախված մարմնի կշռից։ Մարդիկ, ովքեր ծանր քաշ ունեն, պետք է ավելի ուշադիր հետևեն իրենց կենցաղի կազմակերպմանը։ Ծանր քաշի դեպքում հատկապես կարևոր է ողնաշարն ու հոդերը քնի ժամանակ լիակատար հանգստացնելը։ Սովորական ներքնակն այս պարագայում հարմար չէ։

Ավելորդ կիլոգրամներն օրվա ընթացքում արդեն հոգնածություն են առաջացնում, իսկ գիշերը դրանք կարող են նույնպես անհարմարություն առաջացնել։ Այսպիսի կատեգորիայի մարդկանց օգնության են հասնում օրթոպեդիկ այն ներքնակները, որոնք պարգևում են հանգիստ ու հարմարավետ քուն։

Կարևոր մանրուքներ ներքնակի ընտրության ժամանակ

Կա հստակ տարբերություն սովորական քաշով մարդկանց ներքնակների և ծանր քաշայինների համար նախատեսված ներքնակների միջև։ Ներքնակների մեծ մասը հաշվարկված է 100-120կգ առավելագույն քաշի համար։ Եթե մարդու քաշը սրանից ծանր է, ապա ներքնակը կորցնում է իր օրթոպեդիկ նշանակությունը և վտանգավոր է մարդու համար, քանի որ կարող է մեջքի ցավերի պատճառ դառնալ։

Ծանր քաշով մարդկանց ներքնակը պետք է նախատեսված լինի 150 կգ-ի համար։ Այսինքն՝ եթե պիտի ընտրեք երկտեղանի ներքնակ, ապա ցանկացած կողմը պետք է կարողանա հանգիստ պահել 150 կգ քաշն ու չկորցնի իր օրթոպեդիկ գործառույթը։

Զսպանակային բլոկը ծանր քաշ ունեցողների համար պետք է հաշվարկված լինի բարձր ծանրաբեռնվածության համար։ Ներքնակի հաստությունն ու կոշտությունը կարևոր նշանակություն ունեն։ Ինչքան մեծ լինի դրանց ցուցիչն, այնքան ավելի քիչ կնստի ներքնակն ու վտանգավոր փոս չի առաջացնի մեջքի համար։

Մարդու քաշի ազդեցությունը ներքնակի ընտրության ժամանակ

Եթե հաճախորդը որևէ գանգատ կամ առողջական խնդիր չունի, ապա նրան խորհուրդ է տրվում ընտրել ներքնակ առաջնորդվելով մարմնի քաշով։ Օրինակ՝ 45-60 կգ քաշ ունեցողներին խորհուրդ է տրվում փափուկ կամ միջին կոշտության ներքնակ։ Հասուն մարդկանց մեծ մասն ունենում է 60-90կգ-ի սահմաններում քաշ։ Այդ պարագայում խորհուրդ է տրվում միջին կոշտության ներքնակ, եթե բժշկի հստակ ցուցում չկա։

90կգ-ից սկսած՝ պետք է ուշադրություն դարձնել կոշտությանը, ուժեղացված զսպանակային բլոկներին։ Ծանր քաշ ունեցող մարդկանց ավելի հարմար է լինում քնել համեմատաբար հաստ ներքնակների վրա։ 

Մի՛ մոռացեք հետևել Haybed-ին նաև Facebook-ում և Instagram-ում, որպեսզի բաց չթողնեք մեր հոդվածներն ու հրապարակումները։

ԻՆՉՊԻՍԻ ՆԵՐՔՆԱԿ ԸՆՏՐԵԼ, ԵԹԵ ՈՒՆԵՔ ՄԵՋՔԻ ՑԱՎԵՐ

Մեջքի կամ գոտկատեղի հետ կապված ցավերին գրագետ արձագանքելու համար պետք է այցելել բժշկի։

03 11 2019

5 ԿԱՐԵՎՈՐ ԿԱՆՈՆ ԱՄՈՒՐ ՔՆԻ ՀԱՄԱՐ

Քունը կարևոր է ներքին օրգանների ճիշտ աշխատանքի, նյարդային համակարգի հանգստացման, ինչպես նաև թարմացած արտաքին ունենալու համար։

13 09 2019

ԻՆՉ ՆՅՈՒԹԵՐ ԵՆ ՕԳՏԱԳՈՐԾՎՈՒՄ ՕՐԹՈՊԵԴԻԿ ՆԵՐՔՆԱԿՆԵՐՈՒՄ

Ներկայացնում ենք մի շարք նյութեր, որոնք օգտագործվում են  օրթոպեդիկ ներքնակների արտադրության մեջ և նպաստում են դրանց բարձր որակին և հարմարավետությանը։

04 09 2019