Մենք արդեն անդրադարձել ենք օրթոպեդիկ ներքնակների տեսակներին և դրանց առավելություններին։ Դրանց ամենակարևոր առավելություններից են նյութերը, որոնցով պատրաստված են։ Այժմ ձեզ կներկայացնենք մի շարք նյութեր, որոնք օգտագործվում են օրթոպեդիկ ներքնակների արտադրության մեջ և նպաստում են դրանց բարձր որակին և հարմարավետությանը։
Լատեքս
Բնական լատեքս ստանում են կաուչուկի ծառի (Հևեա) հյութից։ Բնական կաուչուկը ներքնակում կարող է լինել 20-60%, մնացածը պոլիուրեթանային փրփուր է։ Արդյունքում ստացվում է առաձգական և հարմարավետ նյութ, որն օգտագործվում է փափուկ և միջին կոշտության ներքնակներ պատրաստելու համար։
Կոկոսի մանրաթելեր
Այս նյութն առաձգական և կոշտ է։ Այն շատ լավ բաց է թողնում օդը և չի խոնավանում։ Որպեսզի չդեֆորմացվող լցանյութ ստացվի, կոկոսի մազմզուկները թրջում են լատեքսով։ Շուկայում կարելի է հանդիպել կոկոսի մազմզուկների, լատեքսի և զսպանակների խառնուրդ։ Հենց այս միախառնման շնորհիվ էլ ներքնակը փափուկ և հարմարավետ է դառնում։
Բրդյա մանրաթելեր
Բուրդն ունի հիանալի ջերմամեկուսացնող հատկություն։ «Ձմեռ-ամառ» ներքնակներում այն հաճախ է օգտագործվում, իհարկե, այլ նյութերի հետ խառնած։
Ձիու մազեր
Ձիու մազն իր հատկությամբ նման է բրդին. շատ լավ ջերմամեկուսացում է ապահովում։ Այս նյութն օգտագործվում է ներքնակին կոշտություն հաղորդելու համար։ Հաճախ օգտագործվում է լատեքսի հետ։
Ծովային խոտեր
Չորացրած ջրիմուռներն էկոլոգիապես մաքուր նյութեր են ներքնակների պատրաստման համար։ Օժտված են բարձր առաձգականությամբ և լավ օրթոպեդիկ ազդեցությամբ։ Օգտագործվում է զսպանակային բլոկերի հետ, համադրվում է լատեքսի, ձիու մազի հետ։
Բամբակյա մանրաթելեր
Ներքնակների համար օգտագործվող բամբակը մեր ճանաչած բամբակը չէ։ Այս նյութը հիանալի տաքացնող հատկություն ունի, ներքնակը դարձնում է առաձգական և հարմարավետ։ Օգտագործվում է զսպանակների բլոկների և լատեքսի հետ։
Հիշողության ազդեցությամբ նյութ
Այսպիսի լցանյութերը կարողանում են հիշել մարմնի ձևը։ Մի քանի վայրկյանում այսպիսի ներքնակները հիշում են ճնշման ձևն ու թույլ տալիս, որ ողնաշարը հանգիստ դիրքում լինի, իսկ մկանները՝ հանգստանան։ Այսպիսի նյութերից ամենահայտնին տեմպուրն է։
Հայաստանում արտադրվող Haybed բարձրորակ ներքնակներին ծանոթացեք այստեղ։
Մի՛ մոռացեք հետևել Haybed-ին նաև Facebook-ում և Instagram-ում, որպեսզի բաց չթողնեք մեր հոդվածներն ու հրապարակումները։
Source: https://www.kp.ru/guide/ortopedicheskie-matrasy.html?fbclid=IwAR2BOoCn3_rDADb1CUNucMIESbTJEqZ4_1v1abMnxoPoX-8EtjoYZ5rP95s
