Անկախ զսպանակներն ամերիկյան շուկայում հայտնվեցին շուրջ 100 տարի առաջ, որոնց գովազդում նկարվել էր հենց ինքը՝ ԱՄՆ-ի առաջին տիկին Էլեոնորա Ռուզվելտը։
Ժամանակի ընթացքում կատարելագործվելով՝ անկախ զսպանակների բլոկը դարձավ որակյալ և հուսալի ներքնակների կարևոր բաղադրամասը, որի առկայությունն ապահովում է հարմարավետ և առողջ հանգիստը։
Այսպիսով, ինչո՞ւմ է կայանում անկախ զսպանակներով ներքնակի առավելությունը։
Նախ դիտարկենք զսպանակային այս բլոկի կառուցվածքը․ անկախ զսպանակները պատրաստվում են ամուր մետաղալարից և առանձին-առանձին տեղադրվում են կտորե գրպանիկների մեջ։ Այդպիսով զսպանակներն առանձնանում են իրարից, և մի զսպանակի ճկվելը և սեղմվելը մյուսի վրա չի ազդում։
Հենց այս կառուցվածքից է բխում անկախ զսպանակային բլոկի օրթոպեդիկ բնույթը․ գրպանիկների մեջ տեղադրված զսպանակները առանձին-առանձին հարմարվում են մարդու մարմնի կորերին, երաշխավորում են ճիշտ աջակցություն մարմնի համապատասխան կետերին և կարողանում են կրել մարդու մարմնի զգալի մեծ ծավալներ։
Փորձով ապացուցված է, որ անկախ զսպանակային բլոկն ավելի դիմացկուն է։ Սա պայմանավորված է որակյալ մետաղալարերով և ինքնուրույն աշխատող զսպանակներով, որոնք չեն մաշում միմյանց։
Անկախ զսպանակներով ներքնակները խորհուրդ են տրվում երկտեղանոց մահճակալների համար, քանի որ զսպանակները իրար չեն հպվում, քնած ժամանակ շարժման ընթացքում ճռռոց չեն առաջացնում, իսկ զուգընկերները կարող են փոխել քնած դիրքը՝ առանց մյուսին անհանգստացնելու։
Ինչի՞ն ուշադրություն դարձնել անկախ զսպանակներով ներքնակ ընտրելիս
- Որպես կանոն որակյալ են համարվում այն մոդելները, որտեղ զսպանակների խտությունը մեկ քառակուսի մետրի վրա 200 հատից ավելի է։
- Անկախ զսպանակային բլոկով ներքնակի դիմացկունությունը պայմանավորված է նաև լցանյութով։ Եթե վերջինս շուտ մաշվի, ապա շատ արագ շարքից կհանի նաև ներքնակի զսպանակները։
- Անկախ զսպանակներով ներքնակների շուկայում նախապատվությունը ցանկալի է տալ փորձառու, լիցենզավորված արտադրողներին, որոնք կարող են երաշխավորել իրենց արտադրանքի որակը։
