Որքան էլ ուշադիր և զգույշ լինենք մեր ներքնակի նկատմամբ, միևնույն է, տարատեսակ պատահարները կարող են ժամանակի ընթացքում դրան շարքից հանել։ Նման դեպքերում ավելի հեշտ է կանխել ժամանակից շուտ մաշվելը, քան վերականգնել վերմակը։
Ինչպե՞ս կանխել ներքնակի մաշվելը
Գոյություն ունեն ներքնակը լավ պահպանելու մի քանի եղանակ, այդ թվում նաև ներքնակերեսը և տոպպերը։ Տոպպերը բարակ ներքնակ է, որը դրվելով ներքնակի վրա, հավելյալ փափկություն, առաձգականություն և օրթոպեդիկ հատկություններ է հաղորդում ներքնակին։
Ներքնակերեսն ավելի բարակ է տոպպերից։ Որպես կանոն կազմված է արտաքին գործվածքից և մեկ տեսակի բարակ լցանյութից (ուղտի բուրդ, սինտեպոն և այլն)։ Իր կիրառության պատմության ընթացքում ներքնակերեսն արդարացրել է իրեն որպես պրակտիկ և արդյունավետ անկողնային պարագա։ Ինչո՞ւ․
1․ Ներքնակերեսը ստեղծում է քնի համար հիգիենիկ պայմաններ
Միջատները ներքնակի և քնած մարդու ամենամեծ թշնամին են։ Մեկ անգամ հայտնվելով ներքնակի մեջ՝ դրանք մոռանում են այնտեղից դուրս գալու ճանապարհը։ Դրանք ներսից վնասում, ուտում են ներքնակի պարունակությունը, ապա դուրս գալով ներքնակի մակերեսին, սկսում են վնասել մարդու մաշկը և վտանգ ներկայացնել առողջության համար։
Շատ դեպքերում անգամ քիմմաքրումն անզոր է գտնվում միջատների դեմ։ Մինչդեռ ներքնակերեսը պատնեշ է ծառայում, որպեսզի դրանք չներթափանցեն ներքնակ և ալերգիկ ռեակցիաներ չառաջացնեն քնողների մոտ։ Ընդ որում, կարևոր է նկատել, որ ներքնակերեսը ոչ միայն չի թողնում, որպեսզի դրանք հայտնվեն ներքնակի մեջ, այլ նաև դրանց առկայության դեպքում չի թողնում, որպեսզի դուրս գան այնտեղից և վնասեն մաշկը։
2․ Ներքնակերեսը կանխում է ներքնակի մեջ խոնավության թափանցումը
Ներքնակը չոր պահելն իսկական մարտահրավեր է այնպիսի ընտանիքներում, որտեղ կա փոքրիկներ կամ հատուկ խնամքի կարիք ունեցող մեծահասակներ։ Խոնավությունը ոչ միայն տհաճ միջավայր է ստեղծում անկողնում քնելու համար, այլ նաև ներթափանցելով ներքնակ, շարքից հանում է նրա բաղադրիչները․ սպունգը թսկում է, կոկոսի և այլ տեսակի մանրաթելերը կպչում են իրար, կորցնում առաձգականությունը, իսկ զսպանակները սկսում են ճռռոց արձակել։
Այսպիսի դեպքերում օգնության է հասնում ներքնակերեսը։ Գոյություն ունեն ներքնակերեսներ, որոնց արտաքին կտորը անջրանցիկ է և չի թողնում, որպեսզի խոնավությունը հասնի ներքնակին։
3․ Այն հեշտ է խնամել
Ի տարբերություն ներքնակների և տոպպերների, որոնց անհրաժեշտ է պարբերաբար քիմմաքրման տանել, ներքնակերեսի խնամքը համեմատաբար ավելի հեշտ է։ Դրանք հնարավոր է լվանալ չոր մաքրման տարբերակով կամ լվացքի մեքենայով՝ նուրբ գործվածքների համար նախատեսված ծրագրով, 30°C աստիճան ջրով, ապա չորացնել չորանոցում կամ թեթևակի քամել և թողնել արևի տակ չորանալու։
