Երբ փոքրիկի ծննդին մնում է մի քանի ամիս, ծնողները սկսում են երկար սպասված առևտուրը, որը ներառում է խնամքի պարագաներ, հագուստ և որ ամենակարևորն է՝ անկողնային պարագաներ։
Ժամանակների փոփոխության հետ փոփոխվում են նաև մասնագետների և ծնողների վերաբերմունքը փոքրիկի անկողնային այս կամ այն պարագաների կիրառության և կարևորության նկատմամբ։ Շատ մասնագետներ և ծնողներ նախընտրում են երեխայի կյանքի առաջին ամիսներին բարձ չօգտագործել, բացառել «դոշակի» կիրառությունը՝ նախապատվություն տալով հարթ, օրթոպեդիկ ներքնակին։
Սակայն ժամանակների ու կարծիքների փոփոխությունը բացարձակապես չի ազդում փոքրիկների տարիքի հետ կապված ֆիզիոլոգիական առանձնահատկությունների վրա, և անկախ նրանից, թե ինչ բաղադրությամբ անկողին ենք ընտրել, երեխաները հաճախ են թրջում այն, ինչն էլ և՛ փոքրիկի, և՛ մայրիկի համար անհանգստության առիթ է դառնում։ Այս պարագայում օգնության են հասնում ջրակայուն ներքնակերեսները։
Ի՞նչ է մանկական ջրակայուն ներքնակերեսը
Մանկական ջրակայուն ներքնակերեսը սավան է, որի եզրերը ռետիները ժապավեններով ամրանում են ներքնակին և չեն տեղաշարժվում։ Արտաքին կտորը ամուր գործվածք է, իսկ մյուս երեսը պատրաստված է անջրանցիկ նյութից։
Որո՞նք են մանկական ներքնակերեսի առավելությունները
Ներքնակերեսի արտաքին գործվածքը սովորաբար պատրաստվում է բամբակից կամ հակաալերգիկ այլ նյութից։ Այն շփվում է փոքրիկի մաշկի հետ, ուստի կարևոր է, որ ալերգիկ ռեակցիաներ չառաջացնի, չգրգռի մաշկն ու չքտնեցնի։ Մյուս երեսը, ինչպես նշեցինք, անջրանցիկ է և կանխում է խոնավության ու քրտնքի թափանցումը ներքնակի մեջ։
Առհասարակ ներքնակ խնամելը դժվար է, ուստի ներքնակերեսի գործառույթներից մեկը նաև ներքնակը պահպանելն է արտաքին ազդեցությունից, օրինակ՝ խոնավությունից բացի նաև փոշուց։ Ներքնակերեսի կիրառման դեպքում ներքնակը մաքրելու առիթները նվազում են։ Ներքնակերեսը կարելի է լվանալ նաև լվացքի մեքենայի մեջ, մինչդեռ ներքնակն անհրաժեշտ է տանել քիմմաքրման։
Ինչպե՞ս ընտրել մանկական ներքնակերես
Ամենահաճախ հանդիպող սխալը, որ անում են ներքնակերես ընտրելիս, չափի սխալ ընտրությունն է։ Ներքնակերեսը չպետք է ո՛չ շատ մեծ լինի ներքնակից, ո՛չ էլ լինի կարճ։ Երեխաներն էլ մեծերի նման տեղաշարժվում են անկողնում, իսկ անհամապատասխան չափի ներքնակերեսները կարող եզրերից դուրս գալ, ծալքերի վերածվել՝ խանգարելով երեխայի քունը։ Այդ պատճառով խորհուրդ է տրվում ներքնակերեսը գնել ներքնակն ընտրելուց հետո։ Կարևոր է չափել ոչ միայն ներքնակի լայնությունն ու երկարությունը, այլ նաև բարձրությունը, որպեսզի ժապավենները կարողանան ամբողջությամբ ընդգրկել ներքնակի կողամասերը։
Ուշադրություն դարձրե՛ք ամրանալու ձևին։ Ռետինե ժապավենները և դրանց կարերը պետք է լինեն ամուր և ճկուն։
Անչափ կարևոր է նաև արտաքին կտորը, որն անպայման պետք է լինի բնական հումքից, որպեսզի երեխայի առողջությունը չվտանգվի։
Մանկական ներքնակերես կարող եք գտնել նաև Haybed-ի անկողնային պարագաների տեսականիում։
