Քնի որակից ու հարմար անկողնուց է մեծապես կախված մեր հաջորդ օրվա ինքնազգացողությունը, իսկ ճիշտ ընտրված բարձն այդ ամեն ինչի մեջ նույնքան մեծ դեր ունի, որքան ներքնակը և սպիտակեղենը։
Վերջին տասնամյակներում բարձերի պատրաստման մեջ լայնորեն սկսել է կիրառվել լատեքսը։ Այս լցանյութը բարձին հաղորդում է օրթոպեդիկ հատկություն, այն դարձնում հարմարավետ, առաձգական ու դիմացկուն։
Ի՞նչ տեսակների լատեքս է կիրառվում բարձերի պատրաստման մեջ և որոնք են դրանց առավելությունները
Բնական
Բնական լատեքսի ստացման աղբյուրը հևեա կոչվող ծառի հյութն է։ Այն ժամանակակից տեխնոլոգիաներով հատուկ մշակման ենթարկվելուց հետո վերածվում է լատեքսային ամուր փրփուրի։ Մեկ դույլ բնական լատեքս ստանալու համար անհրաժեշտ է 2-3 հևեայի ծառ, հետևաբար դա է պատճառը, որ այս լցանյութը բարձր արժեք ունի։
Բնական լատեքսի ծակոտկեն մակերեսը նպաստում է բարձի օդափոխությանը, կանխում է ջերմաստիճանի ու խոնավության աճը քնի ընթացքում։ Այս հատկությունների շնորհիվ է նաև, որ լատեքսից բարձերը չեն կլանում տհաճ հոտերն ու քրտինքը։
Բնական լատեքսն անբարենպաստ միջավայր է տարատեսակ բակտերիաների ու միջատների տարածման համար, ինչն էլ այս լցանյութը դարձնում է հակաալերգիկ և առողջության համար անվնաս։
Բնական լատեքսից բարձերն օգտագործման տեսանկյունից պրակտիկ ու հարմար են, քանի որ չունեն առանձնահատուկ խնամքի կարիք։
Արհեստական
Լատեքսի այս տեսակը ստացվում է քիմիական ճանապարհով։ Այն թեև իր հատկություններով որոշակիորեն մոտ է բնականին, սակայն իր երկարակեցությամբ զիջում է բնական լատեքսին և դրանով պայմանավորված ավելի ցածր արժեք ունի։
Թե՛ բնական, թե՛ արհեստական լատեքստն աչքի են ընկնում առաձգականությամբ, ինչն այս լցանյութից պատրաստված բարձերին հաղորդում է օրթոպեդիկ հատկություն։ Լատեքսից պատրաստված բարձերն օգնում են թուլացնել պարանոցի մկանների լարվածությունը, կարգավորում են արյան շրջանառությունը, կանխում գլխացավերը։
Haybed-ի անկողնային պարագաների տեսականու մեջ կարող եք հանդիպել բնական լատեքսից պատրաստված որակյալ բարձեր՝ Knobby, Standart 2Z, King, E Queen 2Z, S Japan։ Այս բարձերն աչքի են ընկնում ճկունությամբ ու դիմացկունությամբ։
