Նախորդ հոդվածում ձեզ էինք ներկայացրել, թե ինչ են օրթոպեդիկ ներքնակները։ Այս անգամ խոսելու ենք դրանց առավելություններից՝ ավելի մանրամասն։
Հաճախ սովորական ներքնակի վրա քնելը հանգեցնում է մի շարք հիվանդությունների և ողնաշարի թանկարժեք վիրահատությունների։ Բանն այն է, որ երբեմն խախտվում է ողնուղեղից կենսական կարևոր օրգաններ գնացող իմպուլսը։ Հետագայում արդեն կարող են գրանցվել արյան շրջանառության խանգարումներ։ Արդյունքում մարդը մոռանում է, թե ինչ է նշանակում ապրել առանց մշտական ցավերի և ինչ է հանգիստ քունը։
Օրթոպեդիկ և սովորական ներքնակների տարբերությունը նրանում է, որ օրթոպեդիկը կարող է էականորեն բարելավել կյանքի որակը՝ ազատելով հազար ու մի տեսակ ռիսկերից։ Օրթոպեդիկ ներքնակներն ունեն էրգոնոմիկ կառուցվածք, շնչող մակերես և ճիշտ ընտրված լցանյութ։
Օրթոպեդիկ ներքնակի վրա քնելու առավելությունները
Օրթոպեդիկ ներքնակները մշտապես կատարելագործվում են բժիշկ-օրթոպեդների ջանքերի շնորհիվ։ Հենց նրանք իրենց հաճախորդների խնդիրներն ուսումնասիրելով կարողանում են այնպիսի փոփոխություններ մտցնել ներքնակի կառուցվածքում և հետագա կատարելագործման հարցում, որ այդպիսի ներքնակների վրա քնելը դառնում է իսկական հաճույք։
Առաջարկում են ծանոթանալ այն առավելություններին, որն ընձեռում է օրթոպեդիկ ներքնակը.
Չընդհատվող քուն
Հետազոտությունները պարզել են, որ այն մարդիկ, ովքեր սովորական ներքնակը փոխարինել են օրթոպեդիկով, սկսել են ավելի լավ քնել։ Եթե նախկինում գիշերային քնի ընթացքում մարդը կարող էր 3-4 անգամ արթնանալ և վեր կենալ, ապա օրթոպեդիկ ներքնակի պարագայում մարդիկ քնում են մինչև առավոտ՝ առանց արթնանալու։ Հանգիստ քունն, անշուշտ, օրը լավ սկսելու ամենակարևոր գրավականներից է։
Աջակցություն ողնաշարին
Ողնաշարի վրա ծանրության ճիշտ բաշխման շնորհիվ օրթոպեդիկ ներքնակը կանխում են մեջքի լուրջ հիվանդությունները, այդ թվում՝ օստեոխոնդրոզը և աղակալումը։
Օրթոպեդիկ ազդեցություն
Նորարարական հատկությունների շնորհիվ քնի ժամանակ մարմինը ճիշտ, բնական դիրքում է լինում։ Սա օգնում է վերականգնել ուժերն ու լավ ինքնազգացողություն ունենալ։
Ազատում անքնությունից
Օրթոպեդիկ ներքնակի վրա քնելն օգնում է ազատվել ոչ միայն ֆիզիկական հիվանդություններից, այլ նաև նյարդաբանական խնդիրներից, այդ թվում՝ անքնությունից ու գլխացավից։ Հարմարավետ քնի շնորհիվ կարգավորվում է նաև արյան ճնշումը։
Հակաալերգիկ հատկություն
Մասնագետներն ալերգիկներին խորհուրդ են տալիս քնել օրթոպեդիկ ներքնակների վրա։ Սովորական ներքնակները ավելի շատ կլանում են փոշին ու խոնավությունը, իսկ օրթոպեդիկ ներքնակներն իրենց շնչող մակերեսի շնորհիվ չեն հավաքում փոշի ու ավելորդ խոնավություն։
Օրթոպեդիկ ներքնակների կարևոր հատկությունները կախված են ճիշտ լցանյութից։ Այն կարող է լինել արհեստական կամ բնական, հենց դրանով էլ առանձնահատուկ կլինի ներքնակի կառուցվածքն ու գինը։
