05/08/2025

Բամբակե անկողնային պարագաների առավելությունները

Основной

Գաղտնիք չէ, որ նյութը, որից պատրաստված են անկողնային պարագաները, անմիջականորեն ազդում է մեր քնի որակի վրա։ Բամբակը, որպես անկողնային պարագաների երեսպատման և միջուկի համար կիրառվող նյութ, ունի դարերի, եթե ոչ հազարամյակների պատմություն։ 

Այսօր բամբակի կիրառությունը ոչ միայն իր տեղը չի զիջում ավելի նորարարական նյութերին, այլ նաև համարվում է բավական թրենդային հումք և շուկայում ներկայանում է լայն տեսականիով։

Իսկ որո՞նք են բամբակե անկողնային պարագաների առավելությունները․

  1. Չնայած այն բանին, որ բամբակը բնական հումք է, այն շատ թանկարժեք չի։
  2.  Բամբակը հիպոալերգիկ նյութ է, այն բացառում է ալերգիկ ռեակցիաների առաջացումը՝ ապահովելով անհոգ ու առողջ քուն։
  3. Բամբակե գործվածքն աչքի է ընկնում դիմացկունությամբ և երկարակեցությամբ։ 
  4. Բամբակից պատրաստված անկողնային պարագաները հեշտ է խնամել։
  5. Այն լվանալուց հետո հեշտ է վերականգնում նախկին տեսքը և հեշտ է արդուկվում։
  6. Բամբակյա անկողինը օդանցանելի է, չի քրտնեցնում, այլ օգնում է, որպեսզի մաշկը քնած ժամանակ շնչի։
  7. Իր էկոլոգիապես մաքուր բնույթի շնորհիվ՝ այն խորհուրդ է տրվում նաև երեխաների անկողինների համար։

Իսկ ինչի՞ն ուշադրություն դարձնել բամբակե անկողնային պարագաներ գնելիս․

Չափսն այն կարևոր կետն է, որը պետք է հաշվի առնել ոչ միայն բամբակե, այլ ցանկացած հումքից անկողնային պարագա գնելիս։ Մենք առանձին հոդվածում խոսել ենք անկողնային պարագաների ընդունված չափսերի մասին, սակայն կարևոր է նկատել, որ յուրաքանչյուր արտադրողի մոտ չափերը կարող են տարբեր լինել, հետևաբար սխալներից խուսափելու համաև անհրաժեշտ է նախապես տանը չափել անկողինը։

Կարևոր է նաև պարագաների բաղադրության ստուգումը։ Շատ արտադրողներ բամբակե անկողնային պարագաների անվան տակ վաճառում են այնպիսի պարագաներ, որոնց բաղադրության մեջ բամբակի առկայությունը 70-80% է։ Նման դեպքերում ցանկալի է նախապատվությունը տալ 100% բամբակի բաղադրությամբ գործվածքներին, այլապես սինթետիկ գործվածքների դեպքում չենք կարող ակնկալել այն առավելությունները, որն ունի բամբակը։

Անկողնային պարագաներ գնելիս հարկավոր է ուշադրություն դարձնել նաև բուն գործվածքին։ 100% բամբակից պատրաստված գործվածքը աչքի է ընկնում խիտ բնույթով, լույսի դիմաց պահելիս այն չպետք է թափանցի։ Պետք է ուշադիր լինել նաև կարվածքին։ Գործվածքի եզրակարերը պետք է լինեն կոկիկ՝ առանց դուրս պրծած թելերի։

ПОДПИСАТЬСЯ НА РАССЫЛКИ

Подпишитесь на нашу рассылку, чтобы получать последние новости, обновления и акции каталога.

Error: Contact form not found.

КОРЗИНА
Wishlist