Մեր անհանգիստ քնի «մեղավորը» շատ հաճախ սխալ ընտրված բարձն է։ Երբեմն հենց բարձն է լինում պատճառը, որ արթնանում ենք արդեն հոգնած, վզի հատվածում ցավերով, գլխացավով, իսկ գիշերն էլ ոչ հաճելի երազներ ենք տեսնում։
Ո՞րն է այն գլխավոր գործառույթը, որ բարձը թերանում է կատարել և պատճառ է դառնում բազում անհարմարությունների։
Մեր կողքին շատերն են մտածում, թե բարձի կարևոր անելիքը գլխի տակ փափուկ ծավալ ապահովելն է, դեռ ավելին՝ հաճախ հրաժարվում են բարձից, իբր թե ողնաշարը չծռելու համար։ Այնինչ նման մոտեցումը իրականության հետ քիչ աղերսներ ունի։ Երբ մենք քնում ենք առանց բարձի, մեր ողնաշարը, վզի մկանները սկսում են լարվել, ինչն էլ տարաբնույթ անհանգստությունների առիթ է դառնում։ Իսկ միայն փափուկ բարձը չի լուծում որևէ այլ խնդիր, բացի փափուկ բարձ լինելուց։ Իզուր չէ, որ ժողովրդի մեջ «գլխի տակ փափուկ բարձ դնել» արտահայտությունը մոլորեցնելու հետ է ասոցացվում։
Բարձը լավագույնս կատարում է իր առջև դրված խնդիրները՝ օգնում է լիցքաթափվել, ազատվել ցավերից, եթե նրանում առկա է այնպիսի լցանյութ, ինչպիսին, օրինակ, հիշողության սպունգն է՝ memory foam:, որը կիրառելի է ոչ միայն բարձի, այլ նաև ներքնակների բաղադրության մեջ։
Հիշողության սպունգը՝ որպես լցանյութ, փափուկ է և առաձգական, սակայն նրա առավելությունները չեն սահմանափակվում միայն այս երկուսով։ Ընդունելով մարդու մարմնի ջերմությունն ու քաշը, այն ասես «հարմարվում» է նրա անհատական չափսերին, կորություններին, որի արդյունքում այս տեսակի բարձի վրա քնելը դառնում է հարմար և հաճելի։ Իսկ չօգտագործվելիս բարձը նորից վերադառնում է իր նախկին տեսքին։
Այս տեսակի լցանյութով բարձերը ոչ միայն հարմար են վզի և ողնաշարի հատվածում գանգատներ ունեցողներին, այլ օգնում են նաև կանխել այդ շրջանում որևէ անհարմարություն։ Իր հարմարվող հատկության շնորհիվ՝ հիշողության սպունգով բարձը չի սեղմում անոթները, ինչի արդյունքում արյան շրջանառությունը տեղի է ունենում կանոնավոր՝ առանց գլխացավի կամ այլ խնդիրների հանգելու։ Դեռ ավելին՝ այդ հարմարավետությունն օգնում է նաև խռմփոցի վերացմանը։
Ողնաշարային ցավերի, գլխացավերի պատճառ կարող է լինել նաև նստակյաց առօրյան։ Երբ մենք քիչ ենք շարժվում օրվա ընթացքում, արյունը չի շրջանառվում այնպես, ինչպես պետք է։ Նույնը վերաբերում է նաև անկողնային ռեժիմով ապրող մարդկանց։ Ուստի օրթոպեդիկ հատկություններով այս տեսակի բարձը կարող է և՛ կանխել հետագա պաթոլոգիաները, և՛ օգնել թոթափելու լարվածությունը, ցավերը և այլն:
Կախված այն բանից, թե ինչ դիրքով եք սովորաբար քնում, կարող եք ընտրել հիշողության սպունգով համապատասխան ձևի բարձ։ Օրինակ, եթե նախընտրում եք քնել մեջքի վրա, ապա ուղղանկյուն բարձերն են լավագույնս կրում գլխի, վզի ու ողնաշարի ձևը, օգնում հանգստանալ։ Իսկ ահա կողքի վրա քնողների համար ցանկալի է ընտրել այնպիսի բարձ, որը հատուկ կորություն, թեքություն ունի՝ նախատեսված ուսի համար։
Հիշողության սպունգով բարձ կարելի է ընտրել ոչ միայն քնելու, այլ նաև ճամփորդելու, աշխատանքի վայրում հենվելու համար։
Տարբեր լցանյութերով բարձերի Haybed-ի լայն տեսականուն ծանոթացե՛ք մեր կայքում։
