Ներքնակից եկող տհաճ հոտերը այն խնդիրն են, որին կարելի է բախվել թե՛ ներքնակը նոր գնած ժամանակ, թե՛ այն տևական ժամանակ օգտագործելուց հետո։ Եվ երբ պարբերաբար օդափոխումն անգամ խնդրին լուծում չի տալիս, ուրեմն անհրաժեշտ է նախ հասկանալ դրանց պատճառը։
Որո՞նք են ներքնակից եկող տհաճ պատճառները․
Երբ տհաճ հոտը գալիս է բոլորովին նոր գնած ներքնակից, ուրեմն ամենայն հավանականությամբ պատճառը սոսինձն է, որը չի կիրառվել է ըստ ցուցումների։ Առհասարակ, եթե ներքնակի պատրաստման մեջ կիրառվել է սոսինձ, անհրաժեշտ է 2-5 օր, մինչև այն չորանա, և ներքնակը պատրաստ կլինի կիրառման։ Ուստի եթե պատվիրում եք ներքնակը, մի՛ շտապեք այն պատրաստ լինելուն պես բերել տուն։ Կարող եք դիմել արտադրողին, որպեսզի չորացման ժամանակահատվածն այն անցկանցի պահեստում, այսպիսով կխուսափեք սոսնձի կամ նրանում առկա այլ քիմիական նյութերի հոտերից։
Ոչ այնքան հաճելի հոտերի կարող ենք բախվել նաև այն դեպքում, երբ ներքնակը պատվիրում ենք մեկ այլ երկրից։ Երբ ներքնակի բեռնափոխադրումը տևելու է երկար ժամանակ, արտադրողները նրա մեջ հոտավետ հավելյալ նյութեր են ավելացնում, որպեսզի ներքնակները փակ տարածության մեջ չխոնավանան և չվնասվեն։ Սակայն այս հոտերը ևս ճանապարհի և ժամանակի ընթացքում փոփոխվում են և մեզ հասնելիս արդեն դառնում են ոչ հաճելի։ Նման խնդրից խուսափելու համար նախընտրելի է ներքնակներ պատվիրել տեղական արտադրողին։
Երբ տևական ժամանակ կիրառվող ներքնակից տհաճ հոտ է սկսում գալ, պատճառը կարող է լինել նրանում կուտակված փոշին կամ ներքնակում առկա բնական լցանյութը, օրինակ՝ լատեքսը։ Թեև բնական լցանյութերի առավելություններն անքննելի են, այնուհանդերձ, դրանք հատկություն ունեն հնանալու, իրենց մեջ մանրէներ հավաքելու, ինչն էլ տհաճ հոտերի պատճառ կարող է դառնալ։
Շատ հաճախ ներքնակից եկող տհաճ հոտի պատճառը մարդկային քրտինքն է, իսկ փոքր երեխաների և հատուկ խնամքի կարիք ունեցող հիվանդների դեպքում նաև՝ բնական կարիքները։ Այս ամենը ժամանակի ընթացքում ներծծվելով ներքնակի մեջ առաջացնում է ոչ դուրեկան հոտ, որը խանգարում է նաև քնին։
Թվարկած բոլոր պատճառները ու հետևանքները նախընտրելի է վերացնել հատուկ քիմմաքրման միջոցով, որպեսզի ներքնակի կառուցվածքն ու արտաքին տեսքը չխաթարվի։
Եթե ներքնակի տհաճ հոտերը գործարանային չեն, ապա ժամանակի ընթացքում դրանց հնարավոր առաջացումը կարելի է կանխել պարբերաբար օդափոխելով և ներքնակերեսի կիրառությամբ։ Վերջիններս պաշտպանում են մեր ներքնակը փոշուց ու կեղտից, իսկ մեզ՝ բակտերիաներից։ Գոյություն ունեն նաև անջրանցիկ ներքնակերեսներ, որոնց գործածությունը շատ կարևոր է փոքրիկների և որոշ հիվանդություններ կրող մեծահասակների դեպքերում։
