+374 41 711 117

ԻՆՉՊԵՍ ՉՍԽԱԼՎԵԼ ԲԱՐՁ ԸՆՏՐԵԼԻՍ

Լավ բարձը հնարավորություն է տալիս լավ քնել, քանի որ գլուխն ու պարանոցը պահում է ճիշտ դիրքում։ Մկանները թուլանում և հանգստանում են։ Վատ բարձից սկսում են ցավերը։ Պարանոցի ոչ հաճելի ցավին շատ մարդիկ են ծանոթ։ Որոշ դեպքերում ցավի պատճառը հիվանդությունն է, սակայն հաճախ խնդիրը վատ բարձը կամ էլ ներքնակն է։

Ամբողջ գիշեր մկանները ձգված են լինում, իսկ առավոտյան զգում եք դրանց ցավը։ Այս խնդիրը կարելի է հեշտությամբ լուծել՝ գնելով օրթոպեդիկ բարձ։ Եթե բարձը փոխելուց հետո դարձյալ պարանոցի շրջանում շարունակում եք ցավ զգալ, անհրաժեշտ է դիմել բժշկի` հետազոտվելու համար։

Առաջարկում ենք ծանոթանալ մի քանի օգտակար խորհրդի, որոնք կօգնեն ձեզ բարձերի ընտրության և պարանոցի ցավերը վերացնելու հարցերում։

1. Անհրաժեշտ է ժամանակ առ ժամանակ փոխել բարձը

Մարդկանց մեծամասնությունը բարձը փոխում է մի քանի տասնամյակը մեկ, խոստովանեք, որ կա նման բան։ Տեղից տեղ տեղափոխվելիս, վերանորոգումից, նոր կահույք գնելուց հետո բարձին կամ ներքնակին հաճախ հերթ չի հասնում։ Սա սխալ մոտեցում է, անհրաժեշտ է բարձերը գոնե 5-7 տարին մեկ փոխել, գնել լրիվ նորը։ Նույնիսկ ամենաորակյալ բարձերը տարիների ընթացքում փոխում են իրենց ձևը, գույնը։ Օրինակ՝ բմբուլով բարձերը ժամանակի ընթացքում այլևս այդպես փքված չեն լինում, ինչպես նոր վիճակում էին։

2. Հոտ քաշեք բարձից

Ժամանակ առ ժամանակ հոտ քաշեք հենց բարձից, եթե հոտը տհաճ է, նշանակում է, որ այնտեղ միկրոբների նեխման պրոցես է ընթանում։ Դրանք բարձի մեջ են հայտնվում գլխամաշկի հետ շփումից կամ էլ փոշու հետ, որը կա նույնիսկ ամենամաքուր սենյակում։ Եթե զգում եք տհաճ հոտ, մի փորձեք բարձը լվանալ կամ քիմմաքրման հանձնել։ Ուղղակի հրաժարվեք դրանից, ձեր առողջությունն ավելի կարևոր է։

Որ բարձերն են օգտակար քնի համար

Իդեալական բարձը՝

1. պահում է ձեր գլուխն ու պարանոցը ճիշտ դիրքում,
2. հաճելի է հպվելիս
3. հակաալերգիկ է
4. ունի պահպանիչ պատյան, որը հեշտությամբ լվացվում է
5. Հիշողության ազդեցություն ունի ու արագ ընդունում է ձեր մարմնի ձևը


Առողջության համար վտանգավոր են այն բարձերը՝

1. Որոնք օգտագործում եք արդեն 10 տարի
2. Կեղտոտ են
3. Տհաճ հոտ ունեն
4. Չեն պահում ձևը
5. Չափից դուրս կոշտ կամ փափուկ են
6. Չունեն պաշտպանիչ պատյան

Լցանյութը

Լցանյութը բարձի հիմքն է։ Դրա շնորհիվ բարձն ունի հստակ կոշտություն, պահում է ձևը, օժտված է մի շարք այլ հատկություններով։ Բարձի լցանյութը կարող է լինել բնական և արհեստական։ Հաճախ օգտագործում են բմբուլ, փետուր, բուրդ, բամբուկ, սինթետիկ լցանյութ, լատեքս և այլ նյութեր։ Կարևորը լցանյութից ալերգիա չունենալն է։

Haybed-ում կարող եք գտնել ամենաորակյալ բարձերի մեծ տեսականի։ Դրանց մանրամասներին կարող եք ծանոթանալ այստեղ։

Մի՛ մոռացեք հետևել Haybed-ին նաև Facebook-ում և Instagram-ում, որպեսզի բաց չթողնեք մեր հոդվածներն ու հրապարակումները։

5 ԿԱՐԵՎՈՐ ԿԱՆՈՆ ԱՄՈՒՐ ՔՆԻ ՀԱՄԱՐ

Քունը կարևոր է ներքին օրգանների ճիշտ աշխատանքի, նյարդային համակարգի հանգստացման, ինչպես նաև թարմացած արտաքին ունենալու համար։

13 09 2019

ԱՌՈՂՋ ՔՈՒՆ. ԿԱՐԾՐԱՏԻՊԵՐ ՈՒ ԻՐԱԿԱՆՈՒԹՅՈՒՆ

Առողջ քնի հետ կապված տարատեսակ կարծրատիպեր կան, բայց դրանցից ոչ բոլորն են իրական։

10 09 2019

ԻՆՉ Է ՕՐԹՈՊԵԴԻԿ ՆԵՐՔՆԱԿԸ

Օրթոպեդիկ է համարվում այն կոնստրուկցիան, որը կարողանում է ճիշտ պահել ողնաշարի սյունն ու օրգանիզմին թույլ է տալիս առավելագույնս հանգստանալ։

25 08 2019