+374 41 711 117

ՆԵՐՔՆԱԿ ՀՅՈՒՐԱՆՈՑԻ ՀԱՄԱՐ

Որքան էլ բարձրակարգ լինի հյուրանոցը, միևնույնն է, եթե մահճակալը բավականաչափ հարմարավետ չի եղել, և այցելուն իր վճարած գումարի դիմաց չի ստացել իր ցանկալի հանգիստը, դեռ ավելին, հաջորդ օրն էլ նրան անհանգստացրել են վզի և ողնաշարի շրջանում ցավերը, ուրեմն վատ արձագանքները ձեր հյուրանոցի վերաբերյալ պատրաստ են։ Ուստի ձեր հյուրանոցի համար լավ հեղինակություն ապահովելու ամենակարճ ճանապարհներից մեկը ձեր հյուրերի լավ գիշերային հանգիստն է։

Հյուրանոցի համար ներքնակի ընտրությունն այդքան էլ հեշտ չէ․ այստեղ երբեմն կարիք է լինում ընտրել գին և որակ լավագույն հարաբերակցությունը՝ միևնույն ժամանակ տուրք տալով հնարավորինս ունիվերսալ ներքնակներին, որոնք պետք է հարմարավետ լինեն ամենատարբեր ծանրության և պահանջմունքներով այցելուների համար:

Ի՞նչ ներքնակ ընտրել սեղմ բյուջեով հյուրանոցի պայմաններում

Փոքր բյուջե ունեցող հյուրանոցների և հյուրատների համար հարմար և մատչելի տարբերակ կարող են լինել առանց զսպանակների և Bonnell կապակցված զսպանակներով ներքնակները։

Առանց զսպանակների ներքնակների դեպքում կարևոր է դիմացկուն լցանյութը, օրինակ՝ պենոպոլիուրետանը, որը ունի չափավոր անատոմիական էֆեկտ և չի դառնում տարատեսակ միջատների կացարան՝ առաջացնելով ալերգիկ ռեակցիաներ։

Կապակցված զսպանակներով ներքնակների մեջ նախընտրելի են միջին կոշտության ներքնակները, որոնք երկու կողմից ունեն ամենաքիչը 2սմ պաշտպանիչ շերտ և ամուր լցանյութեր (թաղիք, պենոպոլիուրետան և այլն)։

Ինչ վերաբերում է բարձրակարգ հյուրանոցներին, ապա այստեղ ընտրությունը կայացվում է օրթոպեդիկ ներքնակների օգտին, որոնք ապահովում են առավելագույն հանգիստ և որպես այդպիսին, ավելի թանկ արժեն։ Այստեղ կարևոր է, որ անկախ զսպանակների բլոկի և լցանյութի միջև առկա լինի հավելյալ, մեկուսիչ շերտ, որը չի թողնի, որպեսզի ներքնակը շուտ մաշվի։

3 խորհուրդ, որոնք կօգնեն հյուրանոցի ճիշտ ներքնակի ընտրության և պահպանության հարցում

1․ Ձե՛ռք բերեք երկկողմանի ներքնակներ։ Դրանք պարբերաբար շրջելով ոչ միայն կարող եք զգալիորեն երկարացնել ներքնակի կյանքը, այլ նաև փոխել ներքնակի կոշտության չափը, եթե այն չի բավարարում այցելուին։
2․ Կիրառե՛ք ներքնավերմակ։ Այն զերծ կպահի ներքնակը փոշուց ու կեղտից, իսկ այցելուի համար կստեղծի իր ցանկալի կոշտությամբ  հիպոալորգեն քնի միջավայր։ Թե ինչ ներքավերմակ ընտրել, կարդացե՛ք մեր հրապարակման մեջ։
3․ Ներքնակի ընտրության հարցում կարևորություն տվեք դրա հրակայունությանը։ Մասնագետները պատվերի դեպքում ներքնակների ծածկաշապիկները պատրաստում են հատուկ հրակայուն նյութից, որոնք միևնույն ժամանակ անվտանգ են քնած մարդու առողջության համար։

Մի՛ մոռացեք հետևել Haybed-ին նաև Facebook-ում և Instagram-ում, որպեսզի բաց չթողնեք մեր հոդվածներն ու հրապարակումները։

ԱՐԴՅՈՔ ՆԵՐՔՆԱԿԸ ՓՈԽԵԼՈՒ ԺԱՄԱՆԱԿՆ Է

Ընդհանուր ներքնակի կյանքի միջին տևողությունը մեծապես կախված է նրա առանձին բաղադրամասերի կյանքի միջին տևողությունից։

28 12 2020

ԻՆՉ Է ՀԻՇՈՂՈՒԹՅԱՆ ՍՊՈՒՆԳԸ ԵՎ ԻՆՉ ԱՌԱՎԵԼՈՒԹՅՈՒՆՆԵՐ ՈՒՆԻ

Ի սկզբանե հիշողության սպունգով անկողնային պարագաները պատրաստվում էին միմիայն բուժհաստատություններում կիրառելու համար։

21 12 2020

ՆԵՐՔՆԱԿԻ ԼՑԱՆՅՈՒԹԵՐԻ ՏԵՍԱԿՆԵՐԸ

Լցանյութով են պայմանավորված ոչ միայն ներքնակի հուսալիությունը, ամրությունը և փափկությունը կամ կոշտությունը, այլ նաև մեր առողջ քունը, քանզի լցանյութի բաղադրությունը կարող է որոշիչ ազդեցություն ունենալ մեր առողջության և ինքնազգացողության վրա։

08 12 2020