+374 41 711 117

ԻՆՉՊԻՍԻ ՆԵՐՔՆԱԿ ԸՆՏՐԵԼ ՏԱՐԵՑՆԵՐԻ ՀԱՄԱՐ

Առողջ քունը կարևոր է յուրաքանչյուր տարիքում, և լավ, որակյալ ներքնակը հոգում է, որպեսզի մեր ողնաշարը լինի հարմար դիրքում, իսկ մարմինը լիցքաթափվի քնի ընթացքում։ Չնայած, որ ճիշտ ներքնակի ընտրությունը կարևոր է բոլոր տարիքի մարդկանց համար, այնուհանդերձ երեխաների և տարեցների համար ներքնակի ընտրությանը պետք է տալ առավել նշանակություն։ Բանն այն է, որ երեխաների ողնաշարը դեռ ամբողջովին չի ձևավորվել, իսկ ճիշտ ներքնակը կօգնի, որպեսզի այն ճիշտ և ուղիղ ձևավորվի։ Այս թեմային մենք անդրադարձել ենք մեր «Ընտրում ենք մանկական ներքնակ՝ ըստ տարիքի» հրապարակման մեջ։

Տարեց մարդկանց դեպքում ողնաշարն, իհարկե, ձևավորված է, բայց տարիքի հետ կարող են առաջ գալ տարբեր պաթոլոգիաներ, որոնք կարող են գիշերվա ընթացքում մեջքի ցավերի և անքնության պատճառ դառնալ։

50-ից հետո մկանները սկսում են կորցնել իրենց առաձգականությունը, դժվարանում է արյան շրջանառությունը։ Հոդերը դառնում են առավել զգայուն և հաճախակիանում են հոդացավերը, զարգանում է արթրիտը կամ օստեոխոնդրոզը։ Այս անհանգստությունները ստիպում են քնի ժամանակ տարեց մարդկանց հաճախ տեղաշարժվել՝ փնտրելու քնի ավելի հարմար դիրք։ Այդ պատճառով խորհուրդ է տրվում ընտրել օրթոպեդիկ ներքնակներ, որոնք կօգնեն, որ ողնաշարի կետերը գտնվեն ճիշտ դիրքի վրա։

Դիտարկեք տարեց մարդկանց համար ներքնակի ընտրության 3 կարևոր նախապայման․

Հիմք

Շուկայում վաճառվում են ամենատարբեր հիմքով ներքնակներ՝ առանց զսպանակներ, կապակցված զսպանակներով կամ առանձին զսպանակներով։ Սրանցից յուրաքանչյուրն ունի իր առավելությունները և ստեղծված է կոնկրետ պահանջներ բավարարելու համար։ Տարեց մարդկանց համար նախընտրելի է ընտրությունը կայացնել հօգուտ առանձին զսպանակներով ներքնակների։ Դրանք առանձին գրպանիկների մեջ տեղադրված զսպանակներ են, որոնցից յուրաքանյուրը ճկվում է ինքնուրույն, առանց կողքի զսպանակի օգնության։ 
Այս տեխնոլոգիան զերծ է պահում կտրուկ շարժումներից և ճռռոցից։

Լցանյութ

Ժամանակակից ներքնակներն իրենց կազմության մեջ ունեն ամենատարբեր լցանյութեր՝ ամենատարբեր բուժիչ հատկություններով։ Լցանյութը տեղադրվում է ներքնակի կազմության վերին շերտում և անմիջապես ազդում է մարմնի և քնի որակի վրա։ Նախընտրելի է ընտրել բնական լատեքսի և հիշողության սպունգի լցանյութով ներքնակներ։ Բնական լատեքսը ունի բարձր առաձգականություն, հակաալերգիկ է և ունի ջերմակարգավորող հատկություն։ Իսկ հիշողության սպունգը ընդունում է քնած մարդու մարմնի ձևը, օգնում ամբողջովին թուլանալ և լավ քնել։

Կոշտություն

Այս պարագայում ամենաօպտիմալը ցածր և միջինից ցածր կոշտության ներքնակներն են։ Ինչպես նշեցինք, տարիքի հետ մկանները կորցնում են իրենց առաձգականությունը, ոսկորները՝ ամրությունը, և կոշտ ներքնակը կարող է հավելյալ ցավեր առաջացնել։ Իհարկե, կան հիվանդություններ, որոնց համար, հնարավոր է, հատուկ կոշտության ներքնակ ցուցված լինի։ Նման դեպքերում ճիշտ կլինի խորհրդակցել բժշկի հետ։

Մի՛ մոռացեք հետևել Haybed-ին նաև Facebook-ում և Instagram-ում, որպեսզի բաց չթողնեք մեր հոդվածներն ու հրապարակումները։

ԻՆՉՊԵՍ ՉՓՉԱՑՆԵԼ ՆԵՐՔՆԱԿԸ․ 8 ԱՄԵՆԱՏԱՐԱԾՎԱԾ ՍԽԱԼՆԵՐԸ

Կան որոշ գործողություններ, որոնց կատարման պարագայում կարող եք ջուրը գցել ձեր ծախսած գումարը ու, իհարկե, հենց ներքնակը։

19 07 2020

9 ԽՈՐՀՈՒՐԴ ՔՈՒՆԸ ԿԱՐԳԱՎՈՐԵԼՈՒ ՀԱՄԱՐ

Առողջ մարմինը, հանգիստ մաշկը վկայում են, որ ձեր քունը լիարժեք է ու դուք իսկապես հանգստացել եք։ Ցավոք սրտի, մեզնից ոչ ոք ապահովագրված չէ, որ սթրեսի, ծանր աշխատանքի կամ այլ հանգամանքների բերումով չի խախտվի քնի ռեժիմը։

29 07 2020

ԲՆԱԿԱՆ ԹԵ ԱՐՀԵՍՏԱԿԱՆ ԼԱՏԵՔՍ․ ԻՆՉՊԵՍ ԿՈՂՄՆՈՐՈՇՎԵԼ

Haybed ներքնակներում օգտագործվում է բացառապես բնական լատեքս։ Այնուամենայնիվ, արհեստական լատեքսը նույնպես լայնորեն կիրառվում է ներքնակներում։

30 03 2020