+374 41 711 117

ԻՆՉ Է ՀԻՇՈՂՈՒԹՅԱՆ ՍՊՈՒՆԳԸ ԵՎ ԻՆՉ ԱՌԱՎԵԼՈՒԹՅՈՒՆՆԵՐ ՈՒՆԻ

Հիշողության սպունգ կամ Memory foam կոչվող հետաքրքիր լցանյութը մշակվել է 1966 թվականին NASA-յի լաբորատորիաներում՝ տիեզերանավի թռիչքի և վայրէջքի ժամանակ տիեզերագնացների մարմնի վրա գրավիտացիոն ուժերի բացասական ազդեցությունը նվազեցնելու համար։ Հետագայում այս տեխնոլոգիան գնեց շվեդական մի ընկերություն, որն էլ գիտնականների և առողջապահության ոլորտի մասնագետների հետ մշակեց և կատարելագործեց այն՝ հասանելի դարձնելով «երկրաբնակների» համար։

Ի սկզբանե հիշողության սպունգով անկողնային պարագաները պատրաստվում էին միմիայն բուժհաստատություններում կիրառելու համար, սակայն այսօր արդեն այս լցանյութն ունի ամենօրյա կիրառություն և օգտագործվում է ինչպես անկողնային պարագաների՝ ներքնակների և բարձերի, այնպես էլ փափուկ կահույքի բաղադրության մեջ։


Ի՞նչ է իրենից ներկայացնում հիշողության սպունգը

Հիշողության սպունգը կամ օրթոպեդիկ փրփուրը հատուկ տեխնոլոգիայի միջոցով փրփրված պոլիուրետան է: Այն բավականին խիտ նյութ է նուրբ ցանցի կառուցվածքով և գնդաձև բաց ծակոտիներով: Որքան բարձր է խտության ցուցանիշը, այնքան բարձրորակ և ամուր կլինի պատրաստի արտադրանքը: 

Քանի որ հիշողության սպունգի արտադրության մեջ չեն կիրառվում քիմիական ներկեր և ծանր մետաղներ, այն ապահով է մարդու առողջության և շրջակա միջավայրի համար։

Ի՞նչ առավելություններ ունի հիշողության սպունգը։

Իր ծակոտկեն մակերեսի շնորհիվ հիշողության սպունգը ջերմության և մարդու քաշի ազդեցության տակ հեշտությամբ ստանում է մարմնի ձևը, կրկնում նրա կորագծերը, իսկ մակերեսի վրա ճնշումը դադարեցնելուց հետո վայրկյանների ընթացքում վերականգնում է իր նախկին ձևը։ 

Թվարկենք մի շարք կարևոր առավելություններ, որոնք եզակի են դարձնում հիշողության սպունգ լցանյութը․

- Իր ճկուն մակերեսի շնորհիվ այս նյութը հանգստի ժամանակ ծանրության զգացողություն չի առաջացնում, հենաշարժողական համակարգի ծանրաբեռնվածությունը հավասար է բաշխում իր մակերեսի վրա, որը նպաստում է արյան շրջանառության և նյութափոխանակության բարելավմանը։ 

- Մասնագետները ներքնակներում այս լցանյութի կիրառությունը  խորհուրդ են տալիս հետվիրահատական բարդությունների, արթրիտի, ռևմատիզմի, մեջքի ցավերի, ընդհուպ մինչև խռմփոցի հետ կապված խնդիրների դեպքում։ 

- Իր հիպոալերգեն հատկության շնորհիվ անփոխարինելի է երեխաների և ալերգիկ հակումներ ունեցող անձանց համար։

- Բարձրորակ հումքից պատրաստման դեպքում այն կարող է ծառայել տասնյակ տարիներ և չկորցնել իր առաձգականությունը։

Ի թիվս այլ առավելությունների՝ հիշողության սպունգը առանձնապես խնամքի կարիք չունի, որովհետև իր խտության շնորհիվ փոշի կամ խոնավություն չի կլանում և ապահովում է առողջ և հարմարավետ քուն։

Մի՛ մոռացեք հետևել Haybed-ին նաև Facebook-ում և Instagram-ում, որպեսզի բաց չթողնեք մեր հոդվածներն ու հրապարակումները։

ՆԵՐՔՆԱԿԻ ԼՑԱՆՅՈՒԹԵՐԻ ՏԵՍԱԿՆԵՐԸ

Լցանյութով են պայմանավորված ոչ միայն ներքնակի հուսալիությունը, ամրությունը և փափկությունը կամ կոշտությունը, այլ նաև մեր առողջ քունը, քանզի լցանյութի բաղադրությունը կարող է որոշիչ ազդեցություն ունենալ մեր առողջության և ինքնազգացողության վրա։

08 12 2020

BONNELL ԶՍՊԱՆԱԿՆԵՐԻ ԱՌԱՆՁՆԱՀԱՏԿՈՒԹՅՈՒՆՆԵՐԸ

Bonnell զսպանակները համարվում են աշխարհում ամենատարածված զսպանակները, որոնց պատմությունը սկսվել է դեռևս 150 տարի առաջ։

30 11 2020

ԻՆՉ ՆԵՐՔՆԱԿ ԸՆՏՐԵԼ, ԵԹԵ ՈՒՆԵՔ ԱԼԵՐԳԻԿ ՀԱԿՈՒՄՆԵՐ

Առհասարակ ալերգիան անհատական բնույթ ունի, և դրա պատճառ կարող է դառնալ ցանկացած նյութ։ Ուստի նախ և առաջ պետք է պարզել ալերգիայի պատճառը, որպեսզի ներքնակի ընտրության հարցում խուսափենք ներքնակի կազմության մեջ հենց այդ նյութի առկայությունից։

15 11 2020