+374 41 711 117

ՄԻԱԿՈՂՄԱՆԻ ԹԵ ԵՐԿԿՈՂՄԱՆԻ ՆԵՐՔՆԱԿ

Ներքնակների շուկան բազմազան է․ ներքնակները տարբերվում են իրենց կազմությամբ, նշանակությամբ, չափով և այլն։ Այդ բազմության մեջ առանձնանում են նաև միակողմանի և երկկողմանի ներքնակները։

Ի՞նչ տարբերություն կա միակողմանի և երկկողմանի ներքնակների միջև, և ո՞ւմ են խորհուրդ տրվում ներքնակների տվյալ տեսակները։

Միակողմանի ներքնակները ունեն քնելու միայն մի կողմ։ Դրանք բարձր չեն և համեմատաբար բարձր արժեք չունեն։ Երկկողմանի ներքնակները երկու երեսից ունեն նյութերի գրեթե հավասարաչափ կառուցվածք, ինչը թույլ է տալիս վայելել հարմարավետ քունը՝ անկախ այն բանից, թե որ կողմի վրա է շրջած ներքնակը։ Սակայն սա չի նշանակում, որ երկկողմանի ներքնակը ամենալավ տարբերակն է օգտագործողների մեծամասնության համար։ Եկեք առանձին-առանձին դիտարկենք յուրաքանչյուր տեսակի առանձնահատկությունները։

Միակողմանի ներքնակներ

Միակողմանի ներքնակը իհարկե համեմատաբար ցածր արժեք ունի, քան երկկողմանին։ Սա, թերևս, միակողմանիի կարևոր առավելություններից մեկն է։ Մյուս հարցերում միակողմանին, կարելի է ասել, գրեթե չի զիջում երկկողմանիին։ Միակողմանի ներքնակները ևս իրենց կազմությամբ լինում են օրթոպեդիկ, զսպանականավոր կամ առանց զսպանակների, ունեն այնպիսի լցանյութեր, որոնք չեն առաջացնում ալերգիկ ռեակցիաներ, օդափոխվում են՝ ապահովելով առողջ և հարմարավետ քուն։

Միակողմանիները որպես կանոն բարձր չեն, քանի որ շերտերի քանակով զիջում են երկկողմանի ներքնակներին, ուստի հարմար տարբերակ են ցածր բարձրություն ունեցող մահճակալների համար։

Երկկողմանի ներքնակներ

Երկկողմանի ներքնակների դեպքում կողմերը՝ ներքնակի երեսները կարող են ունենալ տարբեր կոշտություն։ Այդ կերպ կարող եք փորձարկել և ընտրել ձեզ ամենահարմար կոշտությունը։ Սա հատկապես լավ տարբերակ է հղի կանանց համար, որոնց առանձին փափկության ներքնակներ են անհրաժեշտ։

Երկկողմանի ներքնակները լինում են նաև «ամառ-ձմեռ» տեսակի, որոնց յուրաքանչյուր կողմը՝ պայմանավորված իր լցանյութով, ունի ջերմամեկուսացման տարբեր աստիճաններ և ֆունցկիաներ՝ ձմեռը ջերմացնող, իսկ ամռանը՝ զովացնող:

Երկկողմանի ներքնակները կոչված են ավելի երկար ծառայելու, քանի որ ներքնակի երկու երեսները հավասարաչափ օգտագործելու դեպքում դրանք ավելի ուշ են մաշվում։ Սակայն պրեմիում դասի միակողմանի ներքնակները ևս, շնորհիվ իրենց որակյալ զսպանակների, լցանյութի և մթելի, իրենց երկարակեցությամբ կարող են չզիջել երկկողմանիներին և հանգիստ և առողջ քուն պարգևել ձեզ երկար տարիներ։

Մի՛ մոռացեք հետևել Haybed-ին նաև Facebook-ում և Instagram-ում, որպեսզի բաց չթողնեք մեր հոդվածներն ու հրապարակումները։

ԻՆՉ ՆԵՐՔՆԱԿ ԸՆՏՐԵԼ, ԵԹԵ ՈՒՆԵՔ ԱԼԵՐԳԻԿ ՀԱԿՈՒՄՆԵՐ

Առհասարակ ալերգիան անհատական բնույթ ունի, և դրա պատճառ կարող է դառնալ ցանկացած նյութ։ Ուստի նախ և առաջ պետք է պարզել ալերգիայի պատճառը, որպեսզի ներքնակի ընտրության հարցում խուսափենք ներքնակի կազմության մեջ հենց այդ նյութի առկայությունից։

15 11 2020

ՕՐԹՈՊԵԴԻԿ ՆԵՐՔՆԱԿՆԵՐԻ ՏԵՍԱԿՆԵՐԸ

Օրթոպեդիկ ներքնակները քնի ընթացքում ապահովում են ողնաշարի ճիշտ դիրքը։ Դրանց առավելությունների մասին կարդացեք մեր նախկին հոդվածում։ Առաջարկում ենք ծանոթանալ, թե ինչպիսի տեսակներ է ունենում օրթոպեդիկ ներքնակը։

02 09 2019

ՕՐԹՈՊԵԴԻԿ ՆԵՐՔՆԱԿՆԵՐԻ ԱՌԱՎԵԼՈՒԹՅՈՒՆՆԵՐԸ

Օրթոպեդիկ և սովորական ներքնակների տարբերությունը նրանում է, որ օրթոպեդիկը կարող է էականորեն բարելավել կյանքի որակը՝ ազատելով հազար ու մի տեսակ ռիսկերից։

27 08 2019