Առողջ քնի կանոնների մասին մեր նախորդ 2 հոդվածներում անդրադարձել էինք քնի համար նախընտրելի ժամերին, դիրքերին, ազդող այլ գործոններին: Այս հրապարակմամբ խոսելու ենք այն 3 բաղադրիչների մասին առանց որոնց իդեալական քուն հնարավոր չէ պատկերացնել․ դրանք են՝ ճիշտ ընտրված մահճակալը, ներքնակը և բարձը:
Ներքնակ
Ըստ տարբեր հետազոտությունների՝ ներքնակները պետք է փոխել 7-10 տարին մեկ: Սակայն, այս կանոնին քչերն են հետևում: Շատ կարևոր է ընտրել ձեզ հարմար ներքնակ: Այն պիտի համապատասխանի ձեզ, ձեր քաշին, տարիքին և առողջական վիճակին: Խորհուրդ է տրվում ներքնակ ընտրելուց առաջ խորհրդակցել բժշկի հետ և ընտրել հենց ձեզ համապատասխան տարբերակը: Մենք ճիշտ ներքնակ ընտրելու համար մի քանի հրապարակում արդեն ունենք: Ծանոթացեք դրանց և ձեռք բերեք հարմարավետ ներքնակ:
- ԻՆՉՊԵՍ ԸՆՏՐԵԼ ՆԵՐՔՆԱԿ ԵՐԿՏԵՂԱՆԻ ՄԱՀՃԱԿԱԼԻ ՀԱՄԱՐ
- ԻՆՉՊԻՍԻ ՆԵՐՔՆԱԿ ԸՆՏՐԵԼ, ԵԹԵ ՈՒՆԵՔ ՄԵՋՔԻ ՑԱՎԵՐ
- 6 ԿԱՆՈՆ ԵՐԿՏԵՂԱՆԻ ՆԵՐՔՆԱԿ ԸՆՏՐԵԼՈՒ ՀԱՄԱՐ
- ԻՆՉՊԵՍ ԸՆՏՐԵԼ ՆԵՐՔՆԱԿ՝ ԿԱԽՎԱԾ ՔԱՇԻՑ
- ԵՐԿՏԵՂԱՆԻ ՆԵՐՔՆԱԿ ԸՆՏՐԵԼՈՒ ՉԱՓՈՐՈՇԻՉՆԵՐԸ
Բարձ
Մարդկանց մի մասը սիրում է քնել բարձով, մյուս մասը՝ ոչ: Իրականում, բարձի ընտրությունը նույնպես շատ կարևոր է: Միգուցե դուք չեք սիրում բարձով քնել, որովհետև ձեր նախորդ բարձերն անհարմար են եղել: Բարձը չպետք է լինի չափից դուրս փափուկ, որ գլուխը ընկղմվի դրա մեջ և շատ չոր, որ պարանոցը ձգված մնա: Առաջարկում ենք վերհիշել մեր նախորդ հոդվածներից մեկը, որտեղ պատմում ենք, թե ԻՆՉՊԵՍ ՉՍԽԱԼՎԵԼ ԲԱՐՁ ԸՆՏՐԵԼԻՍ: Հիշե՛ք, առողջության համար վտանգավոր են այն բարձերը, որոնք․
1. օգտագործում եք արդեն 10 տարի
2. կեղտոտ են
3. տհաճ հոտ ունեն
4. չեն պահում ձևը
5. չափից դուրս կոշտ կամ փափուկ են
6. չունեն պաշտպանիչ պատյան։
Մահճակալ
Մահճակալը ոչ պակաս կարևոր տեղ ունի հարմարավետ քնի հարցում: Հիշեք, որ մահճակալը պետք է ձեր հասակից 15-20 սմ ավել լինի: Մահճակալի լայնության հարցում դուք պետք է ինքներդ հայտարարի գաք: Եթե մահճակալը երկտեղանի է, ապա հնարավորության դեպքում ընտրեք այնպիսի չափ, որ 2 հոգու համար նեղվածության զգացողություն չառաջանա: Ներքնակը պետք է համապատասխանի մահճակալի կաղապարին: Եթե մահճակալից ավելի փոքր լինի, ապա ձեր շարժվելուն զուգընթաց ներքնակը նույնպես կշարժվի և անհարմարություն կպատճառի: Մահճակալների ընտրության հարցում խորհուրդ ենք տալիս հետևել Shkaff-ի բլոգերին: Այնտեղ դուք կգտնեք ինչպես մեծահասակնեի, այնպես էլ փոքրերի մահճակալների ընտրության վերաբերյալ օգտակար խորհուրդներ:
