Յուրաքանչյուր մարդ իր կյանքի մոտ 1/3-ն անցկացնում է քնած։ Քունը կարևոր է ներքին օրգանների ճիշտ աշխատանքի, նյարդային համակարգի հանգստացման, ինչպես նաև թարմացած արտաքին ունենալու համար։ Քանի դեռ մարդու աչքերը փակ են, ներսում բարդ գործընթացներ են կատարվում։ Որպեսզի այդ բարդ գործընթացները հնարավորինս առանց խնդիրների իրականանան, պետք է հետևել քնի որակին։ Թե ինչ կարևոր կանոնների է պետք ուշադրություն դարձնել ամուր ու հանգիստ քուն ունենալու համար առաջարկում ենք ծանոթանալ մեր առանձնացրած կետերին։
1. Սառն օդ և մատորիկա
Շատերը ծանոթ են, որ ձեռքի մատորիկան պատասխանատու է երեխաների խոսքի համար։ Իսկ մեծահասակների համար կարևոր է աշխատել ոտնաթաթի մատորիկայի վրա։ Այն պատասխանատու է արյան շրջանառության համար և օգնում է ամբողջ մարմնից հանել օրվա ընթացքում հավաքված հոգնածությունն ու ձգվածությունը։ Կարիք չկա գնել հատուկ մերսող գորգեր, բավարար է հանել հողաթափերն ու ոտաբոբիկ քայլել։
Իսկ ինչ վերաբերում է մաքուր օդին, ապա անկախ տարվա եղանակից սենյակներն օդափոխելու համար պատուհանը կիսաբաց վիճակում թողեք։ Սառն օդը ձեզ համար ամուր ու առողջ քուն է երաշխավորում։ Հագեք տաք գիշերանոց, բայց փոքր ինչ բաց թողեք պատուհանը։
2. Իդեալական մահճակալ
Իրականում այնքան էլ կարևոր չէ, թե մահճակալի տեսքն ինչպիսին կլինի, կարևորը ճիշտ ներքնակ և անկողին ընտրելն է։ Հանգիստ քնի համար պետք է ընտրել օրթոպեդիկ ներքնակ, որը կհամապատասխանի ձեզ։ Իսկ ինչ վերաբերում է անկողնային սավաններին, ապա հիշեք, որ բամբակն իդեալական է ձմռան համար, իսկ ամռանը պետք է ընտրել մետաքսյա տարբերակներ։
3. Տաք ջուր և փափուկ սրբիչ
Ցնցուղն ամենամատչելի մերսումն է։ Ջրի շիթերն առույգացնում են մաշկն ու թուլացնում մարմինը։ Ցնցուղ ընդունեք քնից առաջ և չորացեք փափուկ սրբիչով։ Կարող եք նաև լոգանք ընդունել լոգարանում դնելով ձեր սիրելի բույրերն ու խնամքի միջոցները։
4. Մեդիտացիա
Ասում են, եթե երբեք մեդիտացիա չեք արել, փորձեք մարմինը թուլացնող տեխնիկան օգտագործել։ Այն սթրեսից հետո օգնում է հանգստանալ և հնարավորինս շուտ քնել։ Փակեք աչքերը և ասեք՝ «իմ աչքերը թուլանում են», կրկնեք այս խոսեքերը ու կզգաք, որ սկսզբից հոնեքերը, հետո մարմնի տարբեր հատվածներ սկսում են թուլանալ։
5. Շնորհակալություն անցնող օրվա համար
Խոստովանեք, որ գրեթե միշտ հոգնեցնող օրվանից հետո ուժ չի մնում։ Բայց դա երբեք հիմնավոր պատճառ չպետք է լինի, որպեսզի շնորհակալություն չհայտնեք այդ օրվա համար։ Որքան էլ օրը ծանր եղած լինի, ուժ գտեք, շնորհակալ եղեք ու հենց այդ օրվան թողեք ամբողջ բացասական էներգիան։ Ուղղակի ասեք՝ շնորհակալություն այն ամենի համար, ինչ եղել է առավոտից։
Սրանք շատ հասարակ խորհուրդներ են, որոնք ցանկության դեպքում կարելի է իրականացնել։ Փորձեք, բարելավեք ձեր քնի որակը, առավոտյան արթնացեք առույգացած ու հանգստացած։ Ամուր քունը հաճելի օրվա գրավականն է։
