Փոքրիկի ծնվելուն նախապատրաստվող ծնողները սովորաբար երկար են կողմնորոշվում մահճակալի և ներքնակի ընտրության հարցում։ Անշտապ որոշում կայացնելն այս դեպքում ունի իր հիմքերը․ չէ՞ որ մահճակալը լինելու է այն վայրը, որտեղ նորածինը պետք է անցկացնի իր օրվա մեծ մասը, հետևաբար այստեղ անհրաժեշտ է կատարել գրագետ և կշռադատված ընտրություն։
Ամենափոքրիկների համար ներքնակ ընտրելիս պետք է միշտ հաշվի առնել նրանց մարմնի, օրգանիզմի առանձնահատկությունները։ Ծնված օրից մինչև երեք տարեկան երեխաների ոսկորները դեռ ամրացած չեն, իսկ մկաններն ավելի թույլ են, հետևաբար ողնաշարի ուղիղ և ճիշտ զարգացման համար անհրաժեշտ է ուղիղ, ձիգ միջավայր։ Այդպիսի միջավայր են ստեղծում կոշտ ներքնակները, որոնց հիմքում սովորաբար լինում են կոկոսի մանրաթելերից կամ լաբիրինթ կոչվող ամուր լցանյութեր։ Այս երկուսից հատկապես կոկոսի մանրաթելերն աչքի են ընկնում խոնավությունը կլանելու և ներքնակն օդափոխելու հատկությամբ, ինչը շատ կարևոր է փոքրիկների անկողնու համար։
Շատ հաճախ այս լցանյութերը զուգակցվում են նաև լատեքսի կամ բամբակի շերտերի հետ, որոնք հավելյալ առաձգականություն են հաղորդում ներքնակին և ապահովում թույլատրելիի սահմանում փափկությունը։ Ի դեպ, փափուկ ներքնակն, ինչպես արդեն հասկանալի դարձավ, ամենահաջող տարբերակը չի մանկական անկողնու համար։ Գուցե դրա վրա քնելն առաջին պահին ավելի հարմարավետ թվա, սակայն մակերեսի անհարթությունը հետագայում կարող է ողնաշարային ամենատարբեր խնդիրների պատճառ դառնալ։
Փոքրիկների համար ներքնակ ընտրելու հարցում ամենակարևոր կողմնորոշիչներից մեկը բնական հումքն է։ Ընդ որում՝ դրա առկայությունը կարևոր է թե՛ ներքնակի ներսում, թե՛ երեսպատման մեջ։ Բնական հումքից, օրինակ՝ բամբակից պատրաստված երեսպատման կտորը՝ մթելը նպաստում է այն բանին, որ փոքրիկի մաշկը քնի ընթացքում չքրտնի, ալերգիկ ռեակցիաներ չունեն, այլ՝ շնչի և օդափոխվի։ Չէ՞ որ քնած ժամանակ փոքրիկների մարմինն անպաշտպան է արտաքին ազդեցություններից։
Ի դեպ, երեսպատման կտորի հարցը հեշտությամբ կարելի է լուծել կամ շտկել նաև մանկական ներքնակերեսների միջոցով։ Haybed-ն առաջարկում է մանկական ջրակայուն ներքնակերեսներ, որոնք ոչ միայն մաքուր ու չոր են պահում ներքնակը, այլ նաև կանխում են փոքրիկի մաշկին սպառնացող վտանգները, որոնք սովորաբար քրտնելու հետևանք են լինում։
Մանկական ներքնակների ընտրության ժամանակ ամենակարևոր հարցերից է նաև ներքնակի չափը։ Սովորաբար, մանկական մահճակալների կամ օրորոցների չափսերը որոշվում են ներքնակի չափսերով։ Հետևաբար մանկական ներքնակ գնելիս պետք է անպայման հաշվի առնել կամ արդեն գնված մահճակալի ներքնակի չափսը կամ այն նկատի ունենալ հետագայում մահճակալ գնելիս։
Ներքնակների համար տարածված չափեր են՝ 60х120սմ, 65х125սմ, 70х140սմ, սակայն շատ խանութներում, այդ թվում նաև մանկական ներքնակների պատրաստման մեջ մասնագիտացած Haybed-ում հնարավոր է պատվիրել ձեր նախընտրած չափի մանկական ներքնակը՝ նախապես խորհրդակցելով մասնագետների հետ։
Երբ կա մահճակալի ու ներքնակի չափերի անհամապատասխանություն, առաջանում է ներքնակի դեֆորմացման վտանգ, ինչն էլ իր հերթին կարող է բացասական ազդեցություն ունենալ երեխայի ողնաշարի զարգացման և ինքնազգացողության վրա։
