24/03/2025

Ընտրում ենք հարմար անկողնային հավաքածու (ՄԱՍ 2)

Առողջ քուն

Մեր նախորդ հրապարակման մեջ անդրադարձել էինք անկողնային պարագաների գործվածքների տեսակներին և դրանց հատկություններին։ Այս հոդվածում կանդրադառնանք դրանց չափսերին և տեսակներին։

Անկողնային պարագաների հավաքածու ընտրելիս կարևոր է, որ այն լինի մեր մահճակալի, ներդիրների՝ բարձի և վերմակի չափսերին համապատասխան։ Մեծ, անպահամապատասխան չափի անկողնային հավաքածուն ոչ միայն անհրապույր տեսք ունի, այլ նաև նրանում անհարմար է քնել․ նեղ բարձի երեսը սեղմում է բարձը, այն դարձնում կոշտ, վերմակը փաթաթվում է ծրարի մեջ, անհարմարություն պատճառում քնած ժամանակ։ Այս տեսակի խնդիրներից խուսափելու համար անհրաժեշտ է նախապես չափել ներքնակը, բարձը և վերմակը և նկատի ունենալ, որ բազմակի լվանալուց հետո անկողնային պարագաների գործվածքը կարող է փոքրանալ և նեղանալ և այլևս չհամապատասխանել ներդիրներին։

Գոյություն ունեն անկողնային պարագաների չափման մի քանի տեսակ։ Տեղական և արտասահմանյան արտադրողների մոտ չափերը կարող են տարբերվել, հետևաբար պետք է ուշադրություն դարձնել ոչ թե անվանումներին, այլ նաև նշված չափերին։ Բացի այդ, անկողնային հավաքածուներն իրարից տարբերվում են ոչ միայն չափսերով, այլ նաև ներառած պարագաների քանակով։ 

Հետևյալ աղյուսակում ներկայացված են անկողնային պարագաների ընդունելի չափսերը և տեսակները՝ ըստ կազմության․

Անվանում Հավաքածուի բաղադրություն Սավանի չափս Բարձի երեսի չափս Ծրարի չափս
մեկտեղանոց սավան, ծրար, բարձի երես 110x200 50x70 135x200
մեկուկես տեղանոց սավան, ծրար, 1-2 բարձի երես 150x220 50x70 և/կամ 70x70 145x215
երկտեղանոց սավան, ծրար, 2-4 բարձի երես 180x240 50x70 և/կամ 70x70 175x215
ընտանեկան սավան, 2 ծրար, 2-4 բարձի երես 220x240 70x70 145x215 յուրաքանչյուրը
եվրո սավան, ծրար, 2-4 բարձի երես 220x240 50x70 և/կամ 70x70 200x200
նորածինների համար սավան, ծրար, բարձի երես 100x135 35χ45 100x138-140
մանկական սավան, ծրար, բարձի երես 100x135 40x60 100x40

Ինչպես տեսանք, հաշվի առնելով մեր մահճակալի չափսերը, այս կամ այն գործվածքին մեր նախապատվությունը՝ կարելի է ընտրել մեզ համապատասխան անկողնային պարագաներ։ Սակայն ինչպե՞ս առաջին հայացքից հասկանալ՝ արդյոք որակյալ են դրանք, թե ոչ։ Որակի առաջին ցուցիչը լավ կարն է, դրա հստակ և ուղիղ շարքը։ Սովորաբար անկողնային որակյալ պարագաները եզրակարի երկու շերտ են ունենում, որոնք թաքցնում են գործվածքի եզրը։ Կարի որակը երևում է նաև թելի ամրությունից և որ զարմանալի է՝ գույնից։ Բարձորակ պարագաների դեպքում գործվածքի և թելի գույնը կտրուկ տարբերություններ չունեն և դիտվում են որպես մեկ ամբողջություն։

Այնուհանդերձ անորակ արտադրանքից խուսափելու և ճիշտ խորհրդատվություն ստանալու համար նախընտրելի է գնումներ կատարել լիցենզավորված արտադրողից։

ԶԱՄԲՅՈՒՂ
Wishlist