Նորածինները օրվա մեծ մասը քնած են անցկացնում, և առողջ քունն այն ամենակարևոր գործոնն է, որը նպաստելու է նրանց օրգանիզմի աճին և ողնաշարի ճիշտ ձևավորմանը։ Այս հանգամանքը հուշում է մեզ, որ մանկական ներքնակը չի կարող ունենալ «պատահական» բաղադրություն, այլ նրա յուրաքանչյուր բաղադրիչ պետք է ուղղված լինի մեր փոքրիկի առողջ աճին։
Կոկոսի մանրաթելերը մանկական ներքակների տարածված լցանյութ են։ Մինչև փոքրիկի ներքնակում հայտնվելը, կոկոսի մազմզուկները հատուկ մշակում են անցնում։ Նախ դրանք առանձնացվում են կոկոսի հասած պտուղներից, ապա մի քանի ամիս շարունակ թրջվում են ջրի մեջ։ Ապա չորացվում են, տեսակավորվում, կապոցների մեջ փաթեթավորվում և ուղարկվում արտադրողին։
Կարճ մանրաթելերից, սովորաբար, պատրաստում են փափուկ լցանյութեր, իսկ ավելի երկարներից՝ կոշտ։ Մանկական ներքնակներում, սովորաբար, կիրառվում են երկարները։
Մանկական ներքնակներում կոկոսի մանրաթելերի լայն կիրառության պատճառը նրանց օգտակար բնույթն է։ Նախ կոկոսի մանրաթելերը բնական նյութ են, հետևաբար անվնաս են երեխայի առողջության, նուրբ մաշկի համար։ Ալերգիկ ռեակցիաներ չեն առաջացնում, օդափոխվում են, ինչը հաճելի է դարձնում դրանց վրա քնելը։
Կոկոսի մանրաթելերով լցանյութը ամենակարևոր առավելություններից մեկը խոնավադիմացկուն բնույթն է։ Փոքրիկները հաճախ են քնի մեջ թրջում իրենց անկողինը։ Հաճախակի թջվելուց հետո սովորական ներքնակը շարքից դուրս է գալիս, մինչդեռ կոկոսի մանրաթելերով լցանյութով ներքնակները չեն դեֆորմացվում խոնավությունից, չեն կլանում տհաճ հոտը, ինչը հեշտացնում է նրանց խնամքը։ Բացի այդ, կոկոսի մշակված մանրաթելերը պարունակում են «լինգին» կոչվող նյութ, որը կանխում է դրանց նեխումը։
Ինչպես նշեցինք, մանկական ներքնակներում կիրառվում են կոկոսի երկար մանրաթելերը։ Դրանք, որպես կանոն, ավելի դիմացկուն, ամուր, ձիգ են, ինչը ներքնակին հաղորդում է օրթոպեդիկ հատկություն, որը շատ անհրաժեշտ է փոքրիկի ողնաշարի ճիշտ ձևավորման համար։
Ըստ օրթոպեդների՝ մանկական ներքնակը չպետք է լինի ո՛չ շատ չոր, ո՛չ էլ շատ կոշտ։ Այս և վերը թվարկած այլ պատճառներով կոկոսի մանրաթելերով ներքնակը, թեև, ի տարբերություն այլ լցանյութերով ներքնակների, ավելի բարձր գին ունի, մեծ պահանջարկ ունի ամբողջ աշխարհում։ Եվ ներքնակի արտադրությամբ զբաղվողները տարեցտարի կատարելագործում են այն՝ համադրելով այլ արդյունավետ լցանյութերով, օրինակ՝ լատեքսով, հիշողության սպունգով և այլն։
Haybed-ի մանկական ներքնակների տեսականիում ևս առկա են կոկոսի մանրաթելերով ներքնակներ, որոնք կօգնեն ձեր փոքրիկներին քնել հանգիստ և մեծանալ առողջ։ Այդ ներքնակներից են՝ Baby Vitamin ACE-ն, Baby Aloe Vera-ն, Baby Bamboo-ն, Baby Concept-ը և այլն։
