Առողջ քնի հետ կապված տարատեսակ կարծրատիպեր կան, բայց դրանցից ոչ բոլորն են իրական։ Ցանկացած մարդու օրգանիզմն անհատական մոտեցման կարիք ունի, ու այն ինչ հարմար է մեկի համար, կարող է խանգարել մյուսին։ Այդ իսկ պատճառով փորձեք կարգավորել քնի ձեր ռեժիմը հետևելով մի քանի պարզ խորհուրդների։
Կարծրատիպ 1. պետք է քնել կոշտ մակերսի վրա
Ասում են՝ այս միֆի արմատները հասնում են մինչև Ճապոնիա, քանի որ այնտեղ մարդիկ քնում են շատ կոշտ ներքնակների վրա ու նույնիսկ մեծ տարիքում իրենց շատ լավ են զգում։ Իսկ ճապոնացիներն իսկապես երկար են ապրում։ Կարևոր է ներքնակ ընտրել անհատապես, հետևելով քաշին, հասակին, տարիքին, ինչպես նաև քնողի առողջական վիճակին։ Օստեոխոնդրոզ ունեցող մարդկանց իսկապես պետք կլինի կոշտ ներքնակ։ Լատեքսից փափուկ մոդելները նախատեսված են նիհար և տարեց մարդկանց, ինչպես նաև այն մարդկանց համար, ովքեր գոտկատեղի ցավ ունեն։ Առանց զսպանակների կոշտ մոդելները հարմար են երեխաների ամար։ Անկախ զսպանակներով միջին կոշտության ներքնակները հարմար են երկուսով քնելու համար։
Կարծրատիպ 2. Առողջ քունը 8 ժամ է
Կան տարբեր հետազոտություններ, որոնք վկայում են, որ մարդիկ վերջին 50 տարում սկսել են ավելի քիչ քնել։ Մեղավորների թվում են օրգանիզմն առույգացնող խմիչքները։ Իսկ առողջ քնի համար մինչև 5 տարեկան երեխաները պետք է քնեն 10-13 ժամ, 8-10 ժամ քուն անհրաժեշտ է անչափահասներին, իսկ 7-9 ժամ մեծահասակներին։ Խնդիրը հորմոնների մեջ է, որոնց արտադրությունը տարիքի հետ փոխվում է։ Եթե մարդը որոշ շրջան լիակատար չի քնում, չի հանգստանում, ապա խախտվում է քնի ռեժիմը։ Նշվում է, որ եթե մարդը որևէ առողջական խնդիր չունի, ապա կարողանում է քնել 4-10 րոպեի ընթացքում։ Եթե մեկ ժամից ավել չեք կարողանում քնել կամ ընդհակառակն ամենաաննշան ձայնից արթնանում եք, ապա պետք է մասնագետի դիմել։ Միգուցե ձեզ լիակատար քնի համար հարմար ներքնակն է պակասում։
Կարծրատիպ 3. Մթությունն օգնում է ամուր քնին
Քնի հետ կապված հորմոն է մելատոնինը։ Այն սկսում է արտադրվել երեկոյան 20։00-ից հետո, իսկ կեսգիշերն անց 2-ի սահմաններին հասնում առավելագույն կոնցենտրացիային։ Այս գործընթացի վրա կարող է ազդել լույսը, մանավանդ համակարգչի կամ սմարթֆոնի։ Այդ իսկ պատճառով մթության մեջ քնելը բավարար չէ, պետք է սահմանափակել մինչև քնելը հեռուստացույց կամ այլ սարքավորումներից օգտվելու ժամանակահատվածը։
Առողջ քունը նոր օրվա լավ տրամադրության ու գեղեցիկ արտաքինի կարևոր գրավականներից մեկն է։
Source: https://bluesleep.ru/blog/zdorovyy-son-mify-i-realnost/
