Մարդկանց մեծամասնությունը հյուրանոցներում համարներ է ամրագրում գիշերելու, աշխատանքից հետո կամ արձակուրդի ընթացքում հանգստանալու համար: Այդ իսկ պատճառով, մահճակալն ու անկողինը պետք է առավելագույնս հարմար լինեն: Դե իսկ անկողնու հարմարավետության առաջին գրավականը ճիշտ ընտրված հարմարավետ ներքնակն է:
Տարբեր դասերի հյուրանոցների, հյուրատների կառավարիչնեն, իհարկե, չեն կարող կանխագուշակել բոլոր հաճախորդների ցանկությունները, առողջական վիճակները և դրանց համապատասխան ներքնակներ օգտագործել: Այնուամենայնիվ, կան որոշ չափանիշներ, որոնց պետք է հետևել` անկախ նրանից, թե հյուրանոցը քանի աստղ ունի:
Հյուրանոցային ներքնակները պետք է լինեն՝
- դիմացկուն
- էկոլոգիական բարձր չափանիշներին համապատասխան
- հեշտ խնամք պահանջող
Այս ամենին զուգընթաց ներքնակների ընտրության կարևոր չափանիշ է նաև դրանց գինը: Հյուրանոցները գնում են մեծ քանակությամբ ներքնակներ բոլոր սենյակների համար: Ըստ այդմ՝ որակյալ ներքնակների գնումը բավականաչափ ծախս է պահանջում:
Ոչ բարձր դասի սենյակների համար հարմար են լինում արհեստական լատեքսով ներքնակները: Լյուքս դասի համարներում կիրառվում են օրթոպեդիկ տեսակներ բնական լատեքսով կամ կոկոսի մանրաթելով:
Զսպանակավոր թե առանց զսպանակի ներքնակ
Մասնագետները պնդում են, որ անկողինը չպետք է լինի չափազանց չոր կամ փափուկ: Այդ իսկ պատճառով, լավագույն տարբերակը միջին կոշտության ներքնակն է, որն ապահովում է ամուր և առողջ քուն:
Օրթոպեդիկ ներքնակը համեմատաբար բարձր գին ունի, սակայն համապատասխանում է բոլոր պահանջներին: Այսպիսի տարբերակները երաշխավորում են ողնաշարի ճիշտ դիրքը, հետևաբար՝ հյուրանոցի հաճախորդները գոհ են մնում հարմարավետությունից: Կարևոր է նաև, որ անկախ զսպանակներով ներքնակի վերին շերտը լինի 2 սմ-ից ոչ պակաս:
Լցանյութի և զսպանակի միջև օգտագործվող շերտն ապահովում է ձեր հյուրանոցում ներքակի երկարակեցությունը: Եթե հարկավոր է ավելի կոշտ տարբերակ, ապա կարող եք ընտել 1 սմ բարձրությամբ կոկոսի մանրաթելով տարբերակներից:
Զսպանակավոր տարբերակներն աչքի են ընկնում կոշտությամբ, քան օրինակ՝ առանց զսպանակի ներքնակները: Առանց զսպանակ տարբերակի առավելություններից մեկն էլ այն է, որ ավելի քիչ են ենթարկվում մեծ ծանրություններին, հետևաբար ավելի երկար են ծառայում:
Հավելենք, որ ներքնակները կեղտոտվածությունից պաշտպանելու համար հարկ կլինի օգտագործել լատեքսից կամ այլ նյութերից պատրաստված հատուկ շերտ (наматрасник):
Գոյություն ունեն նաև ներքնակների առանձին վերին շերեր, որոնք իսկական փրկիչներ են բոլոր այն դեպքերում, երբ կարիք կա գոհացնել քմահաճ հաճախորդին: Դրանով դուք կարող եք հիմնական ներքնակը դարձնել կոշտ կամ փափուկ, առանձին երկու ներքնակների վրա մեկ ամբողջական շերտ օգտագործելով էլ՝ ստանալ երկտեղանի ներքնակ:
