Հարմարավետ և որակյալ ներքնակ գնելու ընթացքը թեև գրավիչ է, բայց նաև շատ պատասխանատու աշխատանք է։ Շատ կարևոր է հաշվի առնել այն բոլոր նյուանսները, որոնք կօգնեն ընտրել օպտիմալ տարբերակ։ Հարմար և ճիշտ ներքնակը լիակատար հանգստի կարևորագույն նախապայմաններից մեկն է։ Որպեսզի առավոտը սկսեք թարմ ու առույգ, անհրաժեշտ է, որ գիշերը ողնաշարըլինի հանգիստ վիճակում։ Իսկ կատարյալ հանգիստը կախված է ներքնակի ճիշտ ընտրությունից։ Այն ներքնակը, որն իդեալական է ձեր մտերիմ մարդու համար, կարող է կատեգորիկ չհամապատասխանել ձեզ։
Ինչպես երկտեղանի մահճակալի համար ընտրել ներքնակ, որ այն լինի ամենալավն ու ամենաորակյալը։
Համոզված ենք՝ բոլոր հաճախորդները ցանկանում են ունենալ լավագույնը, և դա բնական է։ Որպեսզի ներքնակների շուկայի առաջարկած բազմազանությունում չմոլորվեք, հետևեք այս կետերին, դրանք կօգնեն ավելի լավ պատկերացնել ու վերջնական իմի բերել ձեր մտքերը։
1. Ոչ մի դեպքում երկտեղանի մահճակալի ներքնակի ընտրության հարցը մի լուծեք 2 առանձին մեկտեղանի ներքնակի գնմամբ։ Ժամանակի հետ երկու առանձին ներքնակների արանքում տարբերություն կառաջանա, իսկ երկարատև հանգստի պարագայում դուք կզգաք տհաճություն։
2. Հատկապես մանրակրկիտ պետք է ընտրել ներքնակի կոշտությունը։ Չափից դուրս կոշտ տարբերակից կարող է ծանրությունը ճիշտ չտեղաբաշխվել։ Սա կհանգեցնի ուսերի և ազդրերի շրջանում ցավի։ Իսկ շատ փափուկ տարբերակը չի թողնի մկանները հանգստանան։ Միջին կոշտության ներքնակը հիմնականում հարմար է լինում առողջական խնդիրներ չունեցող մարդկանց համար։ Սակայն, ներքնակ ընտրելուց առաջ, խորհրդակցեք ձեր ընտանեկան կամ տեղամասային բժշկի հետ։
3. Նույն քաշային կատեգորիայի զույգերի կամ երկտեղանի մահճակալին հիմնականում մենակ քնող մարդկանց թույլատրվում է նաև բոննել զսպանակավոր (ոչ օրթոպեդիկ) ներքնակ։
4. Այն մարդիկ, ովքեր մեջքի խնդիր ունեն կամ այն զույգերը, որոնց քաշի տարբերությունը էական է, խորհուրդ է տրվում ընտրել օրթոպեդիկ ներքնակ՝ չկապակցված զսպանակներով։
5. Տարեց զույգերին կամ կողքի վրա քնել սիրողներին պետք է փափուկ ներքնակ։ Կարող եք ընտրել անգամ առանց զսպանակ տարբերակ։
6. Եթե սիրում եք քնել փորի վրա պառկած, ապա ընտրեք կոշտ, զսպանակավոր ներքնակ՝ ցանկալի է կոկոսի շերտով։
