Սագի փետուրներից պատրաստված միջուկով բարձերը բոլոր ժամանակներում ունեցել են լայն կիրառություն։ Իսկ այդպիսի պահանջարկի պատճառները բազմաթիվ են։ Իրենց առավելությունների շնորհիվ դրանք գերազանցում են բնական և արհեստական հումքից պատրաստված այլ բարձերին, իսկ ժամանակի ընթացքում փետուրների մշակման նորարարական տեխնոլոգիաները ավելի են մեծացնում դրանց արդյունավետությունն ու օգտակարությունը։
Սագի փետուրներից պատրաստված բարձի միջուկի որակի վրա կարող է ազդել այնպիսի գործոն, ինչպիսին դրանք հավաքելու ձևն է։ Սագի փետուրներն այն եզակի բնական հումքերից են, որոնց հավաքելու համար կենդանուն վնաս չի պատճառվում։
Կիրառության համար հավաքվում են միայն մեծահասակ թռչնի փետուրները, այն էլ՝ տարին երկու անգամ՝ գարնան վերջին և ամռան վերջին։ Սրանք այն շրջաններն են, երբ սագի աճող փետուրը դուրս է գցում հնին։
Սագի փետուրները հավաքել սկսում են թռչունների լողանալու հենց հաջորդ օրը։ Այդ պատճառով նախապես նրանց բաց են թողնում մաքուր ջրավազանի մեջ, որտեղ նրանք լողանում են՝ մաքրելով իրենց փետուրները փոշուց ու կեղտից։
Թռչնի փետուրները բնության մեջ աչքի են ընկնում իրենց զարմանալի կառուցվածքով և հատկություններով։ Փետուրները թեթև են, իրար չեն կպչում, այլ թողնում են, որ իրենց միջև օդային տարածք լինի։ Բացի այդ, փետուրներն այնպես են ստեղծված, որ երկար ժամանակ թաց չեն մնում, այլ արագ չորանում են՝ վերականգնելով իրենց նախկին տեսքը։
Սագի մարմնի տարբեր հատվածների փետուրները տարբերվում են մյուս հատվածի փետուրներից։ Օրինակ՝ պոչի փետուրները կարող են ավելի թեթև լինել վզի հատվածի փետուրներից։ Այդ պատճառով բարձ պատրաստող մասնագետները, կախված այն բանից, թե ինչ մակարդակի փափկություն են ցանկանում հաղորդել բարձին, ընտրում են այս կամ այն հատվածի փետուրները կամ միախառնում դրանք։
Սագի փետուրների ամենամեծ առավելություն դրանց բնական հումք լինելն է։ Իսկ բնական հումքը, հայտնի է, որ քիմիական ոչինչ չունի իր մեջ, այսինքն՝ ալերգիկ ռեակցիաներ չի առաջացնում, ինչպես նաև աչքի է ընկնում երկարակեցությամբ և դիմացկունությամբ։
Այսպիսի միջուկով պատրաստված բարձերը չեն քրտնեցնում, իսկ դա նշանակում է, որ քնելը այդ բարձի վրա հաճելի և հարմարավետ, դեռ ավելին՝ դրանք կարելի է կիրառել տարվա բոլոր եղանակներին։
Ինչպե՞ս խնամել․
Սագի փետուրներից պատրաստված բարձերը նախընտրելի է տարին մեկ անգամ տանել քիմմաքրման, որպեսզի կանխվեն միջատների թափանցումը միջուկի մեջ։ Սակայն բարձերի խնամքն այդքանով չի սահմանափակվում։ Նախ կարևոր է, որ ամսվա մեջ մեկ-երկու անգամ դրանք օդափոխվեն և թափ տրվեն, քանի որ փետուրները հատկություն ունեն թսկելու։ Թափ տալու արդյունքում դրանց մեջ օդ է գոյանում, որն էլ մեծացնում է միջուկի ծավալը և փափկությունը։
Եթե այնուամենայնիվ նախընտրում եք դրանք լվանալ, ապա անհրաժեշտ է ընտրել լվացքի մեքենայի՝ նուրբ իրերի համար նախատեսված ռեժիմը, իսկ ջրի ջերմաստիճանը չպետք է բարձր լինի 30 աստիճանից։ Հնարավոր է լվանալ նաև ձեռքով։ Լվանալուց հետո այն քիչ կարելի քամել, այլ անհրաժեշտ է չորացնել չորանոցի մեջ։ Արդուկելը, բնականաբար, արգելված է։
Haybed-ի անկողնային պարագաների տեսականիում կարող եք գտնել սագի փետուրից միջուկով ամենատարբեր ձևերի բարձեր։
