Մեզ համապատասխան ներքնակի ընտրությունը բարդ գործ է․ չէ՞ որ դրա վրա պատրաստվում ենք լիցքաթափվել, վայելել քունը բազմաթիվ գիշերներ։ Հետևաբար ներքնակի ընտրությանը պետք է մոտենալ այնպես, ինչպես ընտրում ենք, օրինակ, մահճակալ, սակայն ավելի զգուշությամբ, քանի որ եթե վատ մահճակալին երբեմն կարող է փրկել լավ ներքնակը, ապա վատ ներքնակը կդառնա մեր առողջության թշնամին։
Ներքնակների մասին բավական շատ տեղեկատվություն կա համացանցում, ինչը թե՛ հեշտացնում է ներքնակի ընտրության հարցը, թե՛ ավելի շփոթեցնում գնորդին։ Իսկ ի՞նչ սխալներ ենք անում մենք՝ գնորդներս, երբ գնում ենք ներքնակ ընտրելու․
Սխալ N1
«Ինձ տվե՛ք ամենալավ ներքնակը»
Ի՞նչ է նշանակում է «ամենալավ ներքնակ»։ Եթե գոյություն ունենար 1 ընդհանուր չափանիշ լավ ներքնակի համար, ապա դժվար թե շուկայում լինեին այսքան տարբեր հումքերով ու լցանյութերով ներքնակներ։ Շատերը հաճախ կարդալով, որ օրթոպեդիկ ներքնակները առողջության համար լավ են, շտապում են ձեռքբերել հենց այդպիսիները։ Սակայն մինչև ներքնակ ընտրելը, կարևոր է հաշվի առնել մեր ֆիզիոլոգիական կառուցվածքը։ Ոչ բոլոր ներքնակները կարող են համապատասխանել բոլորին։ Մեկին ցուցված են օրթոպեդիկ ներքնակները, մյուսին՝ կապակցված զսպանակներովը, մեկին՝ փափուկ ներքնակները, մյուսին կոշտ։ Հետևաբար գոյություն չունի «ամենալավ ներքնակ» հասկացություն։ Կա համապատասխան ներքնակ։ Թե որն է ձեզ համապատասխանում, կարդացե՛ք մեր նախորդ հոդվածներում։
Սխալ N2
«Էժան ու․․․ անորակ»
Ի տարբերություն «ամենալավ ներքնակի»՝ որակյալ ներքնակներ կան, և հենց դրանք է պետք ձեռք բերել։ Հասկանալի է, ներքնակն ամենաէժան պարագան չէ, սակայն ներդրում անելով որակյալ ներքնակի մեջ, մենք ապահովում ենք մեր առողջությունը գոնե այն վնասակար գործոններից, որոնք կարող են ազդել նրա վրա քնի ընթացքում։ Իսկ այդպիսի գործոններից են ալերգիա առաջացնող հումքը, անորակ զսպանակները, տհաճ հոտ կլանող լցանյութերը․․․ շարքը կարելի է դեռ երկար շարունակել։
Սակայն, բարեբախտաբար, շուկան չի սահմանափակվում միայն «թանկ ու որակով» և «էժան ու անորակ» ներքնակներով։ Այսօր շատ արտադրողներ կարողանում են համատեղել գինն ու որակը և ստանալ մատչելի, բայց որակյալ հումքից ներքնակներ, որոնք գնելով վերջնականապես հրաժեշտ չենք տա մեր ուղիղ ողնաշարին ու առողջ մաշկին։ Մատչելի և որակյալ ներքնակներ կարող եք գտնել նաև Haybed-ի տեսականու մեջ։
Սխալ N3
«Որքան բարձր, այնքան՝ լավ»
Ներքնակի բարձրությունը ձևավորվում է նրա բաղադրությունից՝ զսպանակների բարձրությունից, կիրառված լցանյութերի տեսակից, քանակից ու հաստությունից։ Բարձրությունը ներքնակի համար կարևոր չափանիշ է, սակայն դրա ընտրությունը չպետք է պայմանավորված լինի մեր էքստրեմալ ճաշակով։ Այն պետք է պայմանավորված լինի ինչպես մեր մահճակալի խորությամբ, այնպես էլ մեր ֆիզիոլոգիական կառուցվածքով։ Միջին չափի ներքնակի բարձրությունը 20-25սմ է։ Այս չափը բավական է, որպեսզի այն տեղավորվի մահճակալի մեջ, իսկ մի հատվածն էլ դուրս գա։ Եթե ներքնակի մեծ տոկոսը դուրս է մնում մահճակալից, նշանակում է, որ կա չափսերի անհամապատասխանություն, որը կարող է տանել ներքնակի դեֆորմացիայի։
