Սպունգը ներքնակների և փափուկ կահույքի ամենատարածված լցանյութերից է։ Այն առանձնանում է պրակտիկությամբ և մատչելիությամբ, սակայն նրա դերը ներքնակների կազմության մեջ շատ ավելի մեծ է, քան միայն նշված երկու հատկանիշը։
Ի՞նչ նպատակով է սպունգը կիրառվում ներքնակների պատրաստման մեջ․
Սովորաբար սպունգի այն տեսակը, որը կիրառվում է որպես ներքնակների լցանյութ, տարբերվում է կենցաղում կիրառվող հասարակ սպունգից։ Այդ տեսակի սպունգն ունի բարձր խտություն, ինչն ավելի պրակտիկ է դարձնում դրա կիրառությունը կահույքի կամ ներքնակների պատրաստման մեջ։
Բարձր խտության սպունգն առանձնանում է ճկունությամբ և ամրությամբ։ Այս հատկություններն օգնում են, որպեսզի նրանից պատրաստված պարագաները, որոնք պետք է կրեն մարդու մարմնի ծանրությունը, լինեն ամուր և հուսալի, ժամանակից շուտ շարքից դուրս չգան ու չմաշվեն։
Ներքնակներում կիրառված բարձր խտության սպունգն դրանց դարձնում է առավել փափուկ ու առաձգական, ինչը ներքնակի համար կարևոր հատկանիշ է։ Այս տեսակի սպունգն ունակ է կրել ծանրություն և այն համաչափ բաշխել ներքնակի վրա։ Այս ֆունկցիայի շնորհիվ ներքնակը կարողանում է երկար ծառայել, իսկ գիշերային քունը հնարավոր է վայելել՝ առանց անհանգստանալու անկողնում առաջացած խորդուբորդությունների կամ փոսերի մասին։
Բարձր խտության սպունգը կիրառվում է ամենատարբեր տեսակների ներքնակների մեջ։ Սպունգը կարող է լինել առանց զսպանակային բլոկի ներքնակի կամ տոպպերի հիմնական լցանյութ՝ հաղորդելով դրանց ամրություն, փափկություն, ճկունություն և առաձգականություն։
Այն կարող է լինել նաև բազմաշերտ բաղադրություն ունեցող ներքնակի լցանյութերից մեկը, համադրվելով այլ նյութերի հետ՝ առավելագույն հարմարավետություն հաղորդելու նպատակով։
Սպունգը մեծ կիրառություն ունի նաև զսպանակային բլոկ ունեցող ներքնակների պատրաստման մեջ։ Անհատական զսպանակային բլոկ ունեցող ներքնակների դեպքում իրար չկապակցված զսպանակները տեղադրվում են հատուկ առանձին գրպանիկների մեջ, որոնք թույլ չեն տալիս, որ ճկվելիս զսպանակներն իրար հպվեն։ Այս հնարքը ոչ միայն կանխում է ճռռոցը, այլ նաև զսպանակների շուտ մաշվելը։
Կապակցված զսպանակային բլոկն այս հնարավորությունը չունի, քանի որ գալարներն իրար են միացված։ Այս դեպքում օգնության է հասնում սպունգը։ Տեղադրելով բարձր խտության սպունգը կապակցված զսպանակների արանքում կամ բլոկի անկյուններում՝ հնարավոր է լինում խուսափել զսպանակների մեծ մասի իրար քսվելուց, բլոկի՝ ներքնակի անկյուններում կամ մակերեսի հատվածում տեղաշարժվելուց, ինչն էլ կարող է դառնալ շուտ մաշվելու պատճառ։
Վերը թվարկածներից բացի՝ բարձր խտության սպունգը ունի ևս մեկ կարևոր առավելություն։ Երբ նախապատվությունը տալիս ենք բարձրորակ հումքով աշխատող ընկերությունների արտադրանքին, կարող ենք վստահ լինել, որ բարձր խտության սպունգը, որը նրանք կիրառում են, աչքի է ընկնում հիպոալերգիկ բնույթով, այն չի թողնում, որ ներքնակի մեջ բակտերիաներ գոյանան և վտանգեն մեր առողջությունը։
Haybed-ի ներքնակների տեսականու մեջ կա բարձր խտության սպունգի կիրառությամբ ներքնակների մեծ ընտրություն։
