Տան ամենափոքրերը պահանջում են յուրահատուկ խնամք և ուշադրություն։ Շատ ծնողներ երեխայի մահճակալը սկսում են պատրաստել հղիության վերջին ամիսներին՝ անշտապ, ժամանակ հատկացնելով ներքնակի ընտրությանը։
Ինչպիսին են մանկական ներքնակներն ու ինչումն է դրանց տարբերությունը
Ճիշտ ընտրված ներքնակը դրական ազդեցություն է թողնում երեխայի ողնաշարի կազմավորման վրա։ Ներքնակը տեղավորվում է օրորոցի մեջ և ապահովում է երեխայի անվտանգ քունը։
Ներքնակի կտորը պետք է պատրաստված լինի բնական նյութերից և լինի հակաալերգիկ։ Սա կերաշխավորի, որ երեխայի մոտ չառաջանա կարմրածություն կամ ալերգիա։ Այսպիսի ներքնակները խորհուրդ են տրվում նաև զգայուն մաշկ ունեցող, նորածնային տարիքից մեծ երեխաների համար։
Ներքնակների լցանյութերը լինում են երկու տեսակի՝ արհեստական նյութերով և բնական։
Ինչին ուշադրություն դարձնել մանկական ներքնակ ընտրելիս.
Արժեք։ Կողմնորոշվեք, թե որքան եք կարող հատկացնել երեխայի ներքնակին։ Բնական լցանյութերով տարբերակներն ավելի թանկ են, քան՝ արհեստական լցանյութերով տարբերակները։ Սակայն, իհարկե, երախայի առողջությունն ամեն ինչից թանկ է։
Արտադրող։ Մանկական ներքնակներ արտադրում են ինչպես արտասահմանյան ընկերությունները, այնպես էլ՝ տեղական։ Տեղական արտադրողից գնելիս կարող եք մանրամասն ծանոթանակ ներքնակների լցանյութերին, շերտերին և այլն։
Նշենք, որ նորածինների ներքնակների մեծ տեսականի ունի նաև Haybed-ը։
Չափսեր։ Ներքնակ ընտրելիս կարևոր է արդեն իսկ ունենալ օրորոցը։ Եթե դեռ չունեք, ապա փորձեք գնել երկուսը միասին, որպեսզի չափերի խնդիր չլինի։ Մանկական ներքնակների չափերը տարբեր են, օրինակ՝ , 60х120, 70х140, 180х80 և այլն։ Տեղական արտադրության բարձրորակ օրորոցներ կգտնեք Shkaff-ում։
Լցանյութի տեսակը։ Ընտրեք լցանյութի տեսակն ու շերտերի քանակը։ Ինչպես նշել ենք վերևում, կան արհեստական և բնական լցանյութեր։ Իսկ տարբերակներն իրարից տարբերվում են կոշտությամբ և երկու կողմն էլ հավասարաչափ օգտագործելու հնարավորությամբ։ Ներքնակն ընտրելիս ուշադրություն դարձրեք նաև հաստությանը։ Այն չպետք է լինի բարակ։
Մանկական ներքնակ գնելիս ուշադրություն դարձրեք, թե որքան է այն ծառայելու բալիկին։ Մանկական ներքնակները, կախված իրենց որակից և լցանյութերից, միջինում չեն կորցնում իրենց պիտանելությունը 5-12 տարի։
