Փոքրիկների մարմինը, ինչպես և մերը, քնած ժամանակ գտնվում է անպաշտպան վիճակում և շատ հեշտությամբ կարող է ենթարկվել արտաքին վնասակար ազդեցություններին։ Հետևաբար մանկական վերմակի ճիշտ ընտրությունը կարող է օգնել փոքրիկներին ոչ միայն վայելել քունը, այլ նաև անցկացնել իրենց օրվա մեծ մասը անվտանգ ու առողջ միջավայրում։
Վաղուց արդեն հայտնի փաստ է, որ մարմնի գերտաքացումը ավելի վտանգավոր է, քան սառչելը։ Ուստի բժիշկները խորհուրդ են տալիս փոքրիկների համար ձեռք բերել տարբեր լցանյութերի և հաստության երկու-երեք վերմակ, որոնք կարող եք օգտագործել տարբեր եղանակների։
Վերմակի լցանյութը կարող է լինել թե՛ բնական, թե՛ արհեստական։ Մեր դիտարկումը սկսենք բնական լցանյութերից։
Սագի փետուրներից պատրաստված վերմակները մեծ տարածում ունեն մանկական ներքնակների տեսականիում։ Այս լցանյութերն աչքի են ընկնում իրենց ջերմամեկուսիչ հատկությամբ, ինչն իդեալական է դարձնում դրանց ցուրտ բնակավայրերի համար։
Սագի փետուրներից և աղվազազերից պատրաստված վերմակներով նույնիսկ կարելի է ձմեռային ցուրտ օրերին երեխաներին դուրս հանել զբոսանքի։ Սակայն ջերմամեկուսիչ հատկությունը չի զրկում նրան օդափոխվելու կարողությունից։
Այս բոլոր հատկանիշները, ինչպես նաև հիպոալերգիկ բնույթը, փետուրե հիմքով վերմակները դարձնում են երեխաների համար թիվ 1 անկողնային պարագան։
Ի դեպ, Հայբեդի տեսականուց կարող եք ձեռք բերել սագի փետուրի միջուկով մանկական վերմակների տարբեր մոդելներ։
Բրդե վերմակները ևս լավ լուծում են ցածր ջերմաստիճանների համար։ Բուրդը կլանում է խոնավությունը, բայց չի քրտնեցնում այնպես, որ երեխան անհարմաություն զգա։ Ընդհակառակը, բուրդը կարող է նաև լիցքաթափող ազդեցություն ունենալ և օգնել փոքրիկին խաղաղ ու անուշ քուն մտնել։
Բամբուկե լցանյութը բնական լցանյութերի շարքում մեծ տարածում ունեցողներից է։ Այն շատ թեթև է, հեշտ է օդափոխվում, կլանում է խոնավությունը։ Այն ունի բնական հակաալերգիկ հատկություն և չի գրգռում մաշկը, ինչի շնորհիվ էլ նպաստում է փոքրիկների առողջ քնին։
Արհեստական լցանյութերից մանկական վերմակների մեջ սովորաբար օգտագործվում են սինտեպոնն ու հոլոֆայբերը։ Երկուսն էլ աչքի են ընկնում հեշտ խնամվելու հատկություններով և իհարկե մատչելիությամբ։ Ի տարբերություն բնական լցանյութերի՝ թե՛ սինտեպոնը, թե՛ հոլոֆայբերը շատ ցուրտ ձմեռների պայմաններում այդքան էլ նպատակահարմար չեն։ Այս տեսակները կարելի է օգտագործել գարնանային կամ աշնանային ամիսների համար, ոչ խոնավ միջավայրերում։
Հոլոֆայբերն, ի տարբերություն սինտեպոնի, ավելի լավ է օդափոխվում, ինչը մեծ նշանակություն ունի երեխայի առողջ քնի համար։ Սակայն այս երկուսն էլ աչքի են ընկնում իրենց հիպոալերգիկ հատկություններով, որոնց շնորհիվ քնած ժամանակ փոքրիկի մաշկը չի գրգռվում և առողջությանը վնաս չի հասցվում։
