Երեխան ծնվելու պահից մինչև չափահաս դառնալը անցնում է ֆիզիոլոգիական զարգացման շատ կարևոր փուլերի միջով։ Առողջ քունը առողջ զարգանալու և ձևավորվելու ամենակարևոր հիմքերից մեկն է, որը ծնողները չպետք է անտեսեն։
Մենք բազմիցս խոսել ենք նորածինների և երեխաների ներքնակների մասին, ու թե որքան կարևոր են դրանք երեխայի ճիշտ աճի համար։ Դեռահասային տարիքը ևս հատուկ մոտեցման կարիք ունի։ Չէ՞ որ սա այն շրջանն է, երբ երեխան արագ է աճում, շարունակում է ձևավորվել է նրա հենաշարժողական համակարգը։
Օրվա ընթացքում դեռահասների ողնաշարի վրա մեծ ճնշում է լինում՝ պայմանավորված աշակերտական սեղանի մոտ նրա նստած դիրքով, ուսապարկով, համակարգչի դիմաց երկար նստելով, սպորտով զբաղվելով։ Հետևաբար դեռահասի ներքնակն առաջին հերթին պետք է օգնի նրան լիցքաթափվել, թուլացնել լարված մկանները և արթնանալ թարմացած, ինչը կօգնի ուսման վրա լավ կենտրոնանալուն։
Առողջ քունն անչափ կարևոր է դեռահասի համար, մանավանդ, որ քնի ընթացքում նրանք ոչ միայն լիցքաթափվում են, այլ նաև աճում, հետևաբար ներքնակի ճիշտ ընտրությունը էական դեր ունի դեռահասի ֆիզիոլոգիական զարգացման գործում։ Դիտարկենք այն կարևոր կետերը, որոնց պետք է ուշադրություն դարձնել դեռահասի համար ներքնակ ընտրելու ժամանակ․
Դեռահասի քաշը
Առհասարակ մարդու մարմնի ծավալը որոշիչ է ներքնակ ընտրելու հարցում։ Դեռահասների դեպքում այս պարամետրն ավելի կարևոր է, քանի որ նրանք ավելի արագ են աճում։ Ուստի որպեսզի մեկ-երկու տարի հետո ներքնակն արդեն անպիտան չդառնա, լավ կլինի նախապատվությունը տալ դեռահասի քաշից մինչև հավելյալ 80կգ ծանրություն կրելու ունակ ներքնակներին։
Հասակ
Դարձյալ հիշելով դեռահասների արագ աճը՝ նշենք, որ 10-12 տարեկան երեխայի համար ներքնակ ընտրելիս պետք է հաշվի առնել, որ ընդամենը 2-3 տարի հետ նա կարող է շատ ավելի բարձրահասակ դառնալ և այլևս չտեղավորվել կարճ ներքնակի վրա։ Այս պարագայում նախընտրելի են մեծահասակների համար նախատեսված ներքնակների չափսերը։
Ներքնակի կոշտություն
Դեռահասների ողնաշարի ուղիղ ձևավորման համար խորհուրդ է տրվում նախապատվությունը տալ կոշտ կամ բալանսավորված կոշտ ներքնակներին։ Չափազանց փափուկ ներքնակները չեն կարողանա ճիշտ աջակցություն ցուցաբերել ողնաշարի կետերին, ինչն էլ կդառնա շարունակական ցավերի և պաթոլոգիաների պատճառ։ Այս իմաստով խորհուրդ են տրվում չկապակցված, անհատական զսպանակներով ներքնակները, որոնք ֆիքսում ենո ողնաշարի դիրքը, թուլացնում մկանները, նպաստում արյան շրջանառության կարգավորմանը։ Օրթոպեդիկ ներքնակների լայն տեսականի կարող եք գտնել Haybed-ի արտադրատեսակների մեջ։
Ներքնակի կոշտության ու առհասարակ հարմարավետության համար պատասխանատու են ոչ միայն զսպանակները, այլ նաև լցանյութերը։ Հաշվի առնելով այն բոլոր պահանջները, որոնք դրված են դեռահասների ներքնակների առջև՝ խորհուրդ է տրվում ընտրել կոկոսի մանրաթելերից, ձիու մազից և բնական լատեքսի շերտերից կազմված ներքնակները։ Դրանք, լինելով բնական լցանյութեր, ապահովում են ներքնակի օդափոխությունը, ստեղծում առաձգական մակերես և նպաստում առողջ ու հարմարավետ հանգստին։
