
08/10/2025
Ինչ առավելություն ունեն Haybed-ի բնական լատեքսով ներքնակները
Առողջ քուն
Լատեքսն, առհասարակ, ներքնակների և փափուկ կահույքի մեջ լայնորեն կիրառվող լցանյութ է, որը ժամանակի ընթացքում իրենց դրսևորել է որպես ամուր, որակյալ, առաձգական հումք։
Haybed ընկերության ներքնակների մեջ մասնագետները կիրառում են լատեքսի բնական տեսակը, որի մի շարք առավելությունները ներքնակը դարձնում են հարմարավետ, երկարակյաց և ամուր։ Այս հրապարակման մեջ կխոսենք այդ առավելությունների մասին։
Լատեքսի բարձր առաձգականությունը այն դարձնում է օրթոպեդիկ ներքնակների համար օգտակար բաղադրիչ։ Այն ունակ է հիշողության սպունգի նման ֆիքսել մարմնի դիրքը և ապահովել մկանների ռելաքսացիան, նպաստել արյան շրջանառության կարգավորմանը։
Այս հումքը կիրառելի է ինչպես կոշտ, այնպես էլ միջին կոշտության ներքնակների մեջ։ Ամեն ինչ, իհարկե, կախված է ներքնակում կիրառված լատեքսի շերտի հաստությունից, քանակից։
Բնական լատեքսը նաև այն համադրելի է այլ լցանյութերի հետ․ կոկոսի շերտի և անհատական, չկապակցված զսպանակային բլոկի հետ համադրվելով՝ լատեքսը ստեղծում է իդեալական առաձգականություն և օրթոպեդիկ էֆեկտ։ Haybed-ի տեսականիում այդպիսի համադրությամբ ներքնակները շատ են և բավական սիրված են հաճախորդների կողմից։ Օրինակ՝ Chocolate, Magnerest կամ Cocolat ներքնակների դեպքում այս երեք բաղադրիչների համադրությունը ստեղծել է առողջ քնի համար լավագույն պայմանները․ ֆիքսում է ողնաշարի դիրքը և օգնում են քնի ընթացքում թուլանալ, չլարվել, չծռվել։
Բնական լատեքստի կառուցվածքն այնպիսին է, որ նրա մեջ միջատներ չեն հավաքվում, այն երկար ժամանակ պահպանում է իր տեսքն ու ձևը և բնական հումք լինելով՝ ալերգիկ ռեակցիաներ չի առաջացնում։ Այս հատկությունները նպաստում են, որ Haybed-ի մասնագետներն առանց երկմտելու բնական լատեքսը կիրառեն նաև մանկական ներքնակների մեջ։
Կիրառելով բնական լատեքսի ոչ շատ հաստ շերտ և այն համադրելով կոկոսի մանրաթելերից պատրաստված շերտերի հետ՝ Haybed-ի մասնագետները ստանում են նորածինների և մինչև 3-4 տարեկան երեխաների ողնաշարի և մկանային հյուսվածքի ճիշտ ձևավորման համար նախատեսված, անվտանգ և հարմարավետ ներքնակներ։ Դրանց արդյունավետությունը հատկապես ավելանում է, երբ կիրառվում է բնական բամբակից պատրաստված երեսպատման մթել, որը չի վնասում փոքրիկի մաշկը։ Haybed-ի մանկական ներքնակների տեսականու մեջ բնական լատեքսի շերտ ունեն Baby Vitamin A, C, E, Baby Strawberry, Baby Bamboo, Baby Balloon, Baby Concept, Baby Umorfil ներքնակները։
Ընդ որում պետք է նշել, որ շատ ծնողներ, կարևորելով մասնագետների կարծիքները, խուսափում են նորածինների համար փափուկ ներքնակ ընտրելուց։ Մենք կիսում ենք այդ կարծիքը և ընդգծում, որ բնական լատեքսի այն շերտը, որը կիրառվում է Haybed-ի մանկական ներքնակներում, թույլատրելի չափի սահմաններում է և փոքրիկների համար ստեղծում է քնի հարմարավետ պայմաններ՝ չհաղորդելով ողնաշարի զարգացման համար վտանգավոր փափկություն։
Բնական լատեքսը հիշողության սպունգի և բարձր խտության սպունգի հետ հավասար կիրառվում է առանց զսպանակների ներքնակների պատրաստման մեջ։ Այս լցանյութերի յուրաքանչյուրն ունի իր առանձնահատկությունները, որոնց մասին մենք տարբեր հրապարակումներում խոսել ենք։ Օրինակ՝ բնական լատեքսի կիրառությունը Haybed-ի Latexco Natural առանց զսպանակի ներքնակը դարձրել է առաձգական, ձիգ, բայց ոչ կոշտ և գործածության տեսանկյունից երկարակյաց։