Առանց զսպանակի ներքնակը ստեղծվել է զսպանակավորներից շատ ավելի վաղ։ Այն ժամանակ, երբ մարդը մտածեց ավելի հարմարավետ դարձնել իր անկողինը և որոշեց պարկի մեջ լցնել կենդանիների մորթիներ և չորացած տերևներ, ստեղծվեց առաջին առանց զսպանակի ներքնակը, որը, փաստորեն, հազարամյակների պատմություն ունի։
Հազարամյակներ անց անգամ առանց զսպանակի ներքնակները չեն դադարում լինել պիտանի և արդիական, դեռ ավելին, շնորհիվ իրենց հատուկ նշանակություն ունեցող լցանյութերի՝ խորհուրդ են տրվում բժիշկների կողմից։
Եկեք դիտարկենք, թե ինչ բաղադրություն ունեն ժամանակակից անզսպանակ ներքնակները և որոնք են դրանց առանձնահատկությունները։
Բաղադրությունը
Զսպանակների բացակայությունը այս տեսակի ներքնակներում զերծ է պահում դրանց մետաղական ճռռոցից, էլեկտրոմագնիսական ալիքների կուտակումից և ճոճանակի տպավորությունից։ Փոխարենը անզսպանակ ներքնակներն իրենց կազմության մեջ ունեն բնական կամ սինթետիկ լցանյութերի շերտեր, որոնք կարող են ունենալ նաև օրթոպեդիկ հատկություն։
Անզսպանակ ներքնակներին օրթոպեդիկ հատկություն հաղորդող ամենատարածված լցանյութերից է կոկոսի մանրաթելերից պատրաստված շերտը։ Այս լցանյութի առանձնահատկություններին անդրադարձել ենք մեր առանձին հրապարակման մեջ: Կոկոսի մանրաթելերը կլանում են խոնավությունը և որպես օրգանական հումք՝ ալեգեն չեն։ Առաձգական այս շերտի առկայությունը հավելյալ ամրություն է հաղորդում ներքնակին և նպաստում վերջինիս օրթոպեդիկ ազդեցությանը։
Մյուս կարևոր լցանյութը լատեքսն է՝ իր բնական և արհեստական տարատեսակներով։ Այս հակաբակտերիալ, հիպոալերգիկ լցանյութը դիմացկուն է խոնավության նկատմամբ, շնչող է և որ ամենակարևորն է՝ կարողանում է կրել մեծ ծանրություն։ Իրենց բնույթով լատեքսին նման են նաև հիշողության սպունգը և պենոպոլիուրետանը։
Տարածված կիրառություն ունի նաև թաղիքը։ Կոշտ թաղիքը հայտնի է որպես առաձգական, ամուր, շնչող նյութ, ուստի թաղիքի բաղադրությամբ ներքնակները խորհուրդ են տրվում ծանր քաշ ունեցող մարդկանց, մարզիկներին, ինչպես նաև երեխաներին և նորածիններին։
Առանց զսպանակի ներքնակներում առավելագույն օրթոպեդիկ ազդեցության մասնագետները հասնում են մի քանի լցանյութի կիրառմամբ։ Լցանյութերի քանակով ու տեսակով է պայմանավորված նաև ներքնակի կոշտությունը։
Առանձնահատկությունները
Մետաղական բլոկի բացակայությունը ներքնակը դարձնում զգալի թեթև, ինչը հեշտացնում դրա տեղափոխումը։ Բացի այդ, ինչպես արդեն նշեցինք վերևում, զսպանակների բացակայության շնորհիվ գիշերվա ընթացքում ճռռոց չի լսվում, իսկ անաղմուկ ներքնակի վրա քնելը, անշուշտ, շատերի ընտրությունը կարող է լինել։
Տարատեսակ լցանյութերի կիրառությամբ հնարավոր է ստանալ իսկապես կոշտ ներքնակ, ինչը նախընտրելի է նորածինների և երեխաների համար․ չէ՞ որ կարևոր է համապատասխան միջավայր ստեղծել նրանց ողնաշարի ուղիղ ձևավորման համար։
Թերևս ներքնակների այս տեսակի առավելությունը զսպանակավորների նկատմամբ նաև ցածր արժեքն է։ Այդ է նաև պատճառը, որ առանց զսպանակի ունիվերսալ և օրթոպեդիկ ներքնակները մեծ պահանջարկ ունեն հյուրանոցներում։
