Մեր օրերում ողնաշարային խնդիրներ հազվադեպ չեն։ Շատերը դրանք կապում են նստակյաց կյանքի կամ որոշ պաթոլոգիաների հետ, սակայն քչերն են տեսնում ողնաշարի խնդիրների և քնած ժամանակ մեր մարմնի դիրքի միջև կապը։
Քնի ընթացքում մեր մարմինը պետք է լիցքաթափվի, ընդունի հարմար դիրք, սակայն հաճախ դա տեղի չի ունենում սխալ ընտրված ներքնակի կամ բարձի պատճառով։
Գլխացավերը, ճնշման տատանումները, շարունակ հոգնածությունը, վզի շրջանում դիսկոմֆորտը կարող են անմիջական կապ ունենալ բարձի հետ։ Ցավոք, անկողնային այս պարագայի կարևորությունը երբեմն անտեսված է մնում, մինչդեռ մասնագետները նման սպեցիֆիկ դեպքերում խորհուրդ են տալիս ավելի հետևողական լինել բարձի ընտրության հարցում՝ նախապատվությունը տալով օրթոպեդիկ բարձերին։
Օրթոպեդիկ բարձն օգնում է ֆիքսել ողնաշարի դիրքը, թուլացնել ողնաշարային հիվանդությունների հետևանքով առաջացած ցավերը, կարգավորում արյան շրջանառությունը, նվազագույնի հասցնում խռմփոցը՝ հարմարավետ քուն պարգևելով նաև ընտանիքի մյուս անդամներին։
Ինչի՞ն ուշադրություն դարձնել օրթոպեդիկ բարձ ընտրելիս։
Ձևին
Գոյություն ունեն ամենատարբեր ձևերի բարձեր՝ ուղղանկյուն, կլոր, օվալ, ալիքաձև, սակայն կարևոր է, որ դրանք ճիշտ կրկնեն մարմնի անատոմիական կորերը, մասնավորապես՝ թիակների և վզի հատվածը։ Քնի ձեր սիրելի դիրքը ևս կարևոր է բարձի ձևի ընտրության հարցում։
Ըստ նախասիրության և պահանջի՝ գոյություն ունեն․
Կողքի կամ մեջքի վրա քնելու համար բարձեր,
Նստելաբարձեր, որոնք օգտակար են նստակյաց աշխատանք անողներին, վարորդներին կամ պոչուկի շրջանում ցավեր ունեցող անձանց,
Ոտքի տակ դրվող բարձեր, որոնք նվազեցնում են վարիկոզն ու այտուցվածությունը։
Լցանյութին
Լցանյութից է կախված բարձի ամրությունը, դիմակցունությունը և ճկունությունը։ Մեծ տարածում ունեն «հիշողության սպունգ» (memory foam) լցանյութով օրթոպեդիկ բարձերը, որոնք հեշտությամբ ընդունում են գլխի և պարանոցի դիրքը, հետո հեշտ վերականգնում իրենց նախնական ձևը։
Լատեքսի լցանյութով օրթոպեդիկ բարձերը թուլացնում են ողնաշարը և մկանների լարվածությունը։ Լատեքսի հակաբակտերիալ հատկությունների շնորհիվ նվազում է նաև ալերգիկ և շնչառական հիվանդությունների ռիսկը:
Լցանյութի հարցում ընտրությունը ևս կախված է ձեր անձնական նախասիրություններից և ողնաշարի պահանջներից։
Haybed-ում կարող եք գտնել ամենաորակյալ բարձերի մեծ տեսականի։ Դրանց մանրամասներին կարող եք ծանոթանալ այստեղ։
