Թե՛ լատեքսը, թե՛ հիշողության սպունգը անկողնային պարագաների՝ բարձերի, ներքնակների պատրաստման մեջ լայն կիրառվող նյութերից են։ Երկուսն էլ աչքի են ընկնում այնպիսի հատկություններով, որոնք անկողնային պարագաները դարձնում են հարմարավետ, օգտակար և դիմացկուն։
Երբեմն, սակայն, հարկ է լինում ընտրություն կատարել այդ երկուսի միջև՝ ընտրել բնական լատե՞քս, թե՞ հիշողության սպունգ լցանյութ պարունակող անկողնային պարագա։
Դիտարկենք դրանց կիրառությունը մասնավորապես ներքնակների պատրաստման մեջ։ Սկսենք բնական լատեքսից․
Այս լցանյութի ամենամեծ առավելությունը հիշողության սպունգի նկատմամբ նրա բնական նյութ լինելն է։ Այն պատրաստում են հևեա կոչվող ծառի հյութից։
Լատեքս պարունակող ներքնակներին բնորոշ է երկարակեցությունը։ Վստահ եղեք, որ լատեքս լցանյութն ընտրելով դուք երկար տարիներ ապահովված կլինեք ամուր և առաձգական ներքնակով։
Բնական լատեքսից պատրաստված ներքնակներն աչքի են ընկնում ջերմամեկուսիչ հատկություններով։ Իսկ դա նշանակում է, որ այսպիսի ներքնակների վրա ամռանը քնելը զով է, իսկ ձմռանը՝ տաք։ Այն թույլ է տալիս, որ ներքնակի մեջ օդափոխություն կատարվի, ինչի արդյունքում խոնավությունը և տհաճ հոտերը չեն անցնում ներքնակի մեջ ու անհարմարություն պատճառում քնած ժամանակ։
Լատեքսն առաձգականություն է հաղորդում ներքնակին։ Ի տարբերություն սովորական սպունգի՝ այն կրկնում է մարդու մարմնի անատոմիական կորերը և այդ կերպ օրթոպեդիկ ազդեցություն հաղորդում ներքնակին։
Haybed ներքնակների մասնագիտացված խանութի տեսականին հարուստ է լատեքսից պատրաստված ներքնակներով։ Դրանք կրում են վերը թվարկած բոլոր առավելությունները և խոստանում են հարմարավետ և առողջ գիշերային հանգիստ։ Haybed-ի՝ լատեքս պարունակող ներքնակներից են Chocolate-ը, Magnerest-ը, Umorfil-ը, Cocolat-ը, Latexo Natural-ը և ուրիշ ներքնակներ։
Լատեքսի թվարկված առավելությունները, սակայն, չեն արժեզրկում մյուս բարձրորակ և հարմարավետ լցանյութը՝ հիշողության սպունգը։
Ի տարբերություն լատեքսի՝ հիշողության սպունգն արհեստական լցանյութ է, սակայն ունի ներքնակին հարմարավետություն, երկարակեցություն և որակ հաղորդելու բոլոր հատկանիշները։
Այս լցանյութն օգնում է ամբողջովին թոթափել մկանների լարվածությունը և խթանում արյան շրջանառության կարգավորմանը։ Թեթևացնում է պարանոցի և մեջքի ցավերը, քանի որ լատեքսի նման նույնությամբ կրկնում, «հիշում» է մարդու մարմնի կորությունները և ֆիքսում դրանք։
Հիշողության սպունգ պարունակող որակյալ և հարմարավետ ներքնակներ կարող եք գտնել Haybed-ի տեսականու մեջ։ Այդպիսի ներքնակներից են Cooler-ը, Biorythmic-ը, Visco Relax-ը, Aloe Vera-ն, Warmer-ը։ Այս ներքնակների խելացի պարունակությունը՝ համադրվելով հիշողության սպունգի հետ, ունակ է գիշերային քունը դարձնել ոչ միայն հանգստի, այլ նաև թերապիայի միջոց։
